जलप्रलय

जलप्रलय

 

जलप्रलय

उत्पत्तिको पुस्तकले इतिहासमा घटेका तीन उल्लेखनीय घटनाहरूका बारेमा बताउँदछ। प्रत्येक सृष्टिवादीले यी घटनाहरू बाइबलले बयान गरेजस्तो गरी नै इतिहासमा घटेका हुन् भनी विश्वास गर्दछ। तर प्राय: विकासवादीहरूले यी तीन घटनाहरूलाई, मानौं ती कहिल्यै घटेका थिएनन् झैं गरी वेवास्ता गर्छन्। यी तीन महान घटनाहरूमा विश्वास गरेको हुनाले कहिलेकाहीँ बाइबलका विश्वासीहरूको खिल्ली उडाउने गरिन्छ। विकासवादीहरूले जे सिकाए तापनि आज संसारलाई अवलोकन गर्दा यी तीन घटनाहरू भएकै हुन् भन्ने अकाट्य प्रमाणहरू देखिन्छन्। वास्तवमा, यी तीन अलौकिक घटनाहरूलाई मान्यता दिइएन भने विज्ञानका तथ्यहरूलाई सठीक प्रकारले बुझ्न र अर्थ लगाउन असम्भव हुन्छ।

१. अलौकिक सृष्टि

(उत्पत्ति १-२)

हामीले चारौं पाठमा अध्ययन गरिसक्यौं, सृष्टिको कार्य छ-दिने अवधिमा (प्रस्थान ३१:१७ र पाठ ४ हेर्नुहोस्), करिब ७,००० वर्ष अगाडि (पाठ ६ हेर्नुहोस्) पूरा भएको हो जसलाई हामी सृष्टि-साता भन्छौं। त्यसैले, आज कुनै पनि कुराको सृष्टि भइरहेको छैन! सृष्टिका सबै कुराहरूको सृजना सि________। वैज्ञानिकहरू प्राय: यसो भन्ने गर्छन्, “पद्धार्थको नता सृष्टि हुँदैछ नता विनाश।” आज कुनै नयाँ पद्धार्थको उद्भव भइरहेको छैन। आज सृष्टिकर्ताले सृष्टि गरिरहनुभएको देख्न सकिँदैन (पाठ ३)। केवल सृष्टिकर्ताद्वारा पूर्ण (complete) गरिएको सृष्टिलाई देख्न सक्छौं र उहाँले कति उदेक र भययोग्य रितिले सबै कुरा बनाउनुभएको छ भनी हामी धन्यवादी बन्न सक्छौं!

विकासवादीहरूको दावी अनुसार विकासको क्रम आजसम्म जारी छ। पर्याप्त समय भएको खण्डमा विकासवादीहरूको ईश्वरले अझै पनि उच्च, अझै असल, अझै जटिल जीवहरू बनाउँदैछ भनी उनीहरू विश्वास गर्छन्! पदार्थको अस्तित्व पहिल्यै देखि नै थियो भनी धेरै विकासवादीहरूले विश्वास गर्दछन्।

प्रभु येशूले विकासवादमा विश्वास गर्नुहुन्थ्यो कि सृष्टिवादमा (मत्ती १९:४)? _______________________________________ उहाँले केवल सृष्टिमा मात्र विश्वास गर्नुहुँदैन थियो, तर उहाँ स्वयं सृष्टिकर्ता हुनुहुन्थ्यो (यूहन्ना १:३; कलस्सी १:१६)।

२. मानिसको पतन

(उत्पत्ति ३)

आदमको ठूलो पापले यस पृथ्वी र सम्पूर्ण सृष्टिलाई नै गहिरो असर पार्यो। मानिस पापमा पतन भएको कारण “अहिलेसम्म पनि _______ _______ एकसाथ ऐया-आत्था गरिरहेको र प्रसुति-वेदनामा तड्पिरहेको छ” (रोमी ८:२२)। उक्त पतनको फलस्वरुप पृथ्वीमाथि श्राप आइपर्यो (उत्पत्ति ३:१४-१९)। आज संसारलाई अवलोकन गर्दा जताततै रोगी, विरामी, सड्ने, गल्ने, कुहिने र मर्ने क्रम व्यापक रूपमा भएको पापको श्रापमा परेको संसारलाई देख्दछौं।

आदमको श्राप निम्न कुराहरूसित कसरी सम्बन्धित छ भनी व्याख्या गर्नुहोस्:

    • क) चिहानहरू _____________________________________________।
    • ख) अस्पतालहरू _____________________________________________।
    • ग) जीवशेषहरू _____________________________________________।
    • घ) पत्र-पत्रिकामा दिइने समवेदनाहरू _____________________________________________।
    • ङ) उत्पत्तिको पाचौं अध्याय (“अनि तिनी मरे” भनी चिहानको सम्झना दिलाउने पदहरू) _____________________________________________।

के यो श्राप सदा रहिरहनेछ (प्रकाश २२:३)? ______________।

आदमको पापले तपाईंलाई कसरी असर पार्छ (रोमी ५:१२)? ___________________ आदमले गरेको कुरालाई निष्फल गर्न सक्ने एउटै व्यक्ति को हुनुहुन्छ (रोमी ५:१७-१९)? ____________________

३. विश्वव्यापी जलप्रलय

(उत्पत्ति ६-८)

परमेश्वरले उत्पत्तीको पुस्तकमा हजारौं वर्ष अगाडि नूहको दिनहरूमा घटेको असाधारण जलप्रलयको बारेमा वर्णन गर्ने तीन अध्यायाहरू होसियारीपूर्वक दिनुभएको छ। के साँच्चै त्यस्तो कुनै घटना घटेको थियो? यस पाठमा, हामीले यस पृथ्वीमा यो संसार नै पहिलेको भन्दा बदल्ने गरी भएको उक्त महत्त्वपूर्ण जलप्रलयको बारेमा अध्ययन गर्नेछौं!

१.जलप्रलयको ऐतिहासिकता

उत्पत्तीको पुस्तकमा लिखित जलप्रलय के वास्तविक ऐतिहासिक घटना थियो, कि मानिसहरूलाई आत्मिक पाठ सिकाउन रचिएको कुनै काल्पनिक कथा थियो? यो अति महत्त्वपूर्ण प्रश्न परमेश्वरको वचन बाइबलको सत्यतासँग सम्बन्धित छ। के बाइबल सत्य, विश्वसनीय र भरपर्दो छ? बाइबलमा लेखिएका घटनाहरू वास्तवमै घटेका थिए भनी के हामी विश्वास गर्न सक्छौं? के बाइबलमा भएका इतिहासका लेखहरू सठीक र त्रुटीरहित छन्? सत्यका परमेश्वरले हामीलाई कहिल्यै पनि भ्रममा पार्नुहुन्न। उहाँको वचनले वास्तवमा घटेको घटनालाई बङ्ग्याएर विवरण दिँदैन। जब हामीले सम्पूर्ण पृथ्वीलाई ढाकिदिएको जलप्रलय सम्बन्धी परमेश्वरको विवरण अध्ययन गर्दछौं, हामीले यसको प्रत्येक शब्दलाई नै विश्वास गर्न सक्छौं। परमेश्वरले _________ बोल्न सक्नुहुन्न (तीतस १:२)।

के प्रभु येशूले कुनै एक समय जलप्रलय आएर संसारलाई नष्ट गरेको कुरालाई विश्वास गर्नुभयो (लूका १७:२७)? ____________। हामीहरू ख्रीष्टियन भएकोले, के हामीले पनि यही कुरालाई विश्वास गर्न सक्छौं? _____________ यदी जलप्रलय कहिल्यै पनि साँच्चै घटेको छैन भने, येशू गलत हुनूहनेथियो! के परमेश्वरका पुत्र गलत हुन सम्भव छ? ________ यदी जलप्रलय वास्तविक ऐतिहासिक घटना हो भने, अधिकांश विकासवादीहरू गलत छन्! के विकासवादी वैज्ञानिकहरू गलत हुन सम्भव छ? ___________ के हिब्रूको पुस्तकका लेखकले नूह र तिनको जहाजमा विश्वास राख्दथे (हिब्रू ११:७)? __________। इजकिएल अनुसार के नूह एक ऐतिहासिक मानिस थिए (इजकिएल १४:१४,२०)? ________। के प्रेरित पत्रुसले जलप्रलयमा विश्वास गर्दथे (१ पत्रुस ३:२०; २ पत्रुस ३:५-६)? _____________।

एउटा आइतबारको दिन एकजना पास्टरले प्रचार गर्दैथिए, र तिनको प्रचारको बीचमा तिनले यसो भने, “परमेश्वरले भन्नुभयो; मैले विश्वास गरेँ; र यो सुनिश्चित भयो!” एक्कासी एकजना १० वर्षकी सानी ठिटीले जवाफ दिइन्, “पास्टर, तपाईं गलत हुनुहुन्छ!”

यस्तो अवरोधको बानी नपरेको पास्ट थोरै झस्किए। “सानी नानी, म गलत छु भनी तिमीले किन भन्यौ? मैले त यति मात्र भनेको थिए, ‘परमेश्वरले भन्नुभयो; मैले विश्वास गरेँ; र यो सुनिश्चित भयो।’”

ठिटीले बढि जोड गरेर अनुरोध गरिन्, “पास्टर, तपाईं गलत हुनुहुन्छ। परमेश्वरले भन्नुभयो र तपाईंले विश्वास गर्नुभए पनि वा नगर्नुभए पनि यो सुनिश्चित भयो!”

२.जलप्रलयको व्यापकता

उक्त जलप्रलय विश्वव्यापी (सम्पूर्ण पृथ्वी भरी फैलिएको) थियो कि स्थानीय (एउटा सानो भूभाग मात्र ढाकेको)? के जलप्रलयको पानीले सम्पूर्ण पृथ्वी ढाकेको थियो कि पृथ्वीको एउटा सानो हिस्सा मात्र?

उत्पत्ति ७:१९-२० “अनि _____________ पानी झन्-झन् बेसी बढ्दै गयो; अनि _________ _____________ भएका _______ अग्ला-अग्ला पहाडहरू छोपिए। त्यहाँबाट पानी अझै पन्ध्र हात माथिसम्म बढ्यो, र ___________ ___________”। सारा आकाशमनि भएका सबै अग्ला-अग्ला पहाडहरू छोपिए! के यो विश्वव्यापी जलप्रलय जस्तो देखिन्छ कि स्थानीय जलप्रलय जस्तो? ______________________ यदी अति उच्च भूभागहरू पनि ढाकिएका थिए भने होचो भूभागहरू पनि ढाकिएका थिए।

२ पत्रुस ३:६ ले पनि जलप्रलयको बारेमा बताउँदछ: “जुन _________ त्यस बेलाको ________ ________ नै _______ _________ नष्ट भयो”। पृथ्वी आंशिक रूपमा नष्ट भयो कि पूर्णरूपमा? __________।

उत्पत्ति ९:८-१७ मा परमेश्वरले नूह र तिनका छोराहरूसँग गर्नुभएको प्रतिज्ञाको बारेमा पढ्नुहोस्। परमेश्वरले _________ __________ नाश गर्न (उत्पत्ती ९:११) र _________ __________ नष्ट गर्नका निम्ति (उत्पत्ती ९:१५) जलप्रलय कहिल्यै नपठाउने प्रतिज्ञा गर्नुभयो। के परमेश्वरले आफ्नो प्रतिज्ञा पूरा गरिरहनुभएको छ? _______ के नूहको विशाल जलप्रलयपश्चात, परमेश्वरले पृथ्वीमा केही मानिसहरू र पशुहरू नाश गर्ने किसिमका साना-ठूला जलप्रलय (बाढी) हरू पठाउनुभएको छ? ______।

के परमेश्वरले हजारौं मानिसहरू र पशुहरू नाश गर्ने यस्ता जलप्रलय (बाढी) हरू पठाउनुभएर नूहसँगको आफ्नो प्रतिज्ञालाई कतै तोड्नुभएको छ? _______। परमेश्वरले त्यहाँ कुनै पनि नाश गर्ने किसिमका जलप्रलय (बाढी) हरू हुनेछैनन् भनी प्रतिज्ञा गर्नुभएको होइन, तर उहाँले नूहको दिनहरूमा भएजस्तो पृथ्वीको सतहमा भएका सबै प्राणीहरू नाश गर्ने किसिमको जलप्रलयचाहिँ कहिल्यै हुनेछैन भनी प्रतिज्ञा गर्नुभएको थियो। के परमेश्वरले आफ्नो वचन पालन गर्नुभएको छ? ________

३. जलप्रलयको अवधि

जलप्रलयको अवधि कति लामो थियो? पानी कति समय परिरह्यो (उत्पत्ति ७:१२)? __________________________। पानी थमिएपछि, के नूह र उनका परिवार जहाजबाट उत्रिहाले (उत्पत्ति ७:२४; ८:३-४)? __________। आरारात पर्वतमा जहाज अडिएपछि के नूह र उनका परिवार जहाजबाट उत्रिहाले (उत्पत्ति ८:४-१२)? ___________। वास्तवमा, नूह र उनका परिवारले जहाजमा एक वर्षभन्दा बढी समय बिताए। के अन्य जलप्रलयहरू त्यतिको लामो अवधिको हुने गर्छन्? ___________। एकदम भयानक स्थानीय बाढीहरू पनि केही दिनहरू मात्रै लामा हुन्छन्!

जलप्रलयको समयतालिका पहिले, पानी ४० दिनसम्म परिरह्यो (यस समयमा पानीको गहिराइ निकै विशाल भयो)। उत्पत्ती ७:४ हेर्नुहोस्।

त्यसपश्चात ११० दिनसम्म पृथ्वीमाथि पानी प्रबल रह्यो (अर्थात्, पानीको विशाल गहिराइ यथावत नै रह्यो) (उत्पत्ती ७:२४)।

अनि, ७४ दिनसम्म पानी “निरन्तर घट्दै गयो” (उत्पत्ति ८:५)।

अर्को ४० दिन बितेपछि नूहले एउटा कागलाई बाहिर उडाइपठाए (उत्पत्ती ८:६-७)। थप ७ दिन बितेपछि नूहले ढुकुरलाई पहिलो पटक उडाइपठाए (उत्पत्ती ८:८ र ८:१० सित तुलना गर्नुहोस्)।

थप ७ दिन बितेपछि तिनले ढुकुरलाई दोस्रो पटक उडाइपठाए (उत्पत्ती ८:१०)। अर्को ७ दिन पछि नूहले ढुकुरलाई तेस्रो पटक उडाइपठाए (उत्पत्ती ८:१२)।

अझै अर्को ८६ दिनहरू पछि उनीहरू जहाजबाट निस्केर अन्य ठाउँहरूमा बसोबासो गर्न सक्ने गरी पृथ्वी सुक्खा भएको थियो (उत्पत्ती ८:१३-१४)।

जहाजमा बसोबास गरेको जम्मा दिन: ३७१ त्यसैले, नूह र तिनका परिवारले जहाजमा एक वर्ष भन्दा बढी समय बिताए!

४.जलप्रलयमा बचेकाहरू

परमेश्वरको यो भयानक इन्साफबाट कतिजना जहाजभित्र रहेर बच्न सफल भए (१ पत्रुस ३:२०)? ____________। ती आठजना को-को थिए (उत्पत्ति ८:१६)? _______ ___________________________________। अरू पनि कोही बचेका थिए? _____________ ___________________ (उत्पत्ति ८:१७,१९)।

एकछिन कल्पना गर्नुहोस्। परमेश्वरले संसारमा एकदम भयावह रोग पठाउनुभयो जसको कारणले संसारमा आठजना बाहेक सबैजना मरे। मानौं ती बाँचेकाहरू मध्ये तपाईं पनि हुनुहुन्छ। तपाईंले के सोच्नुहुन्थ्यो होला? तपाईंले सम्भवत: यी प्रश्नहरू गर्नुहुनेथियो: किन परमेश्वरले संसारका सबै मानसिहरूलाई नाश गर्नुभएको होला? मानिसले यस्तो भयानक इन्साफ पाउने लायकको काम के गरेको थियो? यदी अपराध अनुसारको दण्ड दिइएको हो भने, मानिस जातिले के अपराध गरेको थियो र?

उत्पत्ती ६ अध्याय पढ्नुहोस्। मानिसले विश्वव्यापी जलप्रलय निम्त्याउने किसिमको कुनचाहिँ भयानक दुष्टता गरेको थियो?_________________________________________

जलप्रलयबाट हामीले अरू पाठ नसिके तापनि, हामीले यो चाहिँ सिक्नै पर्छ: मानिसको दुष्टताको परिणाम परमेश्वरको इन्साफ हो। परमेश्वरको पापको इन्साफ गर्नैपर्छ। पाप दण्डरहित हुन सक्दैन। हामीले कलवरीको क्रूसको बारेमा विचार गर्दा यही पाठ सिक्नुपर्छ: पाप दण्डरहित हुन सक्दैन। हामीलाई बचाउने हेतुले, परमेश्वरले हाम्रो सट्टामा कसैलाई दण्ड दिनुभयो।

हामीले नूह र तिनको साथमा जहाजमा भएकाहरूको बारेमा सोच्दाहुँदी, नूहको जहाजसम्बन्धि प्राय: उठ्ने गरेका प्रश्नहरू छन्। ती प्रश्नहरूको उत्तर दिने कोसिस गरौं:

१. कुनै पशु दुई-दुईको जोडीमा जहाजभित्र पसे भने अरूचाहिँ किन सात-सातको जोडीमा?

उत्पत्ति ६:१९-२० अनुसार (उत्पत्ति ७:९,१५ पनि), जहाजभित्र प्रत्येक पशुजाति कति-कतिओटा आउनुपर्थ्यो? _________________। उत्पत्ति ७:२-३ अनुसार जहाजभित्र कति-कतिओटा पशुहरू आउनुपर्थ्यो? _________________। सात-सातओटा लगिएका पशुहरू ______ पशु भनिएका छन् (उत्पत्ति ७:२)। नूहले जलप्रलयपछि यी शुद्ध पशुमध्येबाटकालाई के गरे (उत्पत्ति ८:२०)? ______________________________।

यदि नूहले शुद्ध पशुका दुई-दुईओटा मात्र लगेर जलप्रलय पश्चात ती पशुहरू बलिदान गरेको भए, आज सबै शुद्ध पशुहरू लोप हुन्थे! जलप्रलय पश्चात, यी पशुहरूले प्रजनन गरेर वृद्धि हुनको निम्ति, शुद्ध पशुहरूलाई बलिदान चढाइने प्रयोजनका लागी थप सङ्ख्यामा लगिए।

२. ती सबै पशुहरू जहाजभित्र कसरी अटाउन सके?

उन्नाइसौं शताब्दीको अन्ततिर पनि नूहको जत्तिको ठूलो जहाज विश्वमै बन्न सकेको थिएन। त्यो जहाजको आयामहरू उत्पत्ति ६:१५ मा उल्लेख छन्:

त्यो कति लामो थियो? __________।
त्यो कति चौडा थियो? ___________।
त्यसको उचाइ कति थियो? ___________।

एक हात भनेको करिब १८ इन्च (१.५ फिट) बराबरको हुन्थ्यो। अर्थात्, औसत मानिसको हातको कुहिनोबाट माझी औंलाको टुप्पासम्मको दुरी। के तपाईंले माथिका आयामहरू फिटमा लेख्न सक्नुहुन्छ?

त्यो कति लामो थियो? __________।
त्यो कति चौडा थियो? ___________।
त्यसको उचाइ कति थियो? ___________।

त्यसैले, उक्त जहाज कुनै फुटबल चौरभन्दा १.५ गुणा ठूलो थियो (फुटबल चौर ३०० फिट लामो हुन्छ)। एकजना लेखकले जहाजभित्र उपलब्ध रहेको खाली ठाउँ १३९६००० क्युबीक फिट रहेको हिसाब निकालेका छन्। अर्थात्, ५२ ओटा डिब्बा तान्ने माल बोक्ने १० ओटा रेलगाडीका सम्पूर्ण डिब्बाहरू (अर्थात् ५२० डिब्बाहरू!) नूहको जहाजमा अटाउन सक्थे। त्यसैले नूह, उनका परिवार, पशुहरू र तिनका खानेकुरा समेत सबै अटाउन त्यहाँ प्रशस्त ठाउँ थियो (जन सी. व्हीटकम्ब, जुनियर, दी वर्ल्ड देट पेरिश्ड, पृष्ट २३)।

यो जहाज चेप्टो पीँध भएको एउटा विशाल डुङ्गा थियो। भित्रपट्टी ९५००० स्क्वाएर फिट भुइँको नाप भएका तीन ओटा तल्लाहरू थिए। जहाजमा सम्भवत: हजारौं ओटा “कोठाहरू” भएको हुनसक्छ, जुनचाहिँ संसारका हरेक सास फेर्ने जीवहरूको निम्ति पर्याप्त ठाउँ हो।

उत्पत्ति ७:१३-१६ पढ्नुहोस्। के ढोका बन्द गर्नु अगाडि त्यहाँ हुने सबैका निम्ति पर्याप्त ठाउँ थियो? _________। परमेश्वर नै उक्त जहाज परियोजनाको रचनाकार हुनुभएकोले के उहाँले गल्ती गरेर त्यसलाई चाहिने भन्दा सानो बनाउनुहुनेथ्यो होला? ___________।

३.नूहले ती सबै पशुहरूलाई कसरी जहाजभित्र ल्याउन सके?जहाजभित्र लग्नको निम्ति के नूहले दुई ओटा खरायोहरूलाई लखेट्नुपरेको र दुई भालुहरूसँग कुस्ती लड्नु परेको थियो होला? उत्पत्ति २:१९ अनुसार पशुहरूलाई आदमकहाँ ल्याउने व्यक्ति को हुनुहुन्थ्यो? ____________। के उही व्यक्तिले जहाजभित्र सबै पशुलाई ल्याउन सक्नुहुन्थ्यो होला? ____________। पशुहरूले परमेश्वरको आज्ञाहरू पालन गरेको उदाहरणहरू बाइबलमा धेरै छन्। बाइबलका निम्न खण्डहरूमा, परमेश्वरको आज्ञा पालन गर्ने पशुको नाम लेख्नुहोस्: गन्ती २१:५-६ _________________ प्रस्थान १६:१३ _________________ योना १:१७ _________________ मर्कूस १:१३ (यी पशुहरूले प्रभुको हानी गरेनन्!) _________________ मत्ती १७:२७ _________________के तपाईंले अन्य उदाहरणहरू सोच्न सक्नुहुन्छ?

४. एक वर्षभन्दा लामो समयसम्म नूह र उनका परिवार त्यत्तिका धेरै पशुहरूसित एउटा जहाजमा कसरी रहन सके?

त्यत्तिका धेरै पशुहरूलाई खुवाउने, हेरविचार गर्ने, सरसफाइ गर्ने काम के आठजना व्यक्तिले गर्न सक्ने काम हो र भनेर कतिले प्रश्न गर्ने गर्छन्।

के त्यस जहाजमा नूह र उनका परिवार एकलो थिए कि अर्को व्यक्ति पनि उनीहरूका साथमा हुनुहुन्थ्यो (उत्पत्ति ७:१,१६)? के परमेश्वरले इस्राएलीहरूलाई चालीस वर्षसम्म खुवाउन र उनीहरूको देखरेख गर्न सक्नुभयो (व्यवस्था २:७; ८:२-४; २९:५-६)? _____________। के उही परमेश्वरले जहाजभित्रका नूह र उनका परिवार र पशुहरूलाई एक वर्षसम्म खुवाउन सक्नुहुन्थ्यो? ______________। के यही परमेश्वरले तपाईंका वर्तमान खाँचोहरू पूरा गर्न सक्नुहुन्छ (फिलिप्पी ४:१९)? ____________।

५. नूहले त्यत्रो जहाज कसरी बनाउन सके?

त्यो जहाजका निम्ति सबै निर्देशनहरू कसले दिनुभयो (उत्पत्ति ६:१४-१६)? ______________। के परमेश्वरले असल-असल निर्देशनहरू दिनुहुन्छ? ___________। के नूहले ती निर्देशनअनुसार काम गरे (उत्पत्ति ६:२२)? जब हामी परमेश्वरले भन्नुभएको काम गर्दछौं, त्यसलाई विश्वास भनिन्छ (हिब्रू ११:७ मा हेर्नुहोस्)।

उक्त जहाज बनाउन नूहलाई कति समय लाग्यो (उत्पत्ति ६:३; दाँज्नुहोस् १ पत्रुस ३:२०)? ______________। यरुशलेम शहरको महान् मन्दिर निर्माण गर्न कति समय लाग्यो (यूहन्ना २:२०)? ______________। नूहसँग जहाज बनाउन त्यो भन्दा झण्डै ३ गुणा बढी समय थियो। यो एउटा विशाल निर्माण परियोजना थियो, तर यो कार्य गर्न नूहसँग समय पनि प्रशस्त थियो, र परमेश्वरले उक्त जहाज बनाउन सबै निर्देशनहरू र विस्तृत जानकारीहरू दिनुभएको थियो।

५.जलप्रलयको भूतात्विक तात्पर्य (geological implications)

यदी नूहका दिनहरूमा त्यहाँ साँच्चै पृथ्वीका अल्गा-अल्गा पहाडहरू ढाक्ने एक वर्ष लामो विश्वव्यापी जलप्रलय आएको भए, निश्चय पनि योचाहिँ हाम्रो पृथ्वीले अहिले सम्म अनुभव गरेको भन्दा अति उल्लेखनीय भौगोलिक विपत्ती हुनुपर्छ! यदि चट्याङ्, आँधीवेहरी, हुरीवतासहरूले त्यस्तो विध्वंस ल्याउन सक्छ र पृथ्वीका रूपरेखामा केही परिवर्तन ल्याउन सक्छ भने, विश्वव्यापी जलप्रलयले के गरेको थियो होला? साना बाढीहरूले पनि पृथ्वीको सतहमा भयंकर असर पार्न सक्छ।

सिमित भौगोलिक क्षेत्रमा हिजआज चलेका बाढी र सुनामीहरूले कति ठूला ठूला क्षति पुर्याएका हामीले देखेका वा सुनेका छौं। त्यसोभए नूहको समयमा पृथ्वीकै सबभन्दा उच्च पर्वतहरूलाई चुर्लुम्म डुबाउने त्यो भयानक विश्वव्यापी जलप्रलयको पानी सारा पृथ्वीभरि बाइस हप्ताको अवधिसम्म नघटिकन यताउता हुत्तिरहँदा त्यसले कस्तो विनाशकारी असरहरू ल्यायो होला? निश्चय नै त्यसले कुनै पनि वस्तुलाई आफ्नो ठाउँमा रहन नदिएर त्यसलाई विस्थापित गरिछाड्यो अनि पृथ्वीको सतह फेरी कहिल्यै उस्तै रहेन (जन सी. व्हीटकम्ब, जुनियर, दी वर्ल्ड देट पेरिश्ड, पृष्ट ६९-७०)।

६. जलप्रलय र जीवशेषहरू

पशु वा वनस्पति जीवका कडा-कडा अवशेषहरूलाई जीवशेषहरू (fossils) भनिन्छ। आज खास जीवशेषहरू बन्ने गर्दैनन्। कुनै पशु मरेपछि त्यसको सीनो कुहिन्छ वा अन्य पशुद्वारा खाइन्छ। आज माछा मरेपछि त्यो जीवशेष बन्दैन बरू सामान्यतया: त्यस मृत माछालाई अरू पशुले खाइदिन्छ। “संयुक्त राज्य अमेरिकाको विशाल फाँटहरूमा केही दशक अघि मात्र छरिएका अनगन्ति करौडौं भैंसीका सीनोहरूको आज निशानसमेत भेट्न कठीन छ। तिनका मृत्युपछि केही घण्टा वा दिनहरू भित्रै ब्वाँसाहरू वा गिद्धहरूले मासु खाइदिन्छन् र अहिलेसम्म त अधिकांश हड्डीहरू पनि हराएर गइसके, मौसमका प्रहारद्वारा ती हड्डीहरू गलेर गए वा धुलो भए” (कार्ल ओ. डनबार, हिस्टोरिकल जिअलजी, पृष्ठ ३९)। के एकताका प्यालेस्टाइनमा सिंह डुल्ने गर्थे (अय्यूब ३८:३९; हितोपदेश २२:१३; २ राजा १७:२५)? _________। तरैपनि प्यालेस्टाइनमा हालसम्म सिंहको एउटै जीवशेष भेटिएको छैन (जन सी. व्हीटकम्ब, जुनियर, दी वर्ल्ड देट पेरिश्ड, पृष्ट ७६)।

उसोभए बनस्पति र पशु जीवका अरबौं जीवशेषहरू कसरी बन्न गए त? के धेरैजसो जीवशेषहरू जलप्रलयकै पानीले नष्ट भएका बनस्पति र पशु जीवहरूबाट बनेका त होइनन् जो त्यसबेला माटोमा पुरिएर जीवशेष बन्न पुगे? वैज्ञानिकहरू यसमा एकमत छन्, प्राय:जसो जीवशेषहरू, साथै पर्वतका चुचुराहरूमा समेत पाइने जीवशेषहरू पानीकै कारण बन्न पुगेका हुन्!

७. जलप्रलयको आत्मिक तात्पर्य

यस पृथ्वीमा एक समय विश्वव्यापी जलप्रलय आएको थियो भनेर धेरैजसो वैज्ञानिक वा भूगर्भशास्त्रीहरू स्वीकार गर्न चाहँदैनन्, यसको कारण के होला? उत्तर छ: त्यस्तो जलप्रलय आएकै हो भने त्यो पठाउनुहुने एक परमेश्वर स्वर्गमा हुनैपर्छ! जलप्रलयले पृथ्वीबाट सबै पापी मानिसहरूलाई नष्ट गरेकै हो भने परमेश्वर इन्साफ गर्ने परमेश्वर हुनुहुन्छ भन्ने प्रमाण दिन्छ! यदि नूहको दिनमा परमेश्वरले पापलाई घृणा गर्नुभएकै हो भने, के त्यसको मतलब आज पनि परमेश्वरले पापलाई घृणा गर्नुहुन्छ? _______। यदि नूहको दिनमा परमेश्वरले पापी मानिसलाई जलप्रलयबाट इन्साफ गर्नुभएकै हो भने, के त्यसको मतलब आज पनि परमेश्वरले पापीको इन्साफ गर्नुहुन्छ? _______। आज विश्वास नगर्ने मानिसहरू भन्दैछन्, “_______ गर्नुहुने ____________ कहाँ हुनुहुन्छ” (मलाकी २:१७)। नूहको जलप्रलयले सबैलाई याद गराउँछ कि ________ गर्ने परमेश्वर अवश्य हुनुहुन्छ! २ पत्रुस ३:३-४ मा हामीलाई गिल्ला गर्नेहरूको एक समूहको बारेमा बताइएको छ। येशू ख्रीष्ट एकदिन संसारको इन्साफ गर्न आउनुहुनेछ भनी के यी गिल्ला गर्नेहरू विश्वास गर्छन्? __________। नूहको समयमा जस्तै फेरी परमेश्वर पापीहरूको इन्साफ गर्न मानव इतिहासमा ओर्ली आउनुहुनेछ भनी के मानिसहरू विश्वास गर्छन् (२ पत्रुस ३:४-६)? __________। येशू ख्रीष्ट स्वर्ग फर्किनुभएको झण्डै २००० वर्ष भइसक्यो तरैपनि उहाँको आगमनको प्रतिज्ञा आजसम्म पूरा भएको छैन। यसलाई हामी कसरी बुझ्ने? जोडा मिलाउनुहोस्:

के नूहका दिनहरूमा परमेश्वर खुबै सहनशील हुनुहुन्थ्यो (१ पत्रुस ३:२०)? ___________। जलप्रलयका पानीहरू पठाउनु अघि परमेश्वरले कति समय पर्खी बस्नुभयो (उत्पत्ति ६:३)? ___________। के परमेश्वर आज हामीप्रति सहनशील हुनुहुन्छ (२ पत्रुस ३:९)? ___________। यस अनुग्रहको दिन अन्तर्गत यस पापपूर्ण संसारमाथि इन्साफ खन्याउनु अघि परमेश्वरले हालसम्म पर्खेर बस्नुभएको करिब कति समय भयो? दुष्ट मानिसहरूले ख्रीष्टलाई क्रूसमा टांगिदिएको करिब दुई हजार वर्ष भइसक्यो। यस संसारमा परमेश्वरले इन्साफ गर्न ठीक कति समय लाग्नेछ भनी हामीलाई थाह छैन, तर यो कार्य छिट्टै हुन सक्छ। संकष्टकालको समयमा परमेश्वरले यस संसारमा ल्याउनुहुने इन्साफहरूको बारेमा प्रकाश ६-१९ अध्यायहरूमा वर्णन गरिएको छ। हजार वर्षे राज्य पश्चात परमेश्वरले यस संसारमा ल्याउनुहुने आगोको इन्साफको बारेमा २ पत्रुस ३ अध्यायमा वर्णन गरिएको छ।

जहाजमा कतिओटा ढोका थिए (उत्पत्ति ६:१६)? _________। १२० वर्षको अन्तमा परमेश्वरले के गर्नुभयो (उत्पत्ति ७:१६)? ____________________________। उक्त ढोकाभित्र नपस्ने सबैलाई परमेश्वरले के गर्नुभयो (उत्पत्ति ७:२१-२३)? ________________________। के उक्त ढोकाबाट भित्र पस्नेहरू थुप्रै थिए (१ पत्रुस ३:२०)? _____________।

आज मुक्ति पाउनका लागि कतिओटा ढोकाहरू छन् (यूहन्ना १०:९; यूहन्ना १४:६)? ____________। त्यो ढोका को हुनुहुन्छ (यूहन्ना १०:९)? ____________। यो एकमात्र ढोकाबाट भित्र पस्न इन्कार गर्नेहरूलाई के हुनेछ (लूका १३:३,५)? ___________________। के उक्त ढोकाबाट थुप्रै मानिसहरू भित्र जान्छन् (मत्ती ७:१३-१४)? __________। के मुक्तिको ढोकालाई बन्द भइसक्यो कि हालसम्म त्यसभित्र पस्ने अझै मौका छ (२ कोरिन्थी ६:२; प्रकाश २२:१७)? ___________________।

के तपाईँ भित्र पस्नुभयो? पस्ने समय अहिले नै हो, भोलि ढोका बन्द गरिनेछ!!!

ढोका छ एउटा,
ठाउँ छ दुइटा!
भित्र र बाहिर,
तिमी छौ कता?

के तपाईँ सुरक्षाको जहाजभित्र हुनुहुन्छ? “येशूमा म सदा सुरक्षित छु!!” “यसकारण अब ख्रीष्ट येशूमा हुनेहरूलाई कुनै दण्डको आज्ञा छैन!” (रोमी ८:१)। येशू ख्रीष्ट हाम्रो सुरक्षाको जहाज हुनुहुन्छ। उहाँकहाँ दगुरेर जानुहोस्। ख्रीष्टमा आफ्नो शरणस्थान भेट्टाउनुहोस्। बाहिर हुनेहरू अलिकति पनि सुरक्षित छैनन्। तिनीहरू मुक्त र सुरक्षित छैनन्।

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

शारिरिक भिन्नता (ख)

शारिरिक भिन्नता (ख)

 

मानिस र पशुबीच भिन्नता

मानिसलाई पशुबाट छुट्टाउने एउटा ठूलो खाँद छ। मानिस जगत र पशु जगतबीचमा “एउटा ठूलो खाँद राखिएको छ” भन्ने कुरा विकासवादीले पनि उसको अन्तस्करणमा जान्दछ। के तपाईंले कहिल्यै कुनै एकजना जवान विकासवादीले एउटा स्त्री गोरिल्लासित विवाहको प्रस्ताव राखेको देख्नुभएको छ? त्यहाँ भिन्नता छ भनी उसलाई थाह छ!

मानिस र बाँदरको बीच यति ठूलो भिन्नता छ कि मानिस आज संसारमा पाइने कुनै पनि बाँदरबाट विकास भएको होइन भनेर स्वीकार्न विकासवादीहरू बाध्य भएका छन्। आज उनीहरू मानिस र बाँदर दुवै एउटा अर्को साझा पूर्खाबाट विकास भएका हुन् भनी सिकाउने गर्छन्। तर खेदको कुरा, उक्त काल्पनिक “साझा पूर्खा” आज संसारमा छैनन्! उसलाई “लुप्तन कडी” (“missing link”) को संज्ञा दिएको छ र हालसम्म पनि त्यो लुप्ता (missing) नै छ! त्यो विकासवादीहरूको कल्पनामै सिमित छ।

अब हामी मानिस र पशुबीचका १० शारीरिक भिन्नताहरू र २० मानसिक, नैतिक, आत्मिक भिन्नताहरू अध्ययन गर्न तयार भएका छौं।

शारीरिक भिन्नताहरू

“सबै मासु एकै किसिमको हुँदैन, तर ____________ एक किसिमको मासु हुन्छ, ___________ अर्कै मासु, ____________ अर्कै मासु र ______________ अर्कै किसिमको मासु हुन्छ।” १ कोरिन्थी १५:३९।

१. मानिस मात्र दुई खुट्टामा ठाडो भएर हिँड्ने गर्छ। मानिस दुई खुट्टामा स्वभाविक तरिकाले सजिलै हिँड्न सक्छ। मानिसको यो साधारण शारीरिक ढाँचा हो। बाँदरहरू, भालुहरू र अरू पशुहरू पनि कहिलेकाहिँ दुई खुट्टामा हिँड्ने गर्लान्, तर यो तिनीहरूको हिँडाइको साधारण शैली होइन। उनीहरू सामान्यतया चार खुट्टाहरूमा हिँड्डुल गर्नेगर्छन्।

२. मानिसको गिदी सबैभन्दा ठूलो स्तनधारी प्राणी (गोरिल्ला) को भन्दा दुई-तीन गुणा ठूलो हुन्छ।

३. बाँदर जातिको तुलनामा मानिसको शरीर झण्डै रौंरहित (hairless) छ। बाँदरहरू र स्तनधारी प्राणीहरूमा निकै रौं हुन्छ। कति विकासवादीहरूले मानिसलाई “नग्न बाँदर” भन्ने गर्छन्। तरैपनि, के तपाईंले कहिल्यै नग्न बाँदर (रौं नभएको बाँदर)लाई देख्नुभएको छ? बाँदरहरूको विश्लेषण गर्नुपर्दा नै रौंले भरिएको भन्ने बुझिन्छ। यदि मानिस रौंले भरिएको छैन भने, ऊ बाँदर पनि होइन!

४. मानिसको नाक दुईपट्टी छाना आकार र लाम्बिएको टुप्पो भएको छ तर बाँदर जातिको त्यस्तो पटक्कै छैन (मानिसलाई मात्र चश्माको आवश्यकता पर्छ भनी परमेश्वर अघिबाटै जान्नुहुन्थ्यो, र त्यसैले उहाँले हामीलाई ती चश्माहरू राख्न मिल्नेगरी नाक बनाइदिनुभयो!)

५. मानिसका हात बाँदरका भन्दा छोटो हुन्छन्। बाँदरका हात भुईसम्मै लत्रने हुन्छ र खुट्टाले झैं यसले उसलाई चलहल गर्न मद्दत गर्दछ।

६. बाँदरको खुट्टामा समेत हातमा जस्तै बुढी औंला हुन्छ, जसले बाँदरलाई रूख चढ्न ठूलो मद्दत गर्छ (उनीहरूले आफ्नो खुट्टाले रूखलाई हातलेझैं समाउन सक्छन्)। मानिसको बुढी औंला अनुपातमा बाँदरको भन्दा लामो हुन्छ जसको कारण त्यसले अरू औंलाहरूलाई धकेल्न सक्छ जुन बाँदरले सक्दैन। यस विशेषताले गर्दा मानिस कृत्रिम औजारहरू सहजरूपमा प्रयोग गर्न सक्षम छ जुन क्षमता बाँदर जातिमा छैन। मानिसजातिमा भएको दक्षता बाँदरजातिमा छैन।

७. मानिसका बच्चा तुलनात्मक रूपमा बाँदर जातिका बच्चा भन्दा आफ्ना बाबु-आमामाथि बढी मात्रामा निर्भर हुन्छन्, आफैंमा बढी असहाय हुन्छन्।

८. मानिसको टाउको उसको मेरुदण्डमाथि अडेर रहेको हुन्छ। बाँदरको भने त्यसको अगाडिपट्टी अडिएको हुन्छ। त्यसैकारण त्यसको टाउको मानिसको भन्दा अगाडि निस्केको हुन्छ। साथै मानिसको मेरुदण्ड र बाँदरको मेरुदण्डको ‍घुमर्किएको बनावट (curve) ज्यादै फरक किसिमको हुन्छन्। मान्छेको “lumbar curve” हुन्छ, बाँदर जातिको हुँदैन।

९. भावना विव्हल भई आँसु झार्ने र रूने एउटै प्राणी मानिस हो।

१०. मानिस र बाँदरका क्रोमोसोम (chromosome) संख्या फरक छन्। मानिसको ४६ छ, चिम्पान्जी र गोरिल्लाको ४८।

मानसिक, नैतिक र आत्मिक भिन्नताहरू

१. मानिस स्वचेतनशील (self-conscious) प्राणी हो, जसको अर्थ ऊ आफ्नो अस्तित्वको बारेमा चेतनशील छ। “मानिसको दिमागको उल्लेखनीय उपलब्धि भनेको आफ्नो बारेमा र आफ्नो कार्यविधिको बारेमा चेतनशील हुनु हो” (फ्रेड कोह्लर, विकासवादी)। मानिसलाई आफूबारे गहिरो चेतना छ। पशुहरू स्वचेतनशील हुँदैनन्। म किन यहाँ छु? म कहाँबाट आएँ? म कहाँ जाँदैछु? जस्ता जीवनको मूलभूत अर्थ सम्बन्धी उठ्ने प्रश्ननलाई लिएर उनीहरू मनन गर्दैनन्।

२. मानिस भाषाको माध्यमले संवाद गर्न सक्ने विशेष प्राणी हो (यहाँ भाषा भन्नाले बोलिने भाषा साथै लेखिने अर्थपूर्ण सांकेतिक चिन्हहरूलाई लिन्छौं)। पशु अबोध प्राणी हो (२ पत्रुस २:१६)। त्यसले विभिन्न आवाज निकाल्न सक्छ तर उसको मानिसको जस्तो भाषा हुँदैन। मानिसलाई मात्र कठिन, मौखिक भाषाद्वारा संवाद गर्न सक्ने बनाइएको छ। मानिसले मात्र पढ्न र लेख्न सक्छ। तपाईंले बाँदरलाई संसारकै सर्वोत्तम पुस्तकालयमा लगेर राख्न सक्नुहुन्छ, तर उसलाई त्यहाँको कुनै थोकमा चासो हुँदैन! रेडियो वा टेलिभिजनमा जतिसुकै चाखलाग्दो कार्यक्रम किन नहोस्, उसलाई त्यसको चासो हुँदैन। तरैपनि हामी यो स्वीकार्छौं पशुहरूसित मानिसको जस्तो भाषा नभए तापनि, आफूबीच आवश्यकता अनुरूप गजबसित सन्देशको आदान प्रदान गर्न सृष्टिकर्ताले उनीहरूलाई क्षमता दिनुभएको छ। जस्तै कागहरूले आफ्नो का-का गर्ने आवाजद्वारा सन्देश आदान प्रदान गर्न सक्छन्। माहुरीले अचम्मको नाचद्वारा रस चुस्ने ठाउँ देखाउने गर्छन्। डल्फिन, व्हेल, गोरिल्लाबीचका सन्देश आदान प्रदानको बारेमा वैज्ञानिकहरूले अझै पत्ता लगाउन खोजिरहेका छन्। सृष्टिकर्ताले पशुहरूलाई आश्चर्य र भययोग्य रीतिले बनाउनुभएको छ, तर उनीहरूको सन्देश आदान प्रदान गर्ने क्षमता र मानिसको भाषाद्वारा संवाद गर्न सक्ने क्षमताको बीचमा अतुलनीय अन्तर छ।

३. मानिसले दु:ख, रिस, दया, आनन्द, हाँसो जस्ता गहिरा संवेदना र भावनाहरूको अनुभव गर्न सक्छ जुन पशुले सक्दैन।

४. मानिसमात्र ऐच्छिक छनोट गर्न स्वतन्त्र छ। “केवल मानिसहरू मात्र वास्वतविक रूपमा रोजाइहरू गर्न र जीवनमा निश्चित उद्देश्य र योजनाहरू बनाउको निम्ति पर्याप्त तरिकाले स्वतन्त्र छ” (जोन व्हिटकम्ब)। पशुले जे गर्छ, उसले त्यो जन्मजात क्षमता (instinct) अनुरूप गर्छ वा कुनै कुरा गर्नलाई तालिम दिइए अनुसार गर्छ। मानिसले भने योजना बनाउन, उद्देश्य राख्न र कुनै मार्ग अपनाउने विषयमा रोज्न सक्छ। कुनै पनि बिरालोले, “यो साल मूसा खान्न, अर्को सालदेखि फेरि खान्छु” भन्दैन। पशुहरू तिनीहरूको जन्मजान क्षमताले (instinct) बाँधिएका छन्। जन्मजान क्षमतामा जे आउँछ, तिनीहरूले त्यहि गर्छन्। बाइबलमा परमेश्वरले कुनै पशुलाई आज्ञा दिनुहुँदा त्यसले कहिल्यै नाइनास्ती गरेको पाइन्छ (गन्ती २२:२२-२८; १ शमूएल ६:७-१२; योना १:१७; २:१०; लूका ५:४-७)? _________। जब परमेश्वरले मानिसहरूलाई आज्ञा दिनुहुँदा, के मानिसले सँधै आज्ञा पालन गर्छन्? ___________। मानिसहरूले परमेश्वरको आज्ञा पालन नगर्न रोज्न सक्छन्। पशुहरूको कुनै रोजाइ हुँदैन! तिनीहरूले जहिल्यै पनि आफ्नो सृष्टिकर्ताको आज्ञा पालन गर्छन्!

५. मनिसले सङ्गीत, कला, सुन्दरता के हो महसुस गर्न सक्छ र त्यसको महत्व देख्छ। पशुले कहिल्यै पनि चित्र कोर्न र रङ्ग भर्न अथवा गीत लेख्न सक्दैन नता पशुहरूले त्यस्तो कार्यको वर्णन नै गर्न सक्दछन्। के गोरिल्लाले धन्यवादी हुँदै सूर्यास्त भएको हेरेको देख्नुभएको छ? अथवा के लोखर्केले खुसी हुँदै “आजको दिन” भन्ने भजन सुनेको देख्नुभएको छ?

६. मानिस मात्रै यस्तो प्राणी हो जसले इतिहासको ज्ञानको उपयोग गर्न, उक्त ज्ञानलाई लिखित रूपमा संचय गर्न र त्यसलाई भावी पुस्तामा हस्तान्तरण गर्न सक्छ। हरेक बाँदरले यस संसारको बारेमा उसका बाबु-आमाहरूले जस्तै गरी सिक्नुपर्छ। मानिसहरूले कुनै पुस्तक लिएर बिगतका विद्वान मानिसहरूबाट सिक्न सक्छ र विगतका उनीहरूको बुद्धि र खोजहरूद्वारा फायदा उठाउन सक्छन्। मानिसहरूले विगतका पुस्ताहरूको ज्ञानमाथि थप्दै जान सक्छ। पशुहरूले त्यसो गर्न सक्दैनन्।

७. आफ्नो मृत्यु पश्चात् पनि प्रभाव पार्न सक्ने प्राणी मानिस मात्र हो। जब हामीले हाबिलको विश्वासको नमुनालाई सम्झन्छौं, उनले आज पनि हामीसित बात गर्छन् (हेर्नुहोस्, हिब्रू ११:४)। जब हामीले हजारौं वर्ष अगाडि बाँचेका मानिसहरूको उपलब्धिहरू सम्झन्छौं र उनीहरूको दुर्वलताहरूबाट सिकेर हामी आफैं जोगिन खोज्छौं र उनीहरूको चरित्रको देखासिकी गर्दछौं, ती मानिसहरूले आज पनि हामीलाई प्रभाव पार्छन्। मोशा झण्डै ३५०० वर्ष अगाडिमा मानिस हुन् र आज धेरै मानिसहरूले मोशालाई जान्दछन् र धेरैले तिनलाई महान र ईश्वरीय मानिसको रूपमा मानिलिन्छन्। के तपाईंलाई आजसम्म पनि प्रभाव पारिरहेको विगतका त्यस्तो कुनै प्रख्यात पशुको याद छ?

८. मानिस मात्र शिक्षित बन्न सक्छ। पशुलाई तालिम दिन सकिन्छ तर शिक्षा दिन सकिन्न। तपाईंले कक्षाकोठामा पशुहरू भेट्टाउन सक्नुहुँदैन।

९. मानिसले मात्र अन्य पशुहरूलाई तालिम दिन र सधाउन सक्छ (हेर्नुहोस्, याकूब ३:७)। बाँदरले सिंहलाई तालिम दिएको कहिल्यै देख्नुलभएको छ? मानिसले मात्र पशु पाल्छन्। के तपाईंले कहिल्यै कुनै घोँडाले चिडियाखाना संचालन गरेको देख्नुभएको छ? मानिसले मात्र चिडियाखाना संचालन गर्छन्।

१०. मानिसले मात्र नयाँ-नयाँ कुराहरू अविष्कार गर्न र निर्माण गर्न सक्छ। चराले गुँड बनाउन त सक्छ तर त्यो त्यसको जन्मजात गुण (instinct) हो जुन त्यसभित्र कम्प्युटरमा सूचना (program) राखिएजस्तै राखिएको हुन्छ। एक खालको चराले एउटै खालको गुँड बनाउँछ तर उसले अर्को साल अर्को विकसित गुँड बनाउन सक्दैन। तर यसको तुलनामा मानिसको निर्माण गर्ने र अविष्कार गर्ने क्षमता उदेकको छ। चन्द्रमामा गरिएको अवतरणलाई वा बाइबलमा लिखित मिश्रका पिरामीड र सुलेमानको मन्दिरको बारेमा विचार गर्नुहोस्।

११. मानिसले मात्र पोशाक लगाउँछ। निर्वस्त्र भएको नसुहाउने मानिसलाई मात्र हो। तर कुनै पनि पशुलाई पोशाक लगाइँदा विचित्र देखिन्छ।

१२. मानिसले मात्र खेती किसान काम गर्छ र आफ्नो भोजनलाई पकाउने गर्छ। तर कुनचाहिँ पशुले किसान पेशा अपनाएको देख्नुभएको र? “आकाशका चराचुरुङ्गीहरूलाई हेर; किनकि ती न ता ___________ छर्छन्, न _________ गर्छन्, न ____________ बटुल्दछन्; तर पनि तिमीहरूका स्वर्गीय पिताले तिनीहरूलाई खुवाउनुहुन्छ।” (मत्ती ६:२६)।

१३. मानिसमा मात्र हाँस उठाउने, हाँसोको कुरा बुझ्ने जस्ता प्रफुल्लताको आभास (sense of humour) हुन्छ। के कहिल्यै कुनै गोरिल्लाले ठट्टा गरेको सुन्नुभएको छ? तपाईंले कहिल्यै हात्तीको बारेमा चुट्किलाहरू सुन्नुभएको छ? तर के तपाईंले कहिल्यै हात्तीले चुट्किला भनेको सुन्नुभएको छ?

१४. मानिसले मात्र कृतिम औजारको प्रयोग गर्न सक्छ। पशुहरूले रूखमा प्वाल पारेको वा जमिन खनेको देख्न सकिन्छ तर उनीहरूले कहिल्यै पनि बञ्चरो वा कोदालो प्रयोग गरिरहेको देख्न सक्नुहुँदैन।

१५. सबै पशुले जस्तै यात्रा गर्न सक्ने एउटै प्राणी मानिस हो। जमीनमा चितुवा भन्दा छिटो कुद्नि सक्ने (गाडी), आकाशमा चीलभन्दा छिटो उड्न सक्ने (हवाइजहाज), समुद्रमा माछा भन्दा गहिरोमा जानसक्ने (पनडुब्बी जहाज) र साथै कुनै पशु पुग्न नसक्ने ठाउँ – अन्तरिक्ष — मा जान सक्ने प्राणी मानिस नै हो!

१६. मानिसले मात्र परमेश्वरको विरुद्धमा पाप गर्न सक्छ। कुकुरलाई “धर्मी” वा “दुष्ट” को संज्ञा दिइन्न। उसले हुकुम पालन गर्ला वा राम्ररी तालिम लिन सक्ला, तर ऊ धर्मी कुकुर भने कहिल्यै हुँदैन। पापी कुकुर भन्ने कुनै कुरा हुँदैन (यद्यपि केही पशुहरू निकै डरलाग्दो र खतरापूर्ण हुन सक्छन् — प्रस्थान २१:२८ हेर्नुहोस्)। कुनै पनि पशुले कहिल्यै पनि परमेश्वरको आज्ञालाई उल्लङ्घन गरेको छैन। मानिसले मात्र ठीक र बेठीकको भिन्नता बुझ्न सक्छ। कुकुरले खान नहुने कुरा खाए वा कोठा फोहोर गरे पनि उसलाई कुनै दोषको महसुस हुँदैन (यद्यपि उसले दण्डदेखि डराउन तालिम पाएको हुनसक्छ)। “मानिसले मात्र नैतिक रूपमा असल र खराब छुट्याउन र विवेक दोषी ठरहिएको खण्डमा शोकित हुन सक्छ” (जोन व्हिटकम्ब)।

१७. मानिसले मात्र परमेश्वररको उपासना गर्न सक्छ। तर परमेश्वदरको उपासना गर्ने, मन्दिर वा मूर्ति बनाउने कुनै पनि पशु भेटिएको छैन, तर विवेकशील मनिसले पहिल्यै देखि नै कुनै न कुनै रूपलाई उपासना गरेको पाइन्छ। कुनै पशुले “परमेश्वरलाई धन्यवाद होस्” भनेको छैन! कुनै पशुले पनि प्रार्थना गर्ने वा बलि चढाउने काम गरेको पाइन्न। मानिसले मात्र उसको सृष्टिकर्तालाई साँच्चै प्रेम गर्न सक्छ। “मानिसले मात्र उसको सृष्टिकर्ताका ईश्वरीय अधिकारको पहिचान गर्न सक्छ र आराधना, प्रशंसा, प्रार्थना, बलिदान र आज्ञाकारी सेवाद्वारा उहाँको महिमा गर्न सक्छ” (जोन व्हिटकम्ब)।

१८. मानिसको मात्र मृत्यु पछि अस्तित्व रहन्छ। कुकुरहरू र बिरालोहरूका निम्ति कुनै स्वर्ग छैन। यद्यपि ख्रीष्टको हजार वर्षे राज्यमा पशुहरू पनि संसारमा हुन्छन्, तर अनन्त अवस्थितीमा उनीहरूको बारेमा कुनै पनि कुरा उल्लेख गरिएको छैन (प्रकाश २१-२२)। मानिस मात्र अमर प्राणी हो (उसको आत्मा कि त स्वर्गमा कि नरकमा सदाको निम्ति रहन्छ)।

१९. मानिस मात्र आफ्नो सृष्टिकर्तालाई प्रतिविम्वित गर्न परमेश्वरको स्वरूपमा बनाइयो (उत्पत्ति १:२६-२७)।

२०. परमेश्वर संसारमा शरीरमा आउनुभएको वास्तविकताबाट आशिष पाउन सक्ने प्राणी मानिस मात्र हो। परमेश्वर संसारमा आउनुहुँदा मानिस बनेर आउनुभयो (यूहन्ना १:१४), पशु बनेर होइन। मानिसलाई मात्र मुक्तिको खाँचो पर्छ। ख्रीष्ट पापी मानिसलाई बचाउन आउनुभयो, पशुलाई बचाउन होइन (१ तिमोथी १:१५)। ख्रीष्ट हाम्रो पापहरूको निम्ति क्रूसमा मर्नुभयो (१ कोरिन्थी १५:३), पशुहरूको निम्ति होइन।

निष्कर्ष

“‘बाँदर-मानव’को विचार कुनै ‘जिराफ-मानव’ वा ‘गैंडा-मानव’ भन्नुजस्तै बाइबलीय र वैज्ञानिक रूपमा अर्थहीन कुरा हो” (जोन व्हिटकम्ब)। मानिस र केही पशुहरूमा निश्चित समानताहरू छन् किनभने सबैलाई उही सृष्टिकर्ताले उही पदार्थ (माटो) द्वारा उही संसामा एउटै किसिमका प्रकृयाहरूमा जिउनको निम्ति बनाउनुभएको हो। मानिस र पशुहरूमा भिन्नताहरू छन् किनभने मानिस र हरेक प्राणीहरूका निम्ति सृष्टिकर्ताको उदेकका योजना, बनावट र उद्देश्यहरू छन्। यद्यपि मानिस जमिनमा चलहल गर्ने अन्य पशुहरू सृष्टि गरिएकै दिनमा (अर्थात छैठौं दिनमा) सृष्टि गरिएको भए तापनि मानिस परमेश्वरको स्वरूपमा सृष्टि गरिएको छ र उसले परमेश्वरसित सङ्गति गर्न सक्छ जुनचाहिँ अन्य प्राणीहरूले गर्न सक्दैनन्। मानिसहरू आफूसँग नजिकको सङ्गति हिँडुन् भनी परमेश्वर चाहनुहुन्छ (उत्पत्ति ५:२२-२४; ६:९; १७:१ सित तुलना गर्नुहोस्), तर पशुहरू तिनीहरूका सृष्टिकर्तासँगको सङ्गतिमा आनन्दित भएको कुरा बाइबलमा कहिँपनि पाइँदैन। मानिस पशु होइन र ऊ कुनै पनि पशुबाट विकसित भएको पनि होइन।

पशुहरू किन सृष्टि गरिए?

बाइबलले निम्न मध्ये धेरै कारणहरू दिएको छ:

१. सीमित तर अपर्याप्त साथको निम्ति (उत्पत्ति २:१८-२२ र २ शमुएल १२:३ हेर्नुहोस्)। कुकुरले खुशीयाली त देला र मानिसको पक्षमा हिँड्ला, तर कुकुर “मानिसको घनिष्ठ मित्र” होस् भन्ने उद्देश्य कहिल्यै पनि थिएन। परमेश्वरले मानिसको निम्ति अझै उत्तम सहयोगी बनाउने इच्छा गर्नुभयो (उत्पत्ति २:२०-२२)। निश्चय पनि, मानिसको सर्वोत्तम र महान मित्र भनेको परमप्रभु आफैं हुनुहुन्छ।

२.खानाको निम्ति (उत्पत्ति ९:२-३)

३.वस्त्रको निम्ति (मत्ती ३:४)

४.सवारीको निम्ति (उत्पत्ति २२:३)

५.बलिदानको निम्ति (उत्पत्ति ४:४; लेवी १:३)। बलिदानले एउटा महान बलिदानलाई इङ्कित गर्दथ्यो र रगत बहाएर मात्र मुक्तिको सम्भव हुन्छ भनी चित्रण गर्दथ्यो।

६.पापले पूर्ण मानिसहरूको इन्साफ गर्न (प्रस्थान ८ अध्याय; २ राजा २:२३-२४)

७.विभिन्ना तरिकाहरूद्वारा मानिसहरूको सेवा गर्न (उत्पत्ति ८:७-८; र आजका दिनहरूमा पशुहरूलाई प्रयोग गरिएका अचम्मका तरिकाहरूको बिचार गर्नुहोस्, जस्तै नयाँ-नयाँ औषधिहरूको अनुसन्धान गर्न पशुहरूको प्रयोग)।

८. मानिसहरूलाई आत्मिक पाठ सिकाउन (हितोपदेश ६:६)।

९. मानिसहरूलाई परमेश्वरको वास्ताको बारेमा सिकाउन (मत्ती ६:२६)।

१०. साना नानीहरूलाई आनन्द दिन (यशैया ११:६,८)।

११. तिनीहरूका सृष्टिकर्ताका आदेशहरू पालन गर्न (१ राजा १७:६; मत्ती १७:२७)।

१२. हामीलाई ईश्वरीय हातले बनाएको हो भनी चित्रण गर्नलाई (हरेक प्राणी सृष्टिकर्ताद्वारा अद्भुत रचना गरिएका हुन् र ती कुनै अवसरले विकास भएका होइनन् भनी देख्न सकिन्छ)। परमेश्वरले सृष्टि गर्नुभएको हरेक पशु विकासवादको सिद्धान्तको विरुद्धमा अकाट्य प्रमाण हुन्।

के बाँदरलाई थाह छ?

एउटा नरिवलको रूखमा खाना खाँदै गरेका तीन बाँदरहरू आफूले सुनेको हल्लाको विषयमा कुरा गरिरहेका थिए, “तिमीहरूलाई के लाग्छ? अब सुन, तिमी दुई बाँदरहरूले सुन! मानिसहरू हाम्रो उत्तम जातबाट बनेका हुन् भन्ने कुरा सत्य हुन सक्दैन! किन यस्तो भयानक अपमान? कसले चाहिँ बाँदरले आफ्नो श्रीमतीलाई त्यागेको, बच्चाहरूलाई भोकै भएर मर्न र उसको जीवन खेर हुन छोडेको सुनेको छ? के आमा बाँदरले आफ्नो प्यारो सन्तानको देखरेख गर्न अर्कैलाई छोडेको सुनेका छौ? तिनीहरूका नानीहरू एक हातबाट अर्को हातमा दिइन्छन्, र कोही-कोहीले त मुश्किलले आफ्ना आमाको प्रेम पाएको हुन्छन्। र मैले त्यस्तो स्वार्थी बाँदरलाई देखेको छैन जसले नरिवलको रूख वरिपरि बार लगाउँछ र त्यहाँको सबै नरिवल बिग्रेर गएपनि अन्य बाँदरहरूलाई त्यहाँ आएर खान प्रतिबन्धित गर्छ। किन, यदि मैले यस नरिवलको रूख वरिपरि बार लगाएँ भने, भोकको कारणले पनि तिमीहरू यहाँ चोर्न आउनेछौ। अनि बाँदरले नगर्ने अर्को कुरा पनि छ: जाँडको अड्डा खोजेर जानु। मद्यपान गर्नु अनि आफ्नै जीवनको अपमान हुने गरी उच्छृङ्खतापूर्वक होहल्ला गर्नु, त्यसपछि पागलसरह घर पुगेर आफ्नै श्रीमतीलाई हात हाल्नु। यस्तो कार्यलाई उनीहरूले आनन्द भन्छन् र ठूलो धाक लडाउँछन्। उनीहरू अन्य कुराहरूबाट विकास भएको हुनुपर्छ, तर हामीबाट चाहिँ होइन!”

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

मानिस र पशुबीच समानता र भिन्नताहरू (क)

मानिस र पशुबीच समानता र भिन्नताहरू (क)

 

मानिस र पशुबीच समानता र भिन्नताहरू

समानताहरू

हामी सबैलाई थाह भएको कुरा हो, मानिस र केही पशुबीच उल्लेखनीय समानताहरू छन्। चिडियाखानामा जानुहोस्, त्यहाँ विशेषगरी वनमान्छे वा भनौं बाँदर आकर्षणको केन्द्र बनिरहेको हुन्छ। किन? किनभने अरू पशुभन्दा बाँदर मानिससित बढी मिल्दोजुल्दो देखिएको हुनाले। यदि वनमान्छे र मानिसको हड्डीहरू हेर्ने हो भने, तपाईंले धेरै समानताहरू भेट्टाउनुहुनेछ। यस्तो समानताहरूको बारेमा हामीले कसरी व्याख्या गर्न सकौंला?

विकासवादीहरूको धारणामा यी समानताहरूले एउटै “पूर्खा”लाई औंल्याउँछन्। पशुहरू एकअर्कासँग सम्बन्धित भएकोले एक-अर्कासँग मिल्न पुग्छन् भनी तिनीहरूको विश्वास छ। त्यसैले एकैजस्तो देखिने गुणले एक-अर्कासँगको सम्बन्धलाई औंल्याउँछ भनी तिनीहरू विश्वास गर्दछन्। मानिस बाँदरको नजिकको नातेदार भएकोले ऊ बाँदरजस्तो देखिन्छ भनी तिनीहरूले भन्दछन् (बाँदर र मानिसको एउटै बाँदर पुर्खा भएकोले)। मानिस एकदम हात्ती जस्तोचाहिँ देखिँदैन, तर माछाभन्दा अझैबढि ऊ हात्तीजस्तोचाहिँ देखिन पुग्छ (किनभने मानिसचाहिँ माछाभन्दा हात्तीको अलि नजिकको नातेदार हो अरे)। विकासवादीहरूको विश्वासमा मानिसको नाता सबै वनस्पति जीव र पशु जीवसित गाँसिएको छ किनकि उनीहरू भन्दछन्, सबै जीवहरू खरबौं वर्ष लगाएर आफ-से-आफ एउटा एक-कोषीय जीवबाट उत्पन्न भएको हो। त्यसैले हामी आफू हिँड्ने घाँससित सम्बन्धित छौं, हामीलाई टोक्ने लामखुट्टेसित सम्बन्धित छौं, माछालाई पक्रन प्रयोग गरिने गड्यौंला वा कीराहरूसित सम्बन्धित छौं र गड्यौंला वा कीरा प्रयोग गरेर पक्रिएको माछासित सम्बन्धित छौं भनी विकासवादीहरूले विश्वास गर्दछन्! यसरी सबै जीवहरूको नाता पहिलो एक कोषीय जीवसित गाँसिएको छ भनी विकासवादीहरू विश्वास गर्छन्। अनि कसो गरेर हो, त्यो एक कोषीय जीवचाहिँ निर्जिव रसायनबाट विकास भयो भनी तिनीहरू विश्वास गर्दछन् (तर योचाहिँ कहिल्यै पनि प्रमाणित नगरिएको र विज्ञान प्रयोगशालामा पनि पुन: अनुलिपी बनाउन नसकिएको विचार हो)।

अर्को पृष्ठमा, विकासवादीहरूको विचार अनुसारको पारिवारिक हाँगाहरूका रूख देखाइएको छ। “रूखको फेदले सबै वनस्पति र पशुहरू सुरु गर्ने जीवनको अपरिचित, प्राथमिक रूपको सङ्केत गर्दछ” (Zoology, A Golden Science Guide, p.6). कसरी सबै वनस्पतिहरू र पशुहरू एक अर्कासँग सम्बन्धित छन् भनेर विकासवादीहरूले विश्वास गर्छन् भनी यस रूखले देखाउँदछ। (सायद तपाईंको वा तपाईंका आफन्तमध्ये कसैको विज्ञान किताबमा यस्तो चित्र देख्न पाउनुहुनेछ)।

 

 

 

पारिवारिक रूखहरूको जङ्गल “जीवनको एउटा टुक्राबाट विशाल रूख बनेको उदाहरण दिएर, यस ग्रहका सबै जीवित थोकहरू खरबौं वर्ष लगाएर विस्तारै विकास हुँदै आए भनिने विकासवादी धारणाको ठीक उल्टो, बाइबलीय नमुनालेचाहिँ परमेश्वरले स्थाई रूपमा सोझै विशाल सङ्ख्यामा अलग-अलग ‘जीवनका रूखहरू’ सृष्टि गर्नुभयो भनी हामीलाई बताउँछ। सृष्टिवादीको यस दृष्टिकोण अनुसार, अस्तित्वमा रहेका जीवित थोकहरूका सबै मूल “जातिहरू” (जस्तै मानिसहरू, बाँदरहरू, कुकुरहरू र बिरालोहरू) एक हप्ताभन्दा कम समयमा सृष्टि गरिएका हुन् र त्यस समयदेखि यता, “आफ्नो-आफ्नो जाति अनुसारको” पुनर्उत्पादन हुँदै आइरहेका छन् (उत्पत्ति १; लेवि ११)। परमेश्वरले यी “जातिहरू”लाई विभिन्न प्रजातिहरू, किसिमहरूमा उत्पादन हुनसक्ने क्षमता दिनुभयो” – जोन सि. व्हिट्कम्ब, द अर्ली अर्थ, पृ. ९४। एउटै “जाति” भित्र अचम्मका परिवर्तनहरू र भिन्नताहरू हुन सक्छन्, तर कहिल्यै पनि एउटा जातिबाट अर्को जाति उत्पादन हुन सक्दैन, जस्तै सहस्रीबबाट पंक्षीहरूमा परिवर्तन हुने अथवा सुङ्गुरबाट व्हेल माछामा परिवर्तन हुने वा बाँदरबाट मानिसमा परिवर्तन हुने।

अब, कहिलेकाहिँ समानताको कारणचाहिँ नाता हुन सक्छ भनी सृष्टिवादीहरू जान्दछन् (तर जहिल्यै पनि हुँदैन)। उदाहरणको निम्ति, किन जुम्ल्याहाहरू निकै समान देखिन्छन्? किनभने निश्चय पनि उनीहरू एकदम नजिकका नाता पर्छन्। तर अर्कोतर्फ, त्यहाँ अन्य मानिसहरू पनि छन् जोहरू नजिकका नाता नभए तापनि उस्तै देखिन्छन्। एउटै परिवारका दुई दाजुभाइहरू अलिक भिन्न नै देखिन्छन्! उस्तै र समान देखिने कुराहरूले जहिल्यै पनि नजिकको नाता औंल्याउँदैनन् भनी सृष्टिवादीहरूले विश्वास गर्दछन्।

मोटरगाडीहरू एक-अर्कासँग सरोकार नै नराख्ने एकदम भिन्ना-भिन्नै कारखानाहरूमा बनाइएका हुन्छन्। केही मोटरगाडीहरू अमेरिकामा बनाइन्छन्, अरूहरू जापानमा बनाइन्छन्, अन्यचाहिँ जर्मनीमा बनाइन्छन्। अर्कै-अर्कै कारखनामा बनाइएका भए तापनि मोटरगाडीहरूका बीच निकै समानताहरू हुन्छन्। तपाईंलाई थाह भएका केही समानताहरूको सूची बनाउनुहोस्:

__________________________ ____________________________ __________________________ ____________________________ __________________________ ____________________________

मोटरगाडीहरू निर्माण गर्दा, सबै गाडीहरूको उही स्रोत हुँदैन, तर ती सबैको उही बनावट हुन्छ। लगभग सबै गाडीहरूमा मोड्ने स्टियरीङ्ग, ब्रेकहरू र सिसा पुछ्ने वाइपर इत्यादी हुन्छन्। बाटोहरूमा यात्रा सुरक्षित होओस् भनेर ती सबैको निर्माण गरिएको हुन्छ र ती सबैमा मानव यात्रीहरू बोक्ने क्षमता हुनुपर्छ। सबै गाडीहरू उही स्रोत नभए तापनि बाटोहरूमा काम गर्नसक्नलाई एउटै सामान्य किसिमको बनावट हुनुपर्छ। हवाइजहाजहरूको विषयमा पनि यस्तै कुरा हो। हवाइजहाजहरू पनि विभिन्न कम्पनीहरूमा निर्माण भएको भए तापनि सबै उड्ने उद्देश्यले बनाइएको हुँदा धेरै कुराहरूमा समानताहरू हुन्छन्।

तब मानिस र पशुहरूबीच किन समानताहरू छन् त? एउटा कारण उत्पत्तिको पुस्तकको सुरुका भागहरूमा पाइन्छ। उत्पत्ति २:७ अनुसार मानिस केबाट बनाइयो? ____________। उत्पत्ति २:१९ अनुसार पशुपंक्षीहरू केबाट बनाइए? _____________। उपदेशक ३:२० अनुसार सबै नै (मानिस र पशु) _______ बाट बनाइए र मृत्यु भएपछि सबै नै _________मै फर्किजानेछन्। मानिस र पशु एउटै पद्धार्थले बनेका हुनाले र एउटै पृथ्वीमा बाँच्नको निम्ति बनाइएको हुनाले तिनीहरूको बीच कतिपय समानताहरू हुनु स्वभाविक हो!

साथै सृष्टिवादीहरूले, परमेश्वरले सबै जीवलाई एउटै संसारमा वास गर्न बनाउनुभयो भन्ने तथ्यलाई बुझेका छन्। उदाहरणको निम्ति, गोरिल्लालाई पनि मानिसलाई झैं सास फेर्न वायु चाहिन्छ। दुवैलाई रक्तसंचारको निम्ति मुटु चाहिन्छ, शरीरका अङ्गहरू चलाउनका निम्ति मांशपेशीहरू चाहिन्छन्। बाँदरले जस्तै मानिसले पनि केरा खान सक्छ र दुवैका पाचन प्रणालीमा समानताहरू छन्। मानिसलाई बाँच्न पानी चाहिन्छ, पशुलाई पनि। हो, परमेश्वरले प्रत्येक प्राणीलाई पृथ्वीमा बाँच्नको लागि सुहाउँदो किसिमले बनाउनुभयो। जसरी मोटरगाडी बाटोमा गुड्न बनाइन्छ, हवाइजहाज आकाशमा उड्नलाई बनाइन्छ, त्यस्तै गरी मानिस र पशु पृथ्वीमा बाँच्नको लागि बनाइएका हुन्। यसर्थ सृष्टिवादीको विश्वासमा समानताको कारण साझा पूर्खा नभएर साझा वातावरण र साझा बनावट हो।

विकासवादीहरूका लागि समस्या

बाहिरी समानताले नाता देखाउँछ भन्ने विकासवादी तर्कलाई वास्तविक जगतमा खण्डन गर्ने थुप्रै उदाहरणहरू छन्। जस्तै:

१.व्हेलहरू (साथै डल्फिन र पोर्पसहरू), शार्कजस्ता माछासँग मिल्दाजुल्दा छन्। तर एक विकासवादीले जान्दछ, व्हेलको नाता शार्कसित छैन किनकि व्हेल स्तनधारी (mammal) हो भने शार्कचाहिँ माछा हो। बाहिरी बनोटमा केही समानता भए तापनि त्यहाँ ठूला भिन्नताहरू पनि छन्। धेरैजसो माछाहरूले अण्डा पार्छन् तर बच्चा व्हेलहरू अण्डाबाट आउँदैनन्। माछाको शरीरको तापक्रम पानीको तापक्रमसँगै बदली हुन्छ (cold-blooded) तर व्हेलको एकनास (warm-blooded) रहन्छ। व्हेलका बच्चाले अरू स्तनधारीहरूलेझैं आमाको दूध चुस्छन् तर माछाका भुराहरूले त्यसो गर्दैनन्। माछा र व्हेलको बीच समानता हुनुको कारण समान पूर्ख्यौली होइन, समान वातावरण हो। दुवै व्हेल र माछा एउटै समुद्री वातावरणमा जिउँछन्। माछालाई जस्तै व्हेललाई पनि पानीमा पौडनुपर्छ त्यसैले सृष्टिकर्ताले दुवैलाई पानीमुनि जिउन र चलहल गर्न सक्ने गरी रचना (design) गर्नुभयो। फलस्वरूप दुवैका शरीर समुद्री यात्राका निम्ति सिद्धरूपमा सुसज्जित छन्।

२.उड्ने प्राणीहरू उड्न सक्ने भएकोले पखेटाहरू र अन्य समानताहरू हुन्छन्, तर यसको अर्थ ती प्राणीहरू नजिकका नाता हुन् भन्ने चाहिँ होइन। चरा र चमेरो दुवैका पखेटाहरू हुन्छन् र दुवै उड्न सक्छन्, तर चरा भनेको चरा नै हो, चमेरोचाहिँ स्तनधारी हो र दुवै उड्नको निम्ति रचना गरिएको भए तापनि कुनै पनि विकासवादीले उनीहरू नजिकका नातावाल हुन् भनी भन्न सक्दैन। यद्यपि, विकासवादीहरूले उड्न सक्ने अचम्मको क्षमता कुनै अलौकिक रचनाकारबाट आएको नभइ केवल अन्धा-धुन्धा संयोगले हुन आयो भनी भन्छन्। र यो उडान क्षमताको आश्चर्यकर्म, जसलाई तिनीहरू कुनै अलौकिक शक्तिको रचनाबाट भएको होइन भनी भन्दछन्, एकचोटी मात्र भएको हुनुहुँदैन, तर बारम्बार भएको हुनुपर्छ। साथै केवल चराहरू र चमेराहरू मात्र होइन, तर थुप्रै कीराहरू उड्छन् र केही लोप भएका रेप्टाइल (प्टेरोसारस) पनि उड्न सक्थे। फेरी, सबै प्राणीहरू उस्तै तरिकाले उड्ने गर्दैनन्। सबै उड्ने प्राणीहरूको आफ्नै भिन्न किसिमको रचना हुन्छ। हमीङ्ग बर्डको उड्ने शैली चीलहरूको भन्दा निकै भिन्न हुन्छ। लामखुट्टे उडे जसरी चमेरो उड्दैन। सामान्य झीङ्गाको आफ्नै विशेष पखेटाको रचना र उड्ने शैली हुन्छ। हाँसको पखेटा मौरीको पखेटाभन्दा बिल्कुलै फरक छ। हरेक उड्ने प्रजातिहरू विशिष्ट किसिमका छन्। अन्य उड्ने प्राणीहरूसँग केही मिल्दोजुल्दो भए पनि, हरेक उड्ने प्राणीको आफ्नै विशेष रचना हुन्छ। यी सबै कुनै अलौकिक सामर्थ्यभन्दा बाहेक अन्य कुनै अन्धा-धुन्धा संयोगले हुन आए भन्ने कुरालाई स्वीकार गर्न मुश्किल पर्छ।

३. टास्मानियन व्वाँसो (Tasmanian wolf) कुकुरजस्तै देखिन्छ। टास्मानियन व्वाँसोको हड्डीहरूको बनावट दुरुस्तै कुकुर र व्वाँसोको जस्तै हुन्छ। यो कुकुरझैं दगुर्छ र भेँडाहरूको शिकार गर्छ। तरैपनि विकासवादीलाई टास्मानियन व्वाँसो कुकुरसँग सम्बन्धित छैन भनी थाह छ किनकि तिनीहरू “मारसुपियल” (marsupial) प्रजाति अन्तर्गत पर्दछन्। तिनका बच्चाहरू अपरिपक्व जन्मन्छन् र अलि परिपक्व होउन्जेल कुनै कङ्गारूले जस्तै आफ्नो बच्चालाई आमाको झोलामा बोक्नुपर्छ। यहाँ पनि हामी बाहिरी समानताले नातालाई जनाउँदैन भनी देख्दछौं।

४.अस्ट्रेलियाको डक्-बिल्ड प्लाटिपस (duck-billed platypus) वर्गीकरण गर्नलाई निकै कठिन पशुहरूमध्ये पर्दछ। यसको चुच्चो र खुट्टा हाँसका जस्तै भएका हुन्छन्। यसले अन्य चराहरूलेझैं अण्डा पार्छ र ओथारो बस्छ। के यो चरा हो? अर्को तर्फ यसका चार ओटा खुट्टाहरू हुन्छन्, जीउ रौंले ढाकिएको हुन्छ, पुच्छर हुन्छ र कति स्तनधारीका जस्तै नङ्राा हुन्छन्। यसको बच्चाले आमाको दूध चुस्छ। सानोमा त्यसको दाँत रूख ढाल्ने ओंत (वन बिरालोजस्तो जन्तु) को जस्तै हुन्छ। के यो स्तनधारी हो? सृष्टिकर्ताले कस्तो गजबको प्राणीको रचना गर्नुभयो!

 

५.समुद्रको अक्टोपस (र स्क्वीड) को आँखा मानिसको आँखासित मिल्दाजुल्दो हुन्छ तर मानिस अक्टोपसको नजिकको नाता हो भनेर कुनै पनि विकासवादीले भन्न सक्दैन। “आँखाहरू बीचको समानतालाई विकासवादीहरूले सजिलै थाह गर्दछन्, तर तिनीहरूले यस्ता समानताहरूको व्याख्या गर्ने त्यस्ता समान विशेषताहरू भएका समान पुर्खा कदापी भेट्टाउन वा कल्पना गर्न पनि सक्दैनन्। त्यसैले यी आँखाहरूलाई समजातीय अङ्गहरू (homologous organs) भनेर भन्नुभन्दा, तिनीहरूले तिनलाई ‘अभिसारी विकासवाद’का (convergent evolution) नमूनाहरू भनी भन्दछन्। त्यसको अर्थ यो हो कि हामीसँग बनावटको समानताको अर्को नमूना उपलब्ध छ जसलाई एउटै पूर्खाबाट विकासवाद हुँदै आएको भनी व्याख्या गर्न सकिँदैन” (ग्यारी पार्कर)। कुनै पनि प्राणीले आँखा जस्तो जटिल अंग (complex organ) लाई कसरी विकास गर्न सक्ला र जब कि त्यसका एक-एक जटिल पार्टपूर्जाहरू आ-आफ्नै स्थानमा सिद्ध र सुनियोजित रूपमा सम्मिलित नभएसम्म त्यसले काम गर्नै सक्दैन? त्यस्तै एउटा प्राणीले पखेटालाई, जो उड्डयनका निम्ति सिद्धरूपमा सुसज्जित नहोउन्जेल बिनाकामको हुन्छ, कसरी विकास गर्न सक्ला र? जुन परमेश्वरले आँखाको रचना गर्नुभयो, उहाँले नै पखेटाको पनि रचना गर्नुभएको हो! यदि एउटा माकुरालाई जालो हाल्ने कला विकास गर्न हजारौं वर्ष लाग्यो भने, त्यतिका वर्षसम्म त्यो माकुराले एउटै पनि शिकार समात्न नसक्ने अवस्थामा कसरी बाँच्न सक्यो होला र? (हाम्रो पाकेको खाना खान एक घण्टा मात्र पर्खँदा पनि हामीलाई समस्या हुन्छ भने झन् हजारौं वर्षसम्म कसरी पर्खन सकिएला त?)

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

मानिसको सृष्टि

मानिसको सृष्टि

 

मानिसको सृष्टि

जीवनका अति आधारभूत प्रश्नुहरूमध्ये एउटा प्रश्नम हो, “म कहाँबाट आएँ?” यसको सही उत्तर पाइएन भने जीवनका बाँकी दुई आधारभूत प्रश्नरका उत्तर पाउनै सकिन्न। ती दुई प्रश्नर हुन्, “म यहाँ किन छु?” र “म कहाँ जाँदैछु?” बाइबलमा हामी यी तीन ओटै प्रश्नईका उत्तर पाउँछौं।

विकासवादीहरू भन्छन्, मानिस “सरल” एक-कोषीय जीवबाट क्रमिकरूपमा विकास हुँदै माछा, घस्रने जन्तु, स्तनधारी प्राणी जस्ता “जटिल” (विकसित) प्राणीहरू बने जसबाट बाँदर जस्तै देखिने प्राणीहरू विकास भए जसबाट हजारौं, लाखौं वर्ष पछि मानिस आए। यसरी एक-कोषीय जीवबाट करोडौं, करोडौं वर्ष लगाएर मानिस विकास हुन पुग्यो भनिन्छ!

बाइबलले के भन्छ? उत्पत्ति १:२७ पढ्नुहोस्। के मानिस अन्य पशुबाट (बाँदर जस्तै देखिने प्राणीबाट) विकास भएको हो वा मानिस परमेश्वरद्वारा विशेष रूपमा सृष्टि गरिएको हो? ______________________________________________________________ यो एउटै पदमा मात्र मानिस परमेश्वरद्वारा सृष्टि गरिएको हो भनी कतिपटक उल्लेख छ? ________। उत्पत्तिको अर्को कुन पदमा मानिसको सृष्टिको उल्लेख छ? पद ______।

उत्पत्ति २ अध्यायले पनि मानिसको सृष्टिको उल्लेख गर्छ। कसै‍कसैको विचारमा उत्पत्ति २ ले उत्पत्ति १ को खण्डन गर्छ तर वास्तवमा दुवैले एउटै कुरा बताउँछ! परमेश्वरका वचनहरू _________देखि नै ___________ छन् (भजनसंग्रह ११९:१६०)। उत्पत्ति २ अध्याय र १ अध्याय एक-अर्कासँग पूर्ण रूपमा सहमत छन्। उत्पत्ति २ अध्यायमा परमेश्वरले हामीलाई १ अध्यायमा नबताउनु भएका थुप्रै कुराहरू बताउनुहुन्छ। उत्पत्ति १ मा परमेश्वरले सृष्टिका छ दिनको संक्षिप्त विवरण दिनुहुन्छ। जोडा मिलाउनुहोस्:

उत्पत्ति २ मा परमेश्वरले छैटौं दिन सम्बन्धि थप विवरणहरू दिनुहुन्छ। उत्पत्ति २ बाट थुप्रै कुराहरू सिक्न सक्छौं जुन कुराहरू हामीले उत्पत्ति १ बाट सिक्न सक्दैनथियौं। उदाहरणका लागि:

१. पावलले १ तिमोथी २:१३ मा सृष्टिको क्रम यसरी बताउँछन्, “आदम ________ बनाइए, _________ हव्वा।” पावलले उक्त महत्त्वपूर्ण कुरा उत्पत्ति १ बाट जाने कि उत्पत्ति २ बाट? ________। के उत्पत्ति १ अध्यायले मानिसको सृष्टि-क्रम खुलाउँछ? _______ उत्पत्ति १ अध्यायले यति मात्र बताउँछ, परमेश्वरले मानिसलाई “न____ र ना____ गरेर सृष्टि गर्नुभयो” (उत्पत्ति १:२७)। के पावलले मानिस पशुबाट विकास भएर आएको हो भनी विश्वास गर्थे? ________ के पावलले उत्पत्तिमा परमेश्वरले वर्णन गर्नुभएको कुरालाई विश्वास गर्थे? _________ के आदम र हव्वा वास्तविक मानिस थिए भनी पावल विश्वास गर्दथे? _________ पावल विकासवादी थिए कि सृष्टिवादी? _____________।

२.पावलले १ कोरिन्थी ११:८-९ का तथ्यहरू कहाँबाट सिके, उत्पत्ति १ बाट कि २ बाट? ___________________

३. मत्ती १९:४ मा प्रभु येशूले भन्नुभयो, “के तिमीहरूले __________ छैनौ? शुरुमा जसले तिनीहरूलाई _________ गर्नुभयो, उहाँले तिनीहरूलाई ______ र ______ _______________।” के प्रभु येशूको धारणा मानिसहरूले उत्पत्तिको पुस्तक पढ्नुपर्छ र बुझ्नुपर्छ भन्ने थियो? _________। परमेश्वरले नर र नारी गरी सृष्टि गर्नुभएको कुरा उत्पत्तिको कहाँ उल्लेख छ? उत्पत्ति _______। के उत्पत्ति २ अध्यायले पनि सोहि कुरा सिकाउँछ? _________ आदम र हव्वा वास्तविक मानिसहरू नै थिए भनी के प्रभु येशू विश्वास गर्नुहुन्थ्यो? ___________। प्रभु येशू विकासवादी हुनुहुन्थ्यो कि सृष्टिवादी? _____________। अझ, उहाँ त स्वयं सृष्टिकर्ता हुनुहुन्छ (यूहन्ना १:३; कलस्सी १:१६)!!

मत्ती १९:५ पढ्नुहोस्। उही कुरा उत्पत्ति २ को कुन पदले बताउँछ? उत्पत्ति २:____। के प्रभु येशूको अनुसार हामीले उत्पत्तिका दुवै १ र २ अध्यायहरू पढ्नुपर्छ? _______। उत्पत्तिको पुस्तक चाहिँ मानवीय लेखक मोशाको पहिलो पुस्तक हो। प्रभु येशूको अनुसार के हामीले मोशाको लेखोटलाई विश्वास गर्नुपर्छ (यूहन्ना ५:४६-४७; लूका २४:२७)? ____________। के एउटा व्यक्तिले येशूमा विश्वास गर्नुको साथ-साथै मानिस पशुबाट विकास भएको हो भनी विश्वास गर्न सक्छ? __________।

मानिसको सृष्टि

उत्पत्ति २:७ ले बताउँछ, “अनि परमप्रभु परमेश्वरले मानिसलाई __________को ________बाट ___________ (जसरी कुमालेले माटोलाई ढालेर एउटा रूप दिन्छ), अनि तिनको नाकका प्वालहरूमा जीवनको ______ फुकिदिनुभयो, र मानिस जिउँदो _________ (व्यक्ति) बने।” यो पदले आदमको सृष्टिको बयान गर्छ कि हव्वाको? __________। परमेश्वरले आदमलाई अन्य पशुबाट बनाउनुभयो कि जमिनको माटोबाट? _________। परमेश्व_रले आदमलाई एकै दिनमा, एकै क्षणमा बनाउनुभयो कि उसलाई लाखौं वर्षसम्म क्रमिक रूपमा विकास हुँदै जान दिनुभयो? ___________________________________।

उत्पत्ति ३:१९ ध्यान दिएर पढ्नुहोस्। मानिस मा____बाट निकालिएको हो। मानिस केही पनि होइन तर _______ मात्र हो (भजनसंग्रह १०३:१४) र एक दिन उसको मृत्यु भएपछि मानिसको शरीर ______मै फर्कन्छ (भजनसंग्रह १०४:२९ र उपदेशक १२:७, ३:१९-२०, भजनसंग्रह ३९:४)। यदि कुनै मानिस र उसको घोँडा दुवै मरुभूमीको बिचमा मरे भने, एक वर्ष पछाडि त्यस मानिस र पशुको के बाँकी रहन्छ (उपदेशक ३:१९-२०)? ________________________________________ हो, मानिस माटोको क्षण-भङ्गुर प्राणी हो (भजनसङ्ग्रह ३९:४)!

नारीको सृष्टि

आदमको सृष्टि गर्नु भएपछि परमेश्वरले उत्पत्ति २:१८ मा के भन्नुभयो? आदम __________ रहनु ____________ _________” (उत्पत्ति २:१८)। परमेश्वरले सबै पशुहरको सृष्टि गर्नुभए तापनि, आदम अझै निकै एक्लो थिए, र परमेश्वरले भन्नुभयो, “असल छैन!”। तर हव्वालाई सृष्टि गर्नु भएपछि, परमेश्वरले आफूले सृष्टि गर्नुभएको सबै कुराहरू हेर्नुभयो र त्यो “________ ________ थियो”(उत्पत्ति १:३१)। हव्वाबिना, आदमको अवस्था असल थिएन। हव्वासित, आदमको अवस्था अ_____ अ_______ थियो।

उत्पत्ति २:१९-२० पढ्नुहोस्। किन परमेश्वरले मानिसलाई सबै प्राणीहरूको नाम राख्ने काम दिनुभयो? यो नाम राख्ने अनुभवद्वारा परमेश्वरले मानिसलाई के सिकाउन चाहनुहुन्थ्यो? परमेश्वर आदमलाई सिकाउनुभएको तीनओटा महत्त्वपूर्ण पाठहरू के के थिए, हेरौं:

१. राजा (आदम) आफ्ना प्रजालाई भेट्छन्

परमेश्वरले प्राणीहरूलाई आदमकहाँ लिएर आउनुहुँदा, आदम व्यक्तिगत रूपमा परमेश्वरका सारा प्राणीहरूसित परिचित हुन पाए। परमेश्वरले उनलाई जीव विज्ञान (zoology) मा तालिम दिनुभयो। परमेश्वरले आदमलाई चिडियाघर जानुभन्दा बरू चिडियाघरलाई नै तिनकहाँ आउने तुल्याउनुभयो, र तिनले परमेश्वरले बनाउनुभएका सबै पशुहरू र चराहरूलाई भेट्ने र चिन्ने अवसर पाए!

उत्पत्ति १:२६,२८ अनुसार परमेश्वरले मानिसलाई सम्पूर्ण पशु-जगत माथि अ_________ राख्न दिनभयो, जसको अर्थ यही हो कि मानिसले पशु-जगतलाई तिनीहरूका मालिक र राजाले झैं राज्य गर्नुपर्थ्यो! धेरै मानिसहरूले सिंहलाई “पशुहरूका राजा” को रूपमा चिन्दछन्, तर उत्पत्ति १:२६,२८ अनुसार पशुहरूको राजा वास्तवमा को थियो? _______________ त्यसैले, परमेश्वरले राजा आदमलाई आफ्नो प्रजाहरूको बारेमा जान्ने एउटा राम्रो अवसर दिनुभयो—तिनीहरूको नाम राखेर!

उत्पत्ति २:२० अनुसार आदमले सबै पशु-पंक्षीका ______ ______। यसको अर्थ के हो? के उनले आफ्नो दिमागमा जे आयो त्यहि नाम राखे होलान्? हरेक पशुलाई के भनेर बोलाउने भनी तिनले कसरी जाने?

बाइबलका नामहरू अति अर्थपूर्ण हुन्थे। नामको केही अर्थ हुन्थ्यो! आज हामीले मानिसहरूलाई कुनै नामको अर्थ के हो भनी नजानीकनै नामाकरण गरिदिन्छौं। के तपाईंलाई आफ्नो नामको अर्थ थाह छ? तपाईंको पहिलो नाम के हो? _______________ तपाईंको नामको अर्थ के हो? ___________________________________ बाइबलमा नामहरू एकदम महत्त्वपूर्ण छन्। निम्न नामहरूको अर्थ थाह गर्न तपाईंको बाइबललाई प्रयोग गर्नुहोस्:

    • १. येशू (मत्ती १:२१) को अर्थ हो, ____________________________
    • २. मसीह (यूहन्ना १:४१) को अर्थ हो, ________________________
    • ३. इम्मानुएल (मत्ती १:२३) को अर्थ हो, ________________________
    • ४. रब्बी (यूहन्ना १:३८) को अर्थ हो, ________________________
    • ५. केफास वा पत्रुस (यूहन्ना १:४२) को अर्थ हो, ___________________
    • ६. मल्किसेदेक (हिब्रू ७:१-२) को अर्थ हो, ___________________
    • ७. सालेम (हिब्रू ७:२) को अर्थ हो, _________________________
    • ८. बोअनर्गेस (मर्कूस ३:१७) को अर्थ हो, _________________________
    • ९. बेतेल (उत्पत्ति २८:१७, १९) को अर्थ हो, ___________________
    • १०. आदम (उत्पत्ति २:२३) को अर्थ हो, _________________________

यशैया ७:१४ र ९:६ मा ख्रीष्ट (मसीह) लाई दिइएका केही नामहरू उल्लेख छन्। संसारमा रहनुहुँदा के येशूलाई यी नामहरूले बोलाइयो? _________। उहाँ कुन नामले बोलाइनुभयो (मत्ती १:२५)? ____________ तर यशैया ७:१४ र ९:६ का नामहरूले येशूको व्यक्तित्व (उहाँ को हुनुहुन्छ) लाई सिद्धरूपमा बयान गर्छन्!

प्रकाश १२:९ मा हाम्रो भयानक शत्रुलाई बयान गर्ने चारओटा नाम उल्लेख छन् र यी नामहरूले ऊ कस्तो छ भन्ने पनि बताउँछ:

१. ______________ ३. _______________ २. ______________ ४. _______________

त्यसैले आदमले प्राणीहरूको नामाकरण गर्दा, तिनले हरेक प्राणीलाई त्यसलाई राम्ररी बयान गर्ने सुहाउँदो नाम दिएको हुनुपर्छ! तिनले हरेक प्राणीको अध्ययन गरे र होशियारपूर्वक तिनीहरूको वर्गीकरण गरे र हरेक प्राणीलाई सुहाउँदो नाम दिए: “अनि आदमले हरेक जीवित प्राणीलाई जे-जे नाम दिए, त्यसको त्यही _______ रह्यो” (उत्पत्ति २:१९)। आज पनि कतिपय प्राणीका नामहरू तिनलाई बयान गर्ने खालका छन्, जस्तै; लामखुट्टे, नीलकण्ठ, जुरेली, चिप्लिकिरा, बाह्रसिङ्गे आदि। अरू उदाहरणहरू दिनुहोस्, __________________ ___________________________________________ ___________________।

आदमले पशु-पंक्षीलाई सिद्धरूपमा नामहरू दिए। आदम कस्ता थिए होलान्, विचारशील र बुद्धमानी कि केही नजान्ने “आदिवासी”? __________________________।

२. ठूलो भिन्नता!

आदमले सिकेका दोश्रो पाठ यो थियो– तिनी सबै प्राणीहरू भन्दा पूर्ण रूपमा नौलो र भिन्न भिन्न थिए! एक व्यक्ति र पशुमा ठूलो भिन्नता छ भनी तिनले सिके। उत्पत्ति २:२० पढ्नुहोस्। परमेश्वरले तिनको सामु ल्याउनुभएको सबैलाई नाम दिइसकेपछि, के आदमले आफ्नो निम्ति कुनै सुहाउँदो सहयोगी र मित्र भेट्टाए? _________। आफैंमा र पशु-जगतमा ठूलो भिन्नता र खाँद छ भनी आदमले छिट्टै थाह गरे!

तिनले अरू कुनै पनि पशुहरूसँग कुराकानी गर्न सकेनन्। यदी आदमले मित्रभावले भरिएर यसो भनेको भए, “हाल खबर कस्तो छ, बाँदर महोदय?”। जवाफमा बुझ्ना नसकिने क्याँ-क्याँ र कुँकुँ बाहेक कुनै पनि स्पष्ट शब्दहरू आउने थिएन। बाँदर महोदयको प्रतिकृयामा कुनै मुस्कान हुने थिएन। वरीपरी थुप्रै प्राणीले घेरिए तापनि आदम एकलै थिए (उत्पत्ति २:१८,२०)। कुकुर मानिसको असल मित्र हो भनी कहिले-कसो भन्ने गरिन्छ। त्यो त झूट हो! कुकुर मानिसको असल घरपालुवा जन्तु हुन सक्छ, तर संसारमा मानिसको असल मित्र र सहयोगी भनेको स्त्री हो जसलाई परमेश्वरले विशेषगरी उसकै निम्ति सृष्टि गर्नुभयो। आफ्नो पाल्तु पशुसँग खेल्न तपाईंलाई मन पर्ला, तर दाजुभाईहरू र दिदि-बहिनीहरू र साथीहरूसँग समय बिताउन झन् कता हो कता मनोहर हुन्छ। कल्पना मात्र गर्नुहोस्, वरिपरि मानिसहरू नभएर पशुहरू मात्र भइदिएको भए कस्तो अनुभव हुने थियो! तपाईं तुरुन्तै यसो भन्दै कराउनुहुनेथियो, “मानिसको निम्ति एकलो रहनु अ______ छै_____!”

आफूलाई चाहिएकै जस्तो गरी यी कुनै पनि पशुहरू सहयात्री र मित्र हुन योग्यका छैनन् भनी आदमले बुझे। बाँदर, चिम्प्यान्जी समेत मान्छेको असल सहयात्री बन्न सक्दैनन्! चिम्प्यान्जीलाई कसले विवाह गर्न रुचाला र? त्यसैले आदमको उमेर एक दिन पनि नपुग्दै मानिस र पशुहरूको बीचमा विशाल अन्तर छ भन्ने कुरा तिनले जाने। दु:खको कुरा, आदमले सृष्टिको छैटौं दिनमा जानेको त्यो साधारण पाठ आजसम्म पनि कयौं मानिसहरूले (वैज्ञानिकहरूले समेत) जानेका छैनन्।

३. खट्किएको कुरो!

आदमले सिकेको तेश्रो पाठ यो थियो – कुनै एउटा कुरा खट्किएको छ। त्यो खट्किएको कुरा के रहेछ भनी तिनले छिट्टै थाह गरे। श्रीमान खरायो उफ्रिरहेको थियो, ऊसँग श्रीमती खरायो पनि साथमै थिइन्! श्रीमान् र श्रीमती बाँदर सँगै नजिकको रूखमा पिङ्ग खेलिरहेका थिए! अरू सबै पशुहरू दुई-दुईको जोडीमा आउँदा, आदमले निश्चित नर र नारीको प्रणालीलाई छुट्टाउन सके! आदमले यस्तो प्रश्न सम्भवत: छिट्टै सोधेको हुनुपर्छ, “मेरो जोडी खोई त? म जस्तै मेरो सुहाउँदो सहयोगी, मित्र हुनलाई अर्को व्यक्ति कहाँ छिन् जससँग म बोल्न, हाँस्न, सङ्गति गर्न अनि साँचो प्रेम गर्न सक्छु?” हो, परमेश्वरले गर्न लाग्नुभएको अर्को कामको लागि आदम अब पूर्णरूपमा तयार भएका थिए।

हव्वाको सृष्टि

उत्पत्ति २:२१-२५ लाई ध्यान दिएर पढ्नुहोस्। परमप्रभु केवल महान् सृष्टिकर्ता मात्र हुनुहुँदैन, तर उहाँ एक महान् शल्यक्रियाकर्ता पनि हुनुहुन्छ। उहाँले संसारकै प्रथम शल्यक्रिया सम्पन्न गर्नुभयो! परमेश्वरले आदमलाई अलौकिक तवरले बेहोस गराउनुभयो: “अनि परमप्रभु परमेश्वरले आदमलाई _________ __________ पार्नुभयो, र तिनी _______” (उत्पत्ति २:२१)। यस शल्यक्रियामार्फत, परमप्रभुले आदमबाट के निकाल्नुभयो(उत्पत्ति २:२१)? ____________ त्यसबाट उहाँले के बनाउनुभयो (उत्पत्ति २:२२)? _____________।

स्मरण होस्, हव्वा आदमको टाउकोबाट निकालिएन (ऊभन्दा उच्च बन्न)। हव्वा आदमको खुट्टाबाट पनि निकालिएन (ऊभन्दा तुच्छ बन्न)। हव्वा आदमको करङबाट, उसको हृदयको सबभन्दा नजिकबाट—उसको सहायक हुन, सहप्रेमी हुन, सहयात्री हुन निकालिएकी थिइन्।

के परमेश्वरले हव्वालाई बाँदरबाट बनाउनुभएको हो? ________ उत्पत्ति २:२२ अनुसार हव्वा पशु-जगतबाट होइन तर ________बाट आएकी हुन्। सबै मानिस आदमबाटै आएका हुन्। हव्वापनि आदमबाटै सोझै आएकी हुन्! आदमचाहिँ कहाँबाट आएका हुन्? (उत्पत्ति २:७)? ______________ आदमबाट नआएका एउटै मात्र व्यक्ति को हुन् (१ कोरिन्थी १५:४५,४७)? ____________________। उहाँ कहाँबाट आउनुभयो (१ कोरिन्थी १५:४७,४८)? ____________________। उत्पत्ति २:२३ अनुसार स्त्री नरबाट _____________ हो। स्त्री पुरुषबाट निकालिएकी थिइन् (१ कोरिन्थी ११:८,१२ पढ्नुहोस्)! आज चिकित्सकहरूले वा नर्सहरूले वा अरू कसैले पनि पुरुषबाट स्त्री निस्किएकी देख्न सक्दैनन्! उनीहरूले स्त्रीबाट पुरुष निकाल्न सक्छन् तर कहिल्यै पनि पुरुषबाट स्त्री निकाल्न सक्दैनन्! सुरुमा, परमेश्वरले यस्तो काम गर्नुभयो जुन काम पछिल्ला समयहरूमा कहिल्यै भएको छैन! उहाँले पुरुषबाट स्त्री बनाउनुभयो! निश्चय पनि, यो जन्मने प्रकृयाबाट भएको होइन, तर ईश्वरीय चिकित्सकद्वारा, परमेश्वर आफैंले सम्पन्न गर्नुभएको अलौकिक शल्यक्रियाद्वारा भएको थियो।

हव्वालाई आदमकहाँ कसले ल्याउनुभयो (उत्पत्ति २:२२)? ___________ कसले प्रथम विवाह सम्पन्न गराउनुभयो? ___________ कसले उनीहरूलाई पति पत्नी_को रूपमा जोडिदिनुभयो (उत्पत्ति २:२४ र मत्ती १९:६)? ___________ मत्ती १९:३-६ अनुसार, के पति र पत्नीो छुट्टिँदा (पारपाचुके) प्रभुलाई असल लाग्छ? _________। कहिलेसम्म एक पति र पत्नीत सँगै रहनुपर्छ? सहि जवाफमा गोलो चिन्ह लगाउनुहोस्:

    • क. श्रीमानले आफूले प्रेम गरेको अर्को स्त्री नभेटेसम्म
    • ख. सबै नानीहरू हुर्किएर घर नछोडेसम्म
    • ग. श्रीमान र श्रीमती एक अर्काको कारणले थकित नभएसम्म
    • घ. परमेश्वरले मृत्युद्वारा विवाहलाई नतोड्नुभएसम्म (विवाह जीवनकालकै सम्बन्ध हो)

परमेश्वरको स्वरूप

मानिस किन सृष्टि गरियो? हामी किन यहाँ छौं? हाम्रो अस्तित्वको उद्देश्य के हो? हामीले गर्नुपर्ने के हो?

यी प्रश्नहरूको जवाफ बुझ्न हामीले उत्पत्ति १:२६-२७ लाई बुझ्न आवश्यक पर्छ। “अनि परमेश्वरले भन्नुभयो: हामी मानिसलाई हाम्रै __________मा, हाम्रै _________मा बनाऔं… अनि परमेश्वरले मानिसलाई आफ्नै __________मा सृष्टि गर्नुभयो। उहाँले तिनलाई परमेश्वरको ___________मा सृष्टि गर्नुभयो” (साथै हेर्नुहोस् उत्पत्ति ९:६; याकूब ३:९)।

आदम परमेश्वरको स्वरूपमा र प्रतिरूपमा सृष्टि गरिए! स्वरूप भनेको के हो?

अधिकांश सिक्काहरूमा स्वरूप देख्न सकिन्छ। मत्ती २२:१८-२१ पढ्नुहोस्। रोमी सिक्कामा कसको स्वरूप थियो? __________ उनीहरूले उक्त सिक्का हेर्दा, कसको अनुहार देख्न सक्थे? ___________

पहिले-पहिले रुपैयाँको नोटमा हाम्रो राजाको स्वरूप देख्नसक्थ्यौं। ऐनामा तपाईंले कसको स्वरूप देख्नुहुन्छ? ___________। के ऐनाले सिद्धरूपमा तपाईंको स्वरूप प्रतिबिम्बित गर्छ? _________। तपाईंको स्वरूप त्यो ऐनामा छ! उत्पत्ति १:२६-२७ अनुसार परमेश्वरको स्वरूप मानिसमा राखियो!

मानिस परमेश्वरलाई प्रतिबिम्बित गर्न बनाइएको थियो। उसले पाप गर्न अघि आदमलाई हेर्दा उसमा कसलाई देखिन्थ्यो?

परमेश्वरको सत्यता, पवित्रता, धार्मिकता, प्रेम, विश्वासयोग्यता, शुद्धता—पूर्णरूपमा असल, पापरहित!

उत्पत्ति ३ मा अति भयङ्कर परिवर्तन आयो। आदमले पाप गरे र परमेश्वरको स्वरूप बिग्रियो, नष्ट भयो। के तपाईंले कहिल्यै थोत्रो नोटमा हेर्नुभएको छ जसमा भएको स्वरूप देख्नै सकिँदैन? अथवा, के तपाईंले कुनै फोहोर ऐना हेर्नुभएको छ जसमा तपाईंले आफ्नै अनुहार पनि देख्नु सक्नुहुँदैन? मानिसमा भएको परमेश्वरको स्वरूपलाई पापले यस्तै गरेको हो! आदमले परमेश्वरलाई झल्काउनु भन्द बरु पापलाई, आफैंलाई र शैतानलाई प्रतिबिम्बित गर्न सुरु गरे!

 

आफ्नो पतन पछाडि आदमले केही सन्तानहरू जन्माए। आदमका सन्तानहरूले कसलाई प्रतिबिम्बित गरे (उत्पत्ति ५:३)? _______________। यसको जवाफ उत्पत्ति ५:३ मा पाइन्छ: “जब आदम एक सय तीस वर्षका भए, तब तिनले आफनै ___________, आफ्नै ____________ एउटा छोरा जन्माए, र उसको नाम सेत राखे।” सेतले कसलाई प्रतिबिम्बित गरिरहेका थिए? ___________ तपाईंले सेतलाई हेर्ने हो भने, उसमा कसको स्वरूप र समानता देख्नुहुनेछ? ___________________

 

आदममा पाइने अभिलाषा, अनाज्ञाकारिता, झूट, पाप, लोभ, रिस, घृणा, फोहोर बोली आदिले पूर्ण थियो, उसमा त्यो देखिन्थ्यो।

संसारमा जन्म लिने प्रत्येक बालक नै आदमकै स्वरूपमा र प्रतिरूपमा जन्मिएको छ (भजनसंग्रह ५१:५)! केवल प्रभु येशू ख्रीष्ट मात्र एउटै अपवाद हुनुहुन्छ जो एक कन्याबाट जन्मनुभयो। बाइबलले बताउँदछ कि उहाँ अ______आ_______ हुनुहन्छ (१ कोरिन्थी १५:४५)। निम्न चार्ट पूरा गर्नुहोस्:

कलस्सी १:१५ र २ कोरिन्थी ४:४ अनुसार अन्तिम आदम ख्रीष्टलाई परमेश्वरको ____________ भनिएको छ। ख्रीष्टले सिद्धरूपमा कसलाई प्रतिबिम्बित गर्नुभयो? ___________। ख्रीष्टलाई हेर्दा कसलाई देखिन्थ्यो? ____________। १२ चेलाहरूमध्ये कुनचाहिँ चेलालाई परमेश्वरको स्वरूपको बारेमा पाठ सिक्नु खाँचो थियो (यूहन्ना १४:७-९)? _____________। येशूलाई देख्नु भनेको __________लाई देख्नु थियो (यूहन्ना १४:९)।

 

प्रत्येक व्यक्ति कि आदममा (पुरानो सृष्टिसित आवद्ध) छ कि ख्रीष्टमा (नयाँ सृष्टिसित आवद्ध) छ। आदममा हुनेले आफ्नो पिता आ_____लाई प्रतिबिम्बित गर्दछ। ख्रीष्टमा हुनेले आफ्नो प्रभु येशूलाई प्रतिबिम्बित गर्न सक्छन् (यद्यपि उनीहरू कहिलेकाहिँ अझै आदमलाई प्रतिबिम्बित गर्दछन्)। विश्वासीको निम्ति यो सत्य हो: “अनि नयाँ मान्छेलाई पहिरेका छौ, जो चाहिँ आफ्नो सृष्टिकर्ताको ____________अनुसार ज्ञानमा नयाँ हुँदै जान्छ” (कलस्सी ३:१० र एफेसी ४:२४ – नयाँ सृष्टि!)। तलको चित्रले सहयोग गर्छ:

 

एक दिन विश्वासीले प्रभु येशूलाई सिद्धरूपमा प्रतिबिम्बित गर्नेछ (१ यूहन्ना ३:२ र रोमी ८:२९)। आज एउटा विश्वासी क्रमिक रूपमा बढ्दैजाँदा, आदमलाई झन् झन् थोरै प्रतिबिम्बित गर्न र येशूलाई झन् झन् बढी प्रतिबिम्बित गर्न सिक्दछ: “तर नढाकिएको चेहराले प्रभुको महिमा ऐनामा जस्तै हेर्दै-हेर्दै हामी सबैजना, प्रभुद्वारा, जो आत्मा हुनुहुन्छ, एक महिमादेखि अर्को महिमामा सर्दै त्यही __________ __________ जान्छौं” (२ कोरिन्थी ३:१८)।

के तपाईं त्यो स्वरूपमा बदलिँदै हुनुहुन्छ? के तपाईं झन् झन् येशूलाई प्रतिबिम्बित गर्दैहुनुहुन्छ? के परमेश्वरको स्वरूप तपाईँमा बनिँदै छ (गलाती ४:१९)? के मानिसहरूले तपाईँभित्र ख्रीष्ट देख्न सक्छन् (गलाती २:२०)?

आफैंलाई ऐनाको रूपमा बिचार गर्नुहोस्। के ऐनाले आफूले “देख्न” नसक्ने कुरालाई देखाउन सक्छ? __________ ऐनाले आफूले देख्न सक्ने कुरालाई मात्र प्रतिबिम्बित गर्न सक्छ! ऐनाले प्रतिबिम्बित गर्नुपर्ने कुरा त्यसको अगाडि आउनैपर्छ। यदी ऐना अर्को दिशातर्फ फर्किएको छ भने, त्यसले कहिल्यै पनि वस्तुलाई प्रतिबिम्बित गर्न सक्दैन। त्यस्तैगरी, यदि एउटा विश्वासीले ख्रीष्टलाई (एउटा विश्वासयोग्य ऐनाझैं) देखाउने हो भने, उसले ख्रीष्टलाई देख्नैपर्छ! जति तपाईं उहाँलाई हेर्नुहुन्छ र निहार्नुहुन्छ (२ कोरिन्थी ३:१८), त्यति नै धेरै उहाँलाई प्रतिबिम्बित गर्न सक्नुहुन्छ!

१ यूहन्ना ३:२ अनुसार हामी किन ख्रीष्टजस्तै हुनेछौं? _______________________ ________________। हामी ख्रीष्टको आमुने सामुने हुँदा हामीले उहाँलाई उहाँ जस्तो हुनुहुन्छ ठीक त्यस्तै देख्नसक्छौं। आज हामी बढ्दै जाने क्रममा यही कुरा साँचो हो। हामी जति ख्रीष्टलाई उहाँ वास्तवमा जस्तो हुनुहुन्छ, त्यस्तै हेर्छौं उति नै धेरै हामीमा ख्रीष्ट झल्किनुहुनेछ। आज हामी ख्रीष्टलाई कसरी हेर्न सक्छौं (यूहन्ना ५:३९; लूका २४:२७; लूका २४:४४-४५)? __________________________।

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

आकाश, पृथ्वी र मानिसको उमेर कति?

आकाश, पृथ्वी र मानिसको उमेर कति?

 

आकाश, पृथ्वी र मानिसको उमेर कति?

ब्रह्माण्ड कति वर्ष पुरानो छ? “______मा परमेश्वरले आकाश र पृथ्वी सृष्टि गर्नुभयो” भनेर उत्पत्ति १:१ ले बताउँछ। यो “शुरु” भनेको कहिले हो? सृष्टिको यस उदेकको कार्य कहिले सम्पन्न भयो? सयौं वर्ष अगाडि? हजारौं वर्ष अगाडि? अरबौं वर्ष अगाडि? खरबौं वर्ष अगाडि? आकाश र पृथ्वीको उमेरको बारेमा बाइबलले के सिकाउँछ?

उमेर पत्ता लगाउने पो कसरी?

तपाईंको विद्यालयको उमेर कति भयो भनी जान्न तपाईं उत्सुक हुनुहुन्छ होला। त्यो विद्यालय कहिले निर्माण भयो? तपाईंको हजुरबुबाले भन्नुहोला, “त्यो विद्यालय कहिले निर्माण भयो भनी मलाई याद छ। म त्यतिबेला १८ वर्षको थिएँ”। त्यो विद्यालय कहिले निर्माण भएको हो भनेर तपाईंको हजुरबुबाले भन्न सक्नुहुन्छ। उहाँ त्यस कुराको गवाही हुनुहुन्थ्यो। थ्वीको उमेर पत्ता लगाउनलाई कठिन छ किनभने यस महान घटनाको बेला कुनै पनि मानिस उपस्थित थिएन। कुनै वैज्ञानिकले यसो भन्ला, “पृथ्वी ४-५ अरब वर्ष पुरानो छ”। उसले यही विश्वास गर्दछ, तर के उसले यो कुरा साच्चै जान्दछन् त? के पृथ्वीको सुरुआत हुँदा उनी त्यहाँ थिए? अथवा के उक्त घटनाको गवाही दिन सक्ने कसैलाई उनले जान्दछन्? भु येशू सृष्टिको प्रारम्भमा उपस्थित हुनुहुन्थ्यो किनभने उहाँ नै सृष्टिकर्ता हुनुहुन्थ्यो (यूहन्ना १:३; कलस्सी १:१६; एफेसी ३:९)। सृष्टिको विषयमा उहाँको गवाहीलाई हामी पूर्ण रूपमा विश्वास गर्न सक्छौं। स्वर्गदूतहरू पनि त्यसबेला उपस्थित थिए (अय्यूब ३८:४-७)। तर उक्त घटनाको गवाही हुनका निम्ति कुनै मानिस पनि त्यहाँ थिएन।

 

 

प्रश्‍न: एउटा कोठामा पस्दा त्यहाँ एउटा ५ इन्च अग्लो मैनबत्ती २-इन्च प्रति-घण्टाको दरले जल्दै गरेको तपाईंले अवलोकन गर्नुभयो। के यति मात्रै तथ्यको आधारमा उक्त मैनबत्ती जलिरहेको समय कति भयो भनेर पत्ता लगाउन सकिन्छ? ____________। तर एक गवाहीको आधारमा उक्त मैनबत्तीलाई बाल्नुभन्दा अगाडि १० इन्च अल्गो थियो भन्ने तथ्य पनि थाहा पाउनुभयो भने अब के त्यो जलिरहेको समय कति भयो भनेर पत्ता लगाउन सक्नुहुन्छ? __________ ‘हालसम्म ३ इन्च जल्न भ्याएको रहेछ (८ इन्च – ५ इन्च = ३ इन्च); वितेको समय = २ x ३ इन्च = ६ घण्टा।’

उदाहरणबाट हामी बुझ्छौं कि कुनै कुरा कति पुरानो छ भनेर जान्न त्यसको सुरुको अवस्था (initial conditions) बारे जान्न हामीलाई आवश्यक पर्छ। मैनबत्ती सुरुमा कति अग्लो थियो नजानीकन त्यसको ज्वलनको ‘उमेर’ निकाल्न सकिन्न। (नोट: साथै त्यो निरन्तर एउटै दरले जलको थियो भन्ने मानिलिनुपर्ने हुन्छ। यदि मैनबत्ती टुप्पोतिर पातलो र फेदतिर मोटो भएको खण्डमा हाम्रो अघिको हिसाब फेल खान्छ! त्यसैले सुरुको अवस्था अवलोकन गर्न नपाउँदा ‘उमेर’ पत्ता लगाउन गाह्रै छ।)

विश्वब्रह्माण्डको सुरुआतको बारेमा कसरी जान्ने त? “___________द्वारा हामी ___________छौं।” (हिब्रू ११:३)। विश्वास भनेको परमेश्वरले भन्नुभएको कुराहरूलाई विश्वास गर्नु हो। हाम्रो विश्वास सर्वशक्तिमान सृष्टिकर्तामाथि छ जो सुरुआतमा हुनुहुन्थ्यो र जसले सुरुमा सृष्टि गर्नुहुँदा आकाश र पृथ्वी कस्ता थिए भनी बताउने उत्पत्तीको पुस्तक हामीलाई दिनुभएको छ। सबै कुराहरू सुरु हुँदा हामी त्यहाँ थिएनौं (अय्यूव ३८:४), तर सृष्टिकर्ता परमेश्वर त्यहीँ हुनुहुन्थ्यो! हाम्रो पृथ्वी ग्रहको बारेमा सृष्टिकर्ताले हामीलाई दिनुभएको गवाहीलाई हामी विश्वास गरौं!

सृष्टि-साता

सृष्टिको बारेमा हाम्रो अध्ययनमा (पाठ ४) पृथ्वी ________ दिनमा सृष्टि गरियो, घाम, चन्द्रमा र ताराहरू _________ दिनमा सृष्टि गरिए र मानिसचाहिँ _________ सृष्टि गरियो भनी हामीले अध्ययन गर्यौं। पृथ्वी, घाम, चन्द्रमा, ताराहरू र मानिस सबै नै एउटै सातामा सृष्टि गरिएका हुन् (प्रस्थान २०:११)। त्यसैले तिनीहरूको उमेर वास्तवमा एउटै छ! विकासवादीहरूले सिकाएझैं घाम र पृथ्वी मानिसभन्दा अरबौं वर्ष पुरानो छैन। वास्तवमा मानिसभन्दा पृथ्वी केवल पाँच दिन मात्र जेठो हो! पृथ्वी कति पुरानो छ भनी हामीले जान्न सक्यौं भने, घाम कति पुरानो छ भनी हामी जान्नेछौं र यस पृथ्वीमा मानिस कति समयदेखि रहँदै आएको छ भनी पनि हामीले जान्नेछौं। आदमको सृष्टि कहिले भएको हो भनी हामीले जान्न सक्यौं भने पृथ्वी, घाम र चन्द्रमा कति उमेर पुरानो छन् भनी हामीले जान्नेछौं! ती सबै एकै समयमा बनाइएका हुन्, अर्थात् सृष्टि साताका छ दिनहरू भित्र। यो सृष्टि साता कति अगाडिको कुरा हो? अरबौं वर्ष? करोडौं वर्ष? कि हजारौं वर्ष? यस पाठमा हामी यही प्रश्नको जवाफ खोज्नेछौं।

केही पुरानो देखिने नयाँ वस्तु

जब कुनै कुराको सृष्टि गरियो, त्यो पुरानो देखिए तापनि वास्तवमा पुरानो भने थिएन। यो त भर्खर मात्र सृष्टि गरिएको थियो! केही उदाहरणहरू हेरौं:

१.आदम

परमेश्‍वरले आदमलाई सृष्टि गर्नुहुँदा उनलाई एउटा बच्चाको रूपमा सृष्टि गर्नुभएर बढ्नको निम्ति २५-३० वर्ष पर्खनुभयो कि उहाँले पूरै बढेको मानिसको रूपमा सृष्टि गर्नुभयो? (उत्पत्ति २:७,१५,२०,२३,२५)? ______________________। यदि तपाईंले सृष्टिको छैटौं दिनमा सृष्टि गरिएको आदमको कुनै तस्वीर देख्न सम्भव भएको भए, उनी सम्भवत: २५ वा ३० वर्षको मानिस जस्तो देखिने थिए! के उनी साँच्चै २५ वा ३० वर्ष उमेरका थिए? ________ उनी वास्तवमा एक दिन भन्दा पनि कम उमेरका थिए! यो हाम्रो निम्ति एउटा अनौठो कुरा होला। एक वर्षको जन्मदिन मनाउँदा, हामीले सानो बालक देख्ने अपेक्षा गर्दछौं। तर आदमको पहिलो वर्षको जन्मदिन आउँदा, उनी एउटा पूरा बढेको वयस्क मानिस थिए! आदम केही पुरानो देखिने एक नयाँ सृष्टि थिए। उनी वास्तवमा जति थिए, त्यो भन्दा वृद्ध देखिन्थे।

२.रूख तथा पर्वतहरू

रूखहरूको सृष्टि गर्नुहुँदा, परमेश्वरले एउटा बीउको सृष्टि गरी त्यसलाई रोप्नुभएर त्यो बढ्दै गएर रूख बन्नलाई पर्खी बस्नुभयो कि सुरुमै पूरा बढेको रूखको सृष्टि गर्नुभयो (उत्पत्ति १:११)? ___________________। उक्त रूखलाई सृष्टि गरिएको पाँच मीनेटपछि त्यसको सुरुको अवस्थाको कुनै जानकारी नभएको एक वैज्ञानिकले अवलोकन गरेका भए त्यसको उमेर १०० वर्ष वा बढी छ भनी तिनले अनुमान लगाउन सक्ने थिए। के साँच्चै उक्त रूखको उमेर त्यति नै हो? __________। त्यो कति पुरानो थियो? __________________________ यो १०० वर्ष पुरानो देखिन्थ्यो किनभने यो पूरा बढेको रूपमा सृष्टि गरिएको थियो र त्यसैले यो रूख केही पुरानो देखीने नयाँ सृष्टि थियो। पर्वतहरूको सम्बन्धमा पनि यही कुरा साँचो हो। यदि कुनै वैज्ञानिकलाई पर्वतहरू सृष्टि गरिएको एकदिन पछि त्यहाँ ल्याउने हो भने, उसले ती चुचुराहरू हेर्नेथियो र ती पर्वतहरू सैयौं वर्षदेखि त्यहीँ थिए भनी निश्कर्ष निकाल्ने थियो। ती पर्वतहरू पनि भरखरै सृष्टि गरिएका भए तापनि केही पुरानै देखिन्थे।

३.कुखुरा र अण्डा

कुनचाहिँ पहिले आयो, कुखुरा कि अण्डा (उत्पत्ति १:२१)? यस प्रश्नले धेरै मानिसहरूलाई दोधारमा पारेको छ तर बाइबलको जवाफ प्रस्टै छ। सबै पशुहरू पूरा बढेको अवस्थामा सृष्टि गरिएका थिए। परमेश्वरले पहिले कुखुरीलाई बनाउनु भयो, र कुखुरीले अण्डाहरू कोरल्यो! बाइबलमा विश्वास नगर्ने मानिसलाई यस प्रश्नको जवाफ दिन गाह्रो हुन्छ! यदि अण्डा पहिले आयो भने, कसले अण्डा पार्यो? यदि कुखुरी पहिले आयो भने, कसले कोरल्यो? तर यदि सृष्टिकर्ताले यसलाई एउटा पूरा बढेको कुखुराको रूपमा सृष्टि गर्नुभयो भने, त्यहाँ कुनै समस्या रहँदैन! बाइबलले हामीलाई सुरुआतको बारेमा बताउँछ। परमेश्वरले कुखुराबाट सुरू गर्नुभयो। प्रथम अण्डाहरू पछि आएका हुन्!

४.ताराहरूका प्रकाश

८० प्रकाश वर्ष टाढा रहेको ताराको बारेमा विचार गर्नुहोस्। उक्त ताराबाट अहिले निस्केको प्रकाशको किरण पृथ्वीमा आ‍इपुग्न र विशाल दुरविनद्वारा देखिन ८० वर्ष लाग्नेछ। सबैभन्दा निकटमा रहेको तारा, अर्थात सूर्यकै किरण यहाँ आइपुग्न आठ मीनेट लाग्छ।

आज हामी लाखौं प्रकाश वर्ष परका ताराका प्रकाश देख्‍न सकिरहेका छौं। के यसको मतलव पृथ्वी लाखौं वर्ष पुरानो हुनुपर्छ भन्ने हो? कदापि होइन। पहिला, हामीले यो बुझ्नु खाँचो छ, प्रकाश वर्ष भनेको दूरीको नाप हो, समयको होइन। अन्तरिक्षको अध्ययन गर्ने व्यक्तिले कुनै तारा केही प्रकाश वर्ष टाढा छ भनी भन्दछ भने, उसले उक्त तारा कति टाढा छ (दुरी) भनी भनिरहेको हुन्छ, त्यो ताराको उमेर कति भयो, वा त्यो तारा अस्तित्वमा आएको कति समय भयो (समय) भनी भनिरहेको हुँदैन। दोस्रो कुरा, उत्पत्ति १:१७ ले ताराहरू _________ मा प्रकाश दिनलाई सृष्टि भएको कुराको उल्लेख गर्छ। के सृष्टिकर्ताले ताराहरू पहिला सृष्टि गर्नुभएपछि त्यसको प्रकाश पृथ्वीमा आइपुग्नको लागि लाखौं वर्ष पर्खेर बस्नुभयो होला? अहँ। उहाँले ताराहरू सृष्टि मात्र गर्नुभएन तर सृष्टि गर्नेवित्तिकै तिनका प्रकाश पृथ्वीमा देखियोस् भनी त्यसका किरणहरू समेत पृथ्वीमा पर्ने गरीकन सृष्टि गरिदिनुभयो। यदि परमेश्वरले ताराहरू सृष्टि मात्र गर्नुभएर उक्त ताराको किरणहरू पृथ्वीमा नपार्नुभएको भए, आदमा रातमा आकाशमा हेर्नेथिए र कुनै पनि तारा देख्नेथिएनन्। सबैभन्दा नजिकको ताराबाट पनि प्रकाशलाई पृथ्वीमा आइपुग्न निकै वर्ष लाग्नेथियो। त्यस अवस्थामा, आदमले केवल एउटै तारा, अर्थात सूर्य मात्र देख्नेथिए। तर सुरुदेखि नै आदम र अरूहरूले ताराहरूले भरिएको आकाश देख्न सक्दथे (उत्पत्ति १५:५ सित तुलना गर्नुहोस्)।

५.माटो, बालुवा, चट्टान

रूखहरू र वनस्पतिहरू हुर्कनको निम्ति माटो चाहिन्छ। हामीले आज माटोको अवलोकन गर्यौं भने, माटोको आफ्नै इतिहास छ भनी हामीले अनुमान गर्नसक्छौं। सायद त्यो माटो एकसमय कडा चट्टान थियो होला र वर्षौं-वर्षको प्राकृतिक शक्तिहरूको कारणले आजको माटोको अवस्थामा आइपुग्न साना-साना कणहरूमा टुक्रा भएको हुनुपर्छ! परमेश्वरले रूखहरू र वनस्पतिहरूको निम्ति माटो नै सृष्टि गर्नुभयो जस्तो तपाईंलाई लाग्छ कि उहाँले पहिले चट्टान सृष्टि गर्नुभयो र चट्टान साना-साना कणहरूमा टुक्रिएर माटो बन्नलाई हजारौं वर्षहरू पर्खनुभयो जस्तो लाग्छ? के परमेश्वरले बालुवा सृष्टि गर्नुभयो, कि उहाँले पानीको शक्तिद्वारा बालुवा उत्पादन गर्न हजारौं वर्ष पर्खनुभयो? (धेरैजसो बालुवामा चट्टानका कणहरू पाइन्छन्।)

६.चट्टानको सृष्टि

मानौं तपाईंको हातमा चट्टान सृष्टि गर्ने सामर्थ्य छ! निश्चय पनि, केवल सर्वशक्तिमान सृष्टिकर्ताले मात्र यसो गर्न सक्नुहुन्छ भनी हामीलाई थाह छ, तर एकछिनलाई मानिलिऔं कि तपाईंको हातमा शून्यताबाट एउटा चट्टान सृष्टि गर्ने सामर्थ्य छ। मानौं त्यो नव सृजित चट्टानलाई तपाईंले कुनै भूगर्भविदकहाँ लैजानुभयो। उसले त्यो चट्टानको अध्ययन गर्नेथियो र सायद उक्त चट्टान अरबौं वर्ष पुरानो हो भनी तपाईंलाई बताउनेथियो! त्यसो अड्कल गर्दा के ऊ सही हुनेथियो? __________ वास्तवमा, त्यो चट्टान त भर्खर मात्र सृष्टि गरिएको थियो!

केही पुरानो देखिने नयाँ पृथ्वी

यदि तपाईंले पृथ्वीलाई सृष्टि भए लगत्तै हेर्ने हो भने, त्यो केही पुरानो देखिने नयाँ वस्तु भएकोले यहाँको रूखहरू, पहाडहरू, समुद्रहरू, चट्टानहरू र सूर्यहरू केही लामो समयदेखि नै त्यहीँ थिए जस्तो देखिन्थ्यो। तर वास्तवमा, ती थोकहरू हालसालै सृष्टि गरिएका थिए। के यस्तो पुरानो देखिने कुराहरू सृष्टि गर्नुभएर परेमश्वरले हामीलाई झुक्काउन खोज्नुभएको हो? कदापी होइन! परमेश्वरले हामीलाई आफ्नो सृष्टि प्रणालीको बारेमा बताउनुभएको छ, र हरेकले (वैज्ञानिकहरूले पनि) उत्पत्तिको पुस्तक पढेर सृष्टिको बारेमा सत्य कुरा जान्न सक्छ! परमेश्वरले मानिसहरूलाई धोका दिइरहनुभएको छैन तर बाइबललाई गम्भिर रूपमा नलिएर मानिसहरूले आफैंलाई धोका दिइरहेका छन्। बाइबलका परमेश्वरलाई र उहाँले भन्नुभएको कुराहरूलाई विश्वास गर्न उनीहरू इन्कार गर्दछन्। जसरी एउटा जादुगरले आफ्ना श्रोताहरूलाई आफ्ना चमत्कारहरू गर्ने तरिकाको बारेमा बताए भने कसैलाई झुक्काइरहेको हुँदैन उसरी नै परमेश्वरले पनि आफूले संसारलाई कसरी सृष्टि गर्नुभयो भनी पूरा व्याख्या गर्नुभएर कसैलाई धोका दिनुभएको छैन।

करिब २००० वर्ष अगाडि सृष्टिकर्ता यस संसारमा वास्तवमै हिँडडुल गर्नुभयो र उहाँको सृष्टि प्रणालीहरूलाई सार्वजनिक रूपमा प्रदर्शन गर्नुभएका ती आश्चर्यकर्महरूलाई मानिसहरूले देख्न सक्दथे। तीमध्ये केही आश्चर्यकर्महरूको बारेमा बिचार गरौं:

१) पानी दाखरसमा परिणत भएको

यूहन्ना २ मा हामीले विवाह भोजमा प्रभुले सम्पन्न गर्नुभएको पहिलो आश्चर्यकर्मको बारेमा अध्ययन गर्न सक्छौं। प्रभुले उनीहरूलाई ६ ओटा पानीका घ्याम्पाहरूमा पानी भर्ने आदेश दिनुभयो (६-७ पद)। हरेक घ्याम्पामा २०-३० पाथी पानी अटाउँथ्यो! त्यसैले आफ्नो सृष्टि गर्नसक्ने सामर्थ्यद्वारा परमेश्वरका पुत्रले १५० पाथी पानीलाई किण्वीकरण नगरीएको दाखरसमा पविर्तन गर्नुभयो।

यस घटनापछि तुरुन्तै भोजका मुखियाले दाखमद्य चाखे। के हालसालै गरिएको आश्चर्यकर्मको बारेमा तिनलाई थाह थियो (९ पद)? ____________ तिनले उक्त दाखमद्य कहीँ राखिएको थियो र त्यो दाखमद्य कुनै समय दाखबारीमा भएका दाखहरूबाट बनाइएको थियो भनी सोचेको हुनुपर्छ। ती दाखहरू दाखको बोटमा हुर्किए र एकदिन ती पाके, मानिसहरूले चुँडेर निकाले र तिनलाई पेलेर दाखरस बनाए भनी तिनले सोचे होलान्। तर भोजका मुखिया गलत थिए! यो दाखमद्य दाखहरूबाट आएको थिएन र त्यहाँ कुनै दाखको बोट थिएन! ती दाखरस त सर्वशक्तिमान सृष्टिकर्ताका वचनहरूद्वारा बनिएका थिए! के यो आश्चर्यकर्म गर्न येशूलाई पानी नै चाहिन्थ्यो होला? ___________ उहाँको सृष्टि गर्न सक्ने सामर्थ्यद्वारा, प्रभु येशूले पानीलाई कुनै पनि मानिसका जिब्राहरूले चाखेको भन्दा सर्वोत्तम स्वादको दाखरसमा परिवर्तन गर्नुभयो।

२)शान्त पारिएको समुद्र

लूका ८:२२-२५ पढ्नुहोस्। यहाँ सृष्टिकर्ताको अर्को आश्चर्यकर्मको वयान छ। गालीलको समुद्र तुरुन्तै थामियो र आँधिबेहरी शान्त भयो (२४ पद)। मानौं समुद्र शान्त भए लगत्तै कुनै मानिस हेलिकप्टरमा उक्त स्थानमाथि उडेर आयो (हुन त त्यसबेला हेलिकप्टरहरू थिएनन्)। उसले तल हेर्नेथियो र यो शान्त भएको समुद्रलाई हेर्नेथियो। के उसले त्यहाँ एकछिन अघि मात्र आँधी चलिरहेको थियो भनेर अनुमान लगाउन सक्ने थियो? ____________ बतास र पानीले पनि तिनीहरूको सृष्टिकर्ताका आज्ञाहरू पालन गर्दछन्!

३)पाँच हजारलाई खुवाउनुभएको रोटी र माछाहरू

मत्ती १४:१५-२१ पढ्नुहोस्। मानौं तपाईं त्यस भोजको बीचमा पुग्नुभयो र हालसालै एउटा अचम्मको आश्चर्यकर्म सम्पन्न भएको बारेमा तपाईं अनभिज्ञ हुनुहुन्छ। त्यहाँ एउटा व्यक्तिले तपाईंलाई माछा देखाउँदै प्रश्न गर्छ, “के यो माछाको जीवन कथा बताउन सक्नुहुन्छ?” तपाईंलाई यो प्रश्न सुरुमा अनौठो लाग्ला, तर तपाईंले ठीक जवाफ दिने सर्वोत्तम प्रयास यसरी गर्नुहुनेछ, “मेरो विचारमा, यो माछा पहिले अण्डाबाट विकसित भएको हुनुपर्छ र गालीलको समुद्र वरिपरि पौडिरहेको हुनुपर्छ। एकदिन एकजना मछुवाले यसलाई आफ्नो जालमा पक्रेको हुनुपर्छ र त्यसपश्चात् यो खानको निम्ति तयार परिएको हुनुपर्छ”। तर उक्त व्यक्तिले यस्तो जवाफ दिनेछ, “होइन, तपाईं गलत हुनुहुन्छ। यो माछा कहिले पनि अण्डाबाट विकसीत भएको होइन, यो त पानीमा पनि कहिल्यै पौडिएन, यसलाई पक्रिएको पनि होइन—यो माछा त कहिले भिजेको पनि थिएन। सृष्टिकर्ता येशूले यो माछालाई भर्खर मात्र बनाउनुभएको हो! त्यती मात्र होइन, हामीले खाइरहेका यी जौका रोटीहरू पनि ती जौबाट बनिएका हुन् जुन कहिल्यै पनि खेतमा फलेन, जसको कटनी पनि गरिएन र पीठो पनि बनाइन नता आगोमा पोलिए। यी रोटीहरूको भिन्नै इतिहास छ!” (केवल दुई ओटा माछा र पाँचओटा रोटीहरूको मात्र वास्तविक इतिहास थियो; बाँकी माछा र रोटीहरू त्यस समयका निम्ति मात्र सृष्टि गरिएका थिए)।

४)चंगाइका कार्यहरू

येशूले निको पार्नुभएका हरेक रोगी, लङ्गडो र कुष्ट रोग लागेको व्यक्ति पहिले कहिल्यै नभएको स्वस्थ अवस्थामा पुगेको देखिन्थ्यो। अचम्मको चङ्गाइको कारणले ती मानिसहरू पूर्ण रूपमा स्वस्थ हुन्थे र यदि ती मानिसहरू चङ्गाइ गरिएका हुन् भनी तपाईंलाई थाह नभएको भए, उनीहरू निकै समयदेखि नै यस्तो स्वस्थ अवस्थामा रहेका रहेछन् भनी तपाईंले अनुमान लगानुहुनेथियो। यूहन्ना ९ अध्यायको जन्मदेखिकै अन्धो मानिसको बारेमा विचार गर्नुहोस्। येशूले उसलाई एकैछिनमा पूर्ण रूपमा निको पार्नुभयो। अब मानौं कि उक्त मानिस आँखा जचाउन चिकित्सककहाँ गयो।

अन्धोमानिस: “मेरा आँखाहरू कस्ता छन्, डाक्टर?”

चिकित्सक: “भाइ, तपाईंको आँखा एकदम ठीक छ। साँच्चै तपाईंको दृश्यशक्ति साह्रै राम्रो रहेछ!”

अन्धोमानिस: “होइन, डाक्टर, तपाईंले बुझ्नुभएन। हिजोसम्मको मेरो सम्पूर्ण जीवनमा म अन्धो थिएँ, तर सृष्टिकर्ताले मलाई निको पार्नुभयो!”

(साधारणतया: चिकित्सकले उक्त मानिसको आँखा सुरुदेखि नै राम्रो थियो भनी मानिलिनेछन्, तर त्यो विचार गलत हुनेथियो।)

प्रेरित ३ मा उल्लेखित _________ _________देखि __________ भएको मानिसको सवालमा पनि यही नै सत्य हुन्छ (प्रेरित ३:२)। परमेश्वरले उसलाई निको पार्नुभयो (६-७ पदहरू) र उक्त मानिस हिँड्दै र उफ्रँदै गरेको देख्ने सबै मानिसहरू छक्क परे (८-११ पदहरू) किनभने उनीहरूले उसको लङ्गडो अवस्थाको इतिहास जान्दथे, तर उक्त मानिसले आफ्नो त्यस्तो कुनै विगत नभएको जस्तै गरिरहेको थियो। यदि तपाईंले उक्त मानिसलाई ऊ निको भएपछि भेट्नुभएको भए, ऊ जन्मदेखि नै लङ्गडो थियो भनी तपाईंले कहिल्यै अनुमान लगाउन सक्नुहुँदैन थियो।

५. लाजरस

लाजरसलाई मरेकाबाट पुनर्जीवित पारिएको आश्चर्यकर्मको बारेमा यूहन्ना ११ मा पढ्नुहोस्। मानौं लाजरस डाक्टरकहाँ आफ्नो शारीरिक परीक्षण गर्न गए:

चिकित्सक: “अँ, लाजरस, तिम्रो परिक्षण सफल भयो, तिमी त साह्रै स्वस्थ अवस्थामा देखिन्छौ! तिम्रो शारीरिक अवस्था अति राम्रो छ”

लाजरस: “डाक्टर ज्यू, तपाईंको अनुभव अनुसार, मेरो विगतको इतिहास कस्तो थियो होला?”

चिकित्सक: मलाई लाग्छ, तिमीले राम्रो कसरत र खानपिन गरिरहेका छौ र केही समयदेखि राम्रो अवस्थाको आनन्द लिरहेका छौ”

लाजरस: “डाक्टर ज्यू, तपाईंलाई सायद अचम्म लाग्दा, तर म हालसालै मरेको थिएँ र मेरो शरीर ४ दिनसम्म चिहानभित्र कुहिन र गन्हानउ थालिसकेको थियो (यूहन्ना ११:३९), तर मेरो सृष्टिकर्ता र मेरो मुक्तिदाताले मलाई पुन: जीवित पार्नुभयो!”

पृथ्वी कति पुरानो छ?

सृष्टिका परमेश्वरमा र उत्पत्तिको पुस्तकमा विश्वास नगर्ने मानिसहरूले पृथ्वी धेरै नै पुरानो छ भनी विश्वास गर्छन्। सन् १९०० ताका विकासवादीहरूले पृथ्वी ५ करोड वर्ष पुरानो छ भनी विश्वास गर्दथे। आज, १०० वर्ष भन्दा धेरै समयपछि, पृथ्वी त्यो भन्दा पनि अझै पुरानो छ भनी उनीहरू विश्वास गर्दछन्। “पृथ्वीको इतिहास ४ अर्व भन्दा बढि समयावधिको छ” (१९९८ इन्साइक्लोपिडियाबाट)। मौकाको ईश्वरलाई सृष्टिकार्य गर्नको निम्ति थुप्रै समयको खाँचो पर्दछ (पाठ ४ हेर्नुहोस्)! आज अधिकांश विकासवादीहरूले पृथ्वी करिब ४.६ अर्व वर्ष पुरानो छ भनी भन्दछन्। यसको अर्थ आज उनीहरूले पृथ्वीको आयु उनीहरूले झण्डै १०० वर्ष अगाडि सन् १९०० मा सोचेको भन्दा १०० गुणा धेरै छ। अबको पचास वा सय वर्षपछि पृथ्वी कति पुरानो छ भनी उनीहरूले भन्लान्? उनीहरूको शिक्षा बदलिरहन्छ र उनीहरूको पुस्तकहरू पनि नयाँ शिक्षाहरू अनुसार परिवर्तन गरिरहनुपर्छ।

यस पाठमा पृथ्वी करोडौं वर्ष पुरानो छैन र निश्चय पनि अरबौं वर्ष पुरानो त छँदैछैन, तर वास्तवमा यो त केही हजार वर्ष मात्र पुरानो छ भनी हामी अध्ययन गर्नेछौं। मानिसहरूले सोचेझैं पृथ्वी वास्तवमै पुरानो छैन।

केही रूखहरू निकै पुराना छन्। सेकुओइया रूख (Sequoia trees) ३,५०० वर्ष पुराना हुन्छन्। ती रूखहरू मोशाको समयमा हुर्कन सुरु गरे र आजसम्म पनि रहिरहेका छन्! केही ब्रिसलकोन पाइन रूखहरू (Bristlecone Pine trees) ४००० वर्ष पुराना छण् जसको अर्थ ती रूखहरू अब्राहामका पालामा बढ्न सुरु गरेका थिए!

बाइबलको गवाही

बाइबलले हामीलाई पृथ्वीको उमेर र मानिसको उमेरको बारेमा धेरै कुरा बताउँदछ। याद राख्नुहोस्, पृथ्वीको उमेर र मानिसको उमेर वास्तवमा एउटै हो (उत्पत्ति १ अनुसार पृथ्वी मानिसभन्दा जम्मा पाँच दिनले मात्र पुरानो छ)। आदमभन्दा करोडौं-अरबौं वर्ष पहिले पृथ्वी यहाँ थिएन।

विभिन्न खण्डहरूमा हामीलाई बाइबलले विस्तृत वंशावलीहरू दिएको छ जसको आधारमा मानव जातिको मोटामोटी ‘उमेर’ पत्ता लगाउन सकिन्छ (अर्थात्, यस संसारमा आदमबाट सुरु गरेर मानिस बाँच्दै आएको समय)।

हामीलाई थाह छ, ख्रीष्टको समयदेखि आजको समयसम्म झण्डै २००० वर्ष हुन्छ (ख्रीष्ट करिब ई.सं. ३० मा बौरिउठ्नुभएको थियो)। हामीलाई यो पनि थाह छ, अब्राहामको समयदेखी ख्रीष्टको समयसम्म करिब २००० वर्ष थियो (अब्राहाम यस पृथ्वीमा करिब ई. पू. २००० वर्ष अगाडि बाँचेका थिए)। त्यहाँ अनुमान लगाउन कठिन अन्य दुई समयावधिहरू छन् जसका कारणहरू चाहिँ हामी पछि अध्ययन गर्नेछौं:

    • १. आदमको समयदेखि जलप्रलयसम्म
    • २. जलप्रलयदेखि अब्राहामसम्म

तर यी दुवै समयावधिको निम्ति परमेश्वरले हामीलाई वंशावली दिनुभएको छ। उत्पत्ति ५ मा आदमदेखि नूहसम्मको वंशावली छ (सृष्टिदेखि जलप्रलयसम्म)। उत्पत्ति ११ मा नूहको छोरा शेमको समयदेखि अब्राहामसम्मको वंशावली छ (जलप्रलयदेखि अब्राहामसम्म)।

त्यसैले पृथ्वीको र मानवजातिको उमेर पत्ता लगाउन, हामीले जोड्नैपर्ने ४ ओटा समयावधिहरू छन्:

वंशावलीमा अन्तरालहरू

वंशावलीमा हुन सक्ने केही अन्तरालहरूका सम्भावनाको कारण पहिलो दुई चरणको समयावधिलाई निश्चित रूपमा निर्धारण गर्न हामीलाई कठिन हुन्छ। एक वा बढि वंशावलीहरूलाई छोड्दा अन्तरालहरू आउँछ।

उदाहरणको निम्ति, मत्ती १:१ मा ख्रीष्टलाई “अब्राहामका ________” भनिएको छ तर ख्रीष्ट र अब्राहामको बीचमा थुप्रै वंशावलीहरूको अन्तराल छ (मत्ती १:२-१६)।

योराम र ओजियाको बीचमा अन्तरालको एउटा उदाहरण छ। मत्ती १:८ मा यस्तो लेखिएको पढ्दछौं, “यो______ ओजियालाई जन्माए (जसलाई उज्जियाह वा अजरियाह पनि भनिन्छ)। के यसको अर्थ योराम उज्जियाहका पिता थिए भन्ने हुन्छ? हामीले पुरानो नियमलाई ध्यानपूर्वक पढ्दा योराम वास्तावमा उज्जियाहका जिजुबुबा थिए भन्ने देखिन्छ।

यहोरामका छोरा को थिए (२ राजा ८:२४)? ________________
अहज्याहका छोरा को थिए (२ राजा ११:२)? ________________
योआशका छोरा को थिए (२ राजा १२:१९-२१)? ________________
अमस्याहका छोरा को थिए (२ राजा १४:२१)? ________________
(नोट: अजर्याहको अर्को नाम उज्जियाह हो। २ राजा १४:२१ मा आफ्नो बाइबलको फुटनोट हेर्नुहोस्।)

समरूप तर अपूर्ण

हामीले बाइबलका वंशावलीहरू अध्ययन गर्दा, बाइबलका लेखकहरूले पूर्णता (कुनै अन्तराल नराखी हरेक बाबु र छोराका नामहरू उल्लेख गर्नु) भन्दा समरूपता (नामहरूलाई नियमित र सन्तुलित रूपमा लेख्नु) प्रति बढी चासो राखेका देखिन्छ। उत्पत्ति ५ र ११ लाई तुलना गर्दा, उनीहरू पूर्ण रूपमा सन्तुलनमा र समरूपतामा रहेको देखिन्छ। दुवै समूहमा १० जना बाबुहरू छन् र दसौं बाबुका ३ महत्त्वपूर्ण छोराहरू छन्:

निम्न चार्टमा छुटेका नामहरू लेख्नुहोस्:

मानिसहरूले यी सूचीका नामहरूलाई कण्ठ गर्न सकुन भनेर यसरी समरूप तरिकाले वंशावलीहरू दिइएको हुनुपर्छ। यी वंशावलीहरूमा मसीहको वंशक्रम छ। मसीह ख्रीष्ट यी नै मानिसहरूका वंश हुनुहुन्छ (लूका ३:२३-२६)। मत्ती ११ मा समरूपतामा लेखिएको वंशावली छ जसमा १४-१४ ओटा पुस्ताहरू गरी ३ समूहहरू छन् (१७ पद हेर्नुहोस्):

मत्ती १:८ मा ३ पुस्ताहरूको बीचमा अन्तराल छ (तीन राजाहरूका नाम लेखिएको छैन) भनी हामीले पहिल्यै हेरिसक्यौं। परमेश्वरको अगुवाइमा लेख्ने मत्तीले यस खण्डमा १४ ओटा मात्रै नामहरू लेख्न चाहे, त्यसैले ८ पदमा तिनले यो अन्तराल राखे। १४-१४ ओटा नामहरू भएको ३ समूहरू सम्झना गर्न पनि सजिलो छ। मत्ती १ को वंशावली समरूप भए तापनि पूर्ण छैनन् भनी हामी जान्दछौं। यसमा केही नामहरू र केही पुस्ताहरू समावेश गरिएका छैनन्।

मत्ती १ को अब्राहामदेखि ख्रीष्टसम्मको वंशावलीमा अन्तरालहरू छन् भनी हामी जान्दछौं। के लूका ३ को आदमदेखी ख्रीष्टको वंशावलीमा पनि अन्तरालहरू हुनु सम्भव छ? उत्पत्ति ५ को आदमदेखि जलप्रलयसम्मको वंशावलीमा अन्तरालहरू हुनु सम्भव छ? यदि त्यहाँ कुनै पनि अन्तरालहरू नभएको भए, हामीले आदमदेखि जलप्रलय र जलप्रलयदेखि अब्राहाम सम्मको समयको सठीक हिसाब निकाल्न सक्नेथियौं। आयरल्याण्डका एक बाइबल विद्वान अशर (Ussher) ले सत्रौं शताब्दीमा बाइबलका चाबी घटनाहरूको हिसाब निकाल्ने प्रणालीको विकास गरे। तिनले ४००४ ई.पू. मा पृथ्वीको सृष्टि गरिएको हिसाब निकाले। यसो गर्दा तिनले उत्पत्ति ५ र ११ मा भएका वंशावलीहरूमा कुनै अन्तराल छैन भन्ने अड्कल गर्दै हिसाब गरेका थिए। यदि उत्पत्ति ५:१-११ मा केही अन्तरालहरू छन् भने, सृष्टिको मिति अझै केही वर्ष पछाडि पुग्न जान्छ।

तसर्थ, वंशावलीमा कुनै अन्तरालहरू भए पनि वा नभए पनि पृथ्वीको सृष्टि केवल ६ वा ७ हजार वर्ष अगाडि मात्र भएको हो। विकासवादीहरूको समय तालिकाभन्दा कति यो भिन्न छ! पृथ्वी ४-५ अरब वर्ष भन्दा पुरानो छ र मानिस १० लाख वर्ष भन्दा पुरानो छ भनी तिनीहरू सिकाउँछन्। बाइबलको अनुसार पृथ्वी अरबौं वा खरबौं वर्ष पुरानो छैन। निश्चय नै, पृथ्वी १०,००० वर्षभन्दा पुरानो छैन।

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

अन्तरालको सिद्धान्त २

विज्ञान, बाइबल र मुक्तिदाता

 

केही अवलोकनहरू:

    • १) जब परमेश्वरले ब्रह्माण्डको (पहिलो र दोस्रो स्वर्गहरू वा आकाशहरू) सृष्टिको उल्लेख गर्नुहुन्छ, उहाँले सृष्टिको ६ दिनहरूको समयावधि बताउनुहुन्छ (प्रस्थान २०:११; उत्पत्ति १)।
    • २) जब परमेश्वरले सबै कुराहरूको (ब्रह्माण्ड र तेस्रो स्वर्ग र स्वर्गदुतहरू पनि) सृष्टिको उल्लेख गर्नुहुन्छ, उहाँले समयावधि बताउनुहुँदैन (नहेम्याह ९:६ र कलस्सी १:१६)।
    • ३) स्वर्गदुतहरू उत्पत्ति १:१ भन्दा अगाडि नै सृष्टि गरिएको हुनुपर्छ किनभने जब पृथ्वीको सृष्टि हुँदैथियो, परमेश्वरको प्रशंसा गर्न र ब्रह्माण्डको सृष्टिको गवाही हुन उनीहरू त्यहीँ थिए (अय्यूब ३८:४,७ हेर्नुहोस्)।

अय्यूब ३८:४,७

“मैले पथ्वीका जगहरू बसाल्दा तिमी कहाँ थियौ?…

जुन बेला बिहानका ताराहरूले (नेतृत्व गर्ने स्वर्गदुतहरू) एकसाथ गाए, र परमेश्वरका सबै छोराहरूले (स्वर्गदुतहरू, अय्यूब १:६; २:१ हेर्नुहोस्) हर्षले चिच्च्याए?”

परमेश्वरले पृथ्वीको जग बसाल्नुहुँदा अय्यूब त्यहाँ थिएनन् तर स्वर्गदूतहरू उपस्थित थिए! उत्पत्ति १:१ मा परमेश्वरले पृथ्वीको सृष्टि गर्नुहुँदा, स्वर्गदूतहरू त्यस घटनाको गवाही भइरहेका थिए। पहिलो दिनको एकदम सुरुमा, स्वर्गदुतहरूले सृष्टिकर्ताले के गर्दैहुनुहुन्छ भनी हेरिरहेका थिए। त्यसैले उत्पत्ति १:१ ले लुसिफर तथा स्वर्गदूतहरूको सृष्टिलाई समेट्दैन। उनीहरू सृष्टि भइसकेका थिए!

४) पृथ्वीलाई नष्ट-भ्रष्ट पारेको शैतानको पापले होइन, तर मानिसको पापले हो। पृथ्वी श्रापित भएको लुसिफरको पतनले होइन, तर आदमको पतनले हो (उत्पत्ति ३:१५-१९)। निम्न समयरेखालाई विचार गर्नुहोस्:

तपाईंले पाप, शैतान, मुक्ति र मुक्तिदाताको बारेमा राम्रो सँग बुझ्न सक्नुभएको होस् भनेर हामी तपाईंलाई एउटा सत्य कथा बताउन गइरहेका छौं। यो अहिलेसम्म भनिएका कथाहरू मध्ये सर्वश्रेष्ठ कथा हो! जिउँदो परमेश्वरले मानिसहरू र स्वर्गदुतहरूले उहाँ को हुनुहुन्छ र उहाँ कस्तो हुनुहुन्छ भनी जानेको चाहनुहुन्छ। अब हामी परमेश्वरको छुटकाराको महान् दृश्यकाव्य हेर्नेछौं।

छुटकाराको दृश्यकाव्य

यस दृश्यकाव्यका मूख्य पात्रहरू:

    • क. जिउँदो परमेश्वर, सबै कुराहरूका सृष्टिकर्ता
    • ख. लुसिफर (शैतान)
    • ग. स्वर्गदुतहरू
    • घ. तपाईं र म जस्ता पापी मानिसहरू।

दृश्य १–स्वर्गमा

सुरुमा, उत्पत्ति १:१ मा ब्रह्माण्डको सुरु भन्दा पनि निकै अगाडि, परमेश्वरले तेस्रो स्वर्ग (“सर्वोच्च आकाश”—नहेम्याह ९:६) र कुनै मानिसले गन्न सक्ने भन्दा पनि ज्यादा यसमा भएका सबै स्वर्गदूतहरू सृष्टि गर्नुभयो (प्रकाश ५:११)। सृष्टि गरिएका स्वर्गदुतहरू मध्ये एकजनाको नाम लुसिफर थियो, त्यो करुब जसले परमेश्वरको सिंहासनलाई ढाकेर राख्थ्यो (इजकिएल २८:१२-१६)। एकदिन आफ्नो सुन्दरताको कारणले यस स्वर्गदुतको हृदय घमण्डले उचालियो (इजकिएल २८:१७) र एउटा प्राणी मात्र भए तापनि उसले आफ्नो बारेमा अति धेरै कुराहरू सोच्यो, र अनुपम सृष्टिकर्ता परमेश्वरको बारेमा बेठीक तरिकाले बिचर गर्न थाल्यो। परमेश्वरको मात्र स्वामित्व रहेको कुराहरू उसले चाह गर्न थाल्यो। घमण्डमा फुलिएर (१ तिमोथी ३:६), उसले आफैंलाई परमेश्वरको स्थानमा राखेर पाप गर्यो (यशैया १४:१३-१४का “म … चढ्नेछु, उचाल्नेछु” इत्यादि शब्दहरूलाई ध्यान दिनुहोस्)। पहिलो पटक, सृष्टिको थोकले सृष्टिकर्ताको बिरुद्धमा पाप गरेको थियो। यो बाहिरी पाप थिएन, यो भित्री पाप थियो (“किनकि तैंले आफ्नो हृदयमा भनेको छस्”- यशैया १४:१३), तर आफ्नो सृष्टिका थोकहरूको हृदयमा देख्नुहुने परमेश्वरले तुरुन्तै पापको इन्साफ गर्नैपर्छ। धर्मी परमेश्वरले सिद्ध इन्साफको अभ्यास गर्दै उसलाई आगोको झीलभित्र फ्याँक्ने निर्णय गर्नुभएको छ (मत्ती २५:४१)। अरू स्वर्गदुतहरू छक्क परे। यस्तो कुरा उनीहरूले कहिल्यै देखेका थिएनन्। त्योभन्दा अगाडी परमेश्वरले कहिल्यै पनि कसैको इन्साफ गर्नुभएको थिएन। उहाँले त्यस्तो गर्नुपर्ने अवस्था नै सृजना भएको थिएन। परमेश्वरको सिद्ध इन्साफ पहिलो चोटि देखिएको थियो।

पापमा उसको पतनपछि, बाइबलले हामीलाई बताएको छ कि लुसिफर शैतान बन्यो। “शैतान” शब्दको अर्थ “दोष लगाउने” हो। शैतानले अरू स्वर्गदुतहरूको सामुन्ने परमेश्वरलाई दोष लगायो भन्नु तर्क सङ्गत हो। सृष्टकर्ताको बिरोधमा शैतानले लगाएको दोषको तपाईं कल्पना गर्न सक्नुहुन्छ: “प्रेम गर्ने परमेश्वरले कसरी उहाँको सृष्टिलाई नरकमा फ्याँक्न सक्नुहुन्छ? त्यो त जायज कुरा भएन!!” (मुक्ति नपाएका शैतानका सन्तानहरूले-यूहन्ना ८:४४, आज प्राय: त्यहि दोष लगाउँछन्)। परमेश्वर प्रेम नगर्ने र पक्षपाती हुनुहुन्छ भन्दै शैतानले एक तिहाई स्वर्गदुतहरूलाई फुस्लायो

(प्रकाश १२:४) र परमेश्वरको स्वभावमा शंका गर्दै, उनीहरू पनि यो भयानक पापमा फसे। यी पतीत दुतहरूलाई पनि दुष्ट आत्माहरू वा शैतानका दुतहरू भनिन्छ।

परमेश्वरले शैतान र उसका दुतहरूको निम्ति नरकको झील तयार पार्नुभए तापनि तिनीहरूलाई उहाँले तुरुन्तै त्यहाँ फ्याँक्नुभएन। सबै स्वर्गदुतहरूलाई उहाँ पहिले केही सिकाउन चाहनुहुन्थ्यो। आफ्नो स्वभाव प्रस्तुत गर्न र उहाँ धर्मी परमेश्वर साथै प्रेम गर्नुहुने परमेश्वर हुनुहुन्छ भनी उहाँले एकैचोटि तर सदाका निम्ति प्रमाणित गर्न चाहनुभयो। स्वर्गीय सेनाहरूलाई परमेश्वरले यसो भन्नुभएको जस्तै हो, “म कति पवित्र र कति धर्मी छु भनी तिमीहरूलाई देखाउनेछु (म पापलाई कति घृणा गर्छु र कसरी मैले पापलाई इन्साफ गर्नैपर्छ) तरैपनि म कति प्रेमिलो र म कति अनुग्रही छु भन्ने पनि तिमीहरूलाई देखाउनेछु।” परमेश्वरले अब के गर्नुहुनेछ भन्ने बारेमा स्वर्गदुतहरू औधि उत्सुक थिए!

दृश्य २–स्वर्गमा

जब सबै स्वर्गदुतहरूले उत्साहित भएर हेरिरहेका थिए, परमेश्वरले सृष्टिको महान् कार्य सुरू गर्नुभयो। उहाँका मुखका शब्दहरूले (भजनसङ्ग्रह ३३:६५-९) आकाशहरू र पृथ्वी सृष्टि गरिए (उत्पत्ती १;१)। परमेश्वरले पृथ्वीको जग हाल्नुहुँदा पवित्र दुतहरूले रमाहट गरे (अय्यूब ३८:४,७)। पृथ्वी (जोचाहिँ सूर्य, चन्द्रमा र ताराहरूभन्दा अगाडि सृष्टि गरिएको थियो) उहाँको दृश्यकाव्यको निम्ति रङ्गमञ्च बन्यो। उत्पत्ती १ अध्यायमा पथ्वी केन्द्र बिषय बन्दछ (उत्पत्ती १:२-“अनि पृथ्वी…”)। अरबौं खरबौं ताराहरू त पछि बिचार गरिएका थोकहरू झैं गरी उल्लेख गरिएको छ (उत्पत्ती १:१६)। परमेश्वरले आफ्नो सिद्ध गुणहरूको प्रस्तुतिकरणको निम्ति उहाँले गर्न लाग्नुभएको कार्यको मूख्य केन्द्र पृथ्वी ग्रह बन्दछ। अन्त्यमा, मुक्तिदाता स्वर्गको महिमाबाट बाहिर आउनुभए पछि र मानवको रूपमा आफैंलाई नम्र तुल्याउनु भएपछि (फिलिप्पी २:६-८), शृङ्खला अन्तिम चरणमा आइपुग्छ। पछि कलवरीको क्रूसमा जानुभएर उहाँले आफैंलाई अझै नम्र तुल्याउनुहुन्छ। यहीँ नै परमेश्वरले पापलाई कति घृणा गर्नुहुन्छ भनी देखाउनुभयो। यहीँ परमेश्वरले कसरी पापको इन्साफ गर्नुपर्छ भनी देखाउनुभयो। र अझैपनि यहीँ परमेश्वरले आफ्नो सृष्टिप्रति, र झन् मानिसहरू प्रति उहाँ कति प्रेमिलो र अनुग्रही हुनुहुन्छ भनी देखाउनुभयो। त्यसैले क्रूसमा नै शैतानले हार खायो र परमेश्वरको गुण पुष्टि गरियो। शैतानको दोषहरू एकैचोटि र सदाका निम्ति झूटा प्रमाणित भए!

आज स्वर्गदुतहरूले मण्डलीलाई अवलोकन गरिरहेका छण् र परमेश्वरका नाना प्रकारका बुद्धि (एफेसी ३:१०) को र प्रशस्त अनुग्रह (एफेसी २:७) को बारेमा सिकिरहेका छन। हजार वर्षे राज्यको अन्त्यमा छुटकारा सम्बन्धि दृश्यकाव्यको पूर्ण अन्त्य हुनेछ अनि अन्त्यमा शैतान र उसका दुतहरूले आगोको झीलभित्र दण्ड भोग्नेछन् (प्रकाश २०:१०), र परमेश्वरले गर्नुभएको हरेक कुराहरूमा उहाँ एकदम धर्मी र न्यायसङ्गत हुनुहुन्छ भनी स्वर्गदुतहरूले पूर्ण रूपमा बुझ्नेछन्।
परमेश्वरलाई सदा-सदाको पनि महिमा भइरहोस्!!!

४.“लुसिफरको जलप्रलय” को समस्या

बाइबलले केवल एउटा विश्वनव्यापी प्रलय भएको बताउँछ, जुनचाहिँ दुष्ट मानिसहरूमाथि परेको थियो। त्यो कस्तो थियो र कहिले भएको थियो (लूका १७:२६-२७; हिब्रू ११:७; १ पत्रुस ३:२०; २ पत्रुस २:५; ३:५-६)? _______________________________________________। परमेश्वरले नूहको जलप्रलय धेरैपटक उल्लेख गर्नुभएको छ। यसको वर्णन गर्न उहाँले बाइबलमा ३ अध्यायहरू दिनुभएको छ—उत्पत्ति ६-८। माथि लिखित अन्य पदहरूमा पनि यसको वयान गरिएको छ। तर लुसिफरको जलप्रलय बारेमा परमेश्वरले हामीलाई केही पनि भन्नुभएको छैन! किनभने त्यस्तो जलप्रलय कहिल्यै भएकै थिएन! कहिल्यै पनि नघटेको घटनाको बारेमा बताउन परमेश्वरले जमर्को नै गर्नुभएको छैन!

५.जीवशेषको समस्या

के साँच्चै जीवशेषहरू उत्पत्ती १:१ र १:२ बिचको अन्तरालमा बनेका हुन् त? जीवशेष भनेको के हो? जीवशेष भनेको पशु वा वनस्पतिको हिस्सा हो जुनचाहिँ सारो माटो वा कोइला, इत्यादिमा संरक्षण भएको हुन्छ। वनस्पतिहरू _______ दिनसम्म सृष्टि गरिएको थिएन भनी उत्पत्ती १ ले सिकाउँछ। हामी यो पनि जान्दछौं कि ________ दिन सम्म पहिलो पशुहरू पनि अस्तित्वमा आइसकेका थिएनन्। तर अन्तरालमा विश्वास गर्नेहरूले उत्पत्ती १:२ भन्दा पनि धेरै अगाडि पृथ्वीमा त्यहाँ पशु र वनस्पति थियो भनी भन्दछन्। ______ दिनमा आदम बनाइँदा, डाइनसोर (Dinosaurs) का हड्डीहरू र आदमभन्दा अगाडीका मानिसहरूका हड्डीहरू समेत गरी भूमीमुनि हजारौं जीवशेषहरू थिए भनी उनीहरूले भन्दछन्! यी सबै प्राणीहरू लुसिफरको पापको कारणले पृथ्वीमा आएको इन्साफद्वारा नष्ट भएका हुन् भनी उनीहरू विश्वास गर्दछन्, र तसर्थ उनीहरूको अनुसार आदम सृष्टि गरिनुभन्दा धेरै अगाडी करौडौं पशुहरू र वनस्पतिहरू पहिलै मरिसकेका थिए! यो त आदम तिनको पाउमुनि असङ्ख्य पशुहरू गाडिएको चिहानमाथि, हिँडिरहेको जस्तो देखा पर्छ!

के यो साँच्चै सत्य हो? संसारमा मृत्यु पहिलो चोटि कहिले पस्यो? “यसकारण जसरी ____________ ____________ (आदम) संसारमा पाप पस्यो, र पापद्वारा ____________ आयो, अनि त्यसरी नै ____________ सबै मानिसहरूमा फैलियो” (रोमी ५:१२)। आदमको पापको फलस्वरूप संसारमा मृत्यु पस्यो! रोमी ८:१९-२२ पढ्नुहोस्। पापमा मानिसको पतनको कारणले सम्पुर्ण सृष्टि भयानक भ्रष्टता (रोग, ह्रास र मृत्यु) र श्रापको अधिनतामा छ। तर आदमको पतन र श्रापको परिणामभन्दा अगाडि, त्यहाँ मृत्यु हुन सक्दैनथियो। आदमको पाप र फलस्वरूप आएको श्रापको बारेमा बाइबलको कुन अध्यायले बताउँछ? ________________________ के यो समयभन्दा अगाडि संसारमा मृत्यु पस्न सक्थ्यो? ____________

६.“हुनगयो” शब्दको अर्थको समस्या

अन्तरालको सिद्धान्तका समर्थकहरूले उत्पत्ति १:२ लाई यसरी अनुवाद गर्न चाहन्छन्: “पृथ्वी आकारबिनाको र शून्य हुनगयो।” तर त्यसो होइन। उत्पत्ती १:२ ले सृष्टिको प्रारम्भिक चरणमा पृथ्वी त्यही अवस्थामा थियो भनी बताउँछ, यो त्यस्तो हुनगएको होइन। परमेश्वरले सुरूमा पृथ्वी सृष्टि गर्नुहुँदा त्यो कस्तो थियो? यो आकारबिनाको र शून्य थियो! किन यो आकारबिनाको र शून्य थियो? किनभने परमेश्वरले त्यसरी नै सृष्टि गर्नुभएको थियो! तर परमेश्वरले पृथ्वीको सृष्टि गर्ने काम सिद्ध्याउनु भएको थिएन! यो त सृष्टिको केवल __________ दिन थियो! उत्पत्ती १:२ले सृष्टिको पहिलो चरणमा भएको पृथ्वीको बारेमा वर्णन गर्दछ, तर यो त कहिल्यै पनि श्रापित नभएको पृथ्वी थियो। यो श्रापित भएको थिएन, तर यो त काम नसिद्धिएको पृथ्वी थियो। यो अध्ययनमाला अन्त्य हुनुभन्दा अगाडि “आकारबिनाको र शून्य” शब्दावलीको अर्थ हामी हेर्नेछौं।

७.“अन्धकार” को समस्या

परमेश्वरले भन्नुभयो, “अनि पृथ्वी आकारबिनाको र शून्य थियो; अनि गहिरा सागरको सतहमाथि ____________ थियो”(उत्पत्ती १:२)। अन्धकार के हो? के यो कुनै खराब कुरा हो? के यो कुनै दुष्ट कुरा हो? जब तपाईंले सानो बालकलाई ओच्छ्यानमा राख्नुहुन्छ निश्चय पनि तपाईंले उसलाई, बत्ती निभेपछि दुष्ट अन्धकार आउनेछ भनी भन्नुहुँदैन! अन्धकार नैतिक रूपमा नै खराब होइन। अन्धकार भनेको त केवल प्रकाश नहुनु हो! यदि त्यहाँ कुनै ज्योति छैन भने, त्यहाँ अन्धकार हुनेछ! सूर्य ग्रहणको समयमा सूर्यलाई चन्द्रमाले ढाक्दा अँध्यारो हुन्छ! तपाईंले बत्ती निभाउनुभयो भने अँध्यारो हुन्छ! परमेश्वरले सर्वप्रथम ज्योतिलाई कहिले सृष्टि गर्नुभयो? उत्पत्ति १ अध्यायको पद ____। के यसले पद २ मा अन्धकार हुनुको कारणलाई प्रस्ट्याउँछ? _______________।

साथै यशैया ४५:७ मा सृष्टिकर्ता परमेश्वरले भन्नुभयो, “____________ रच्ने र _____________ सृष्टि गर्ने म हुँ” भजनसंग्रह १०४:२०मा पनि: “तपाईंले ______________ पार्नुहुन्छ, र __________ पर्छ” र २४ पदबाट हामीले बुझ्दछौं कि सम्पन्न गरिएका सबै कुराहरू परमेश्वरका का_______ हुन्! उत्पत्ति १:२ मा “अन्धकार” को अर्थ इन्साफ भन्ने होइन! यसको अर्थ त शाब्दिक अर्थ नै हो, अर्थात् “अन्धकार”। भजनसङ्ग्रह १३९:११-१२ पनि पढ्नुहोस्।

८.पुनर्सृष्टिको समस्या

उत्पत्ति एक अध्यायमा पढ्दा, उक्त अध्यायले सृष्टिको कुरा गरिरहेको जस्तो देखिन्छ कि पुनर्सृष्टिको? के परमेश्वरले सम्पूर्ण थोकहरू पुन: सृष्टि गर्दै हुनुहुन्थ्यो, कि परमेश्वरले सम्पूर्ण थोकहरू पहिलो पल्ट सृष्टि गर्दैहुनुहुन्थ्यो? उत्पत्ति २:३ ले बताउँदछ कि “उहाँ (परमेश्वर) ले आफ्नो सबै कामबाट विश्राम लिनुभयो, जो परमेश्वरले __________ गरेर ______________ थियो।” यो पदले यस्तो बताउँदैन, “उहाँले आफ्नो सबै कामबाट विश्राम लिनुभयो, जो उहाँले पुनर्सृष्टि गरेर पुन: बनाउनुभएको थियो।” फेरी पनि, प्रस्थान २०:११ ले यस्तो बताउँदैन “किनकि छ दिनमा परमेश्वरले आकाश, पृथ्वी … पुनर्सृष्टि गर्नुभयो”। कहिलेकसो हामीले भूल गर्दछौं र र कुनै कुराहरू पुन: दोहोर्याएर गरिनुपर्छ! तर परमेश्वरले गर्नुभएको सृष्टिकार्य सिद्ध थियो र यो केवल एकपटक मात्र गरिनुपरेको थियो! भजनसंग्रह १८:३० हेर्नुहोस्! परमेश्वरले भूल गर्नुहुँदैन।

९.“फेरि भरिँदै” नामक शब्दावलीको समस्या

उत्पत्ति १:२८ मा King James Bible को “replenish” शब्द प्रयोग गरिएको छ जुन शब्दको अर्थ “फेरि भरिँदै” जानु नभएर “भरिँदै” जानु हो। सन् १६११ मा King James Bible प्रकाशित हुँदा, “replenish” शब्दको अर्थ “भर्नु” हुन्थ्यो। त्यसैले परमेश्वरले आदम र हव्वालाई पृथ्वी भर्ने आज्ञा दिँदै हुनुहुन्थ्यो! पहिले कहिल्यै पनि यो मानिसहरूले भरिएको थिएन, र परमेश्वरको इच्छाचाहिँ पृथ्वी मानिसहरूले भरिऊन् भन्ने थियो। पृथ्वी जीवनले भरिएको परमेश्वरले चाहनुभयो, र यस अन्तर्गत वनस्पतिहरू, पशुहरू र मानिसहरू पर्दथे!

१०.पदहरूको बीचमा पढ्ने समस्या

कृपया दुईओटा पदहरूको बीचमा अन्तराल वा अन्य कुनै कुराहरूको खोजी नगर्नुहोस्। बाइबल पढ्ने क्रममा परमेश्वरको इच्छा यो हो, हामीले बाइबलका पदहरूलाई पढ्नुपर्छ, पदका बीच-बीचमा होइन! हामीले वाक्यहरूलाई पढ्नुपर्छ, वाक्यहरूकाका बीच-बीचमा होइन! हिब्रू १३:५ र ६ को बीचमा जति “पढे” पनि तपाईंलाई कुनै आशिष मिल्न सक्दैन तर हिब्रू १३:५ र हिब्रू १३:६ लाई पढेर ती पदहरूलाई (उदेकका प्रतिज्ञाहरूलाई!) तपाईंले विश्वास गर्नुभयो भने आशिष पाउन सक्नुहुन्छ, तपाईंले हृदयमा ठूलो उत्साह पानुहुनेछ!

हामीले उत्पत्ति १:१ पढेपछि १:२ लाई नै पढ्नुपर्छ। यी पदहरूको बीच मा नपढ्नुहोस्, किनभने त्यहाँ केही पनि छैन! पदहरूका बीचमा पढ्ने व्यक्तिले आफूले चाहे जस्तै बाइबलको व्याख्या बनाउन सक्छ। पदहरूलाई मात्र पढ्ने व्यक्तिले परमेश्वरले भन्नुभएको कुरालाई राम्ररी देख्न सक्छ। परमेश्वरको वचन अध्ययन गर्नुहोस्, अन्तरालहरूलाई होइन! त्यहाँ हुँदै नभएको गुप्त सन्देशको खोजी नगर्नुहोस्!

उत्पत्ति १:२ को खास अर्थ के हो?

“आकारबिनाको र शून्य”

उत्पत्ति १:१ सित उत्पत्ति १:२ को निकट सम्बन्ध छ। उत्पत्ति १:१ ले परमेश्वरले आकाशहरू र पृथ्वी सृष्टि गर्नुभएको बताउँछ। पद २ मा चाहिँ घटनाक्रमको बयानमा एउटा क्षणिक विराम (pause, break) लगाइएको छ जसलाई व्याकरणमा वियोजक खण्डवाक्य (disjunctive clause) भनिन्छ। उत्पत्ति १ अध्यायमा परमेश्वरले सृष्टि कार्यको घटनाक्रमलाई एक पछि अर्को के सृष्टि गरियो भनी बताउनुभएको छ। उहाँले आकाश र पृथ्वी सृष्टि गर्नुभयो (१ पद), त्यसपछि उहाँले ज्योति सृष्टि गर्नुभयो (३ पद), त्यसपछि उहाँले अन्तर बनाउनुभयो (७ पद), त्यसपछि उहाँले पानीलाई एक ठाउँमा जम्मा गर्नुभयो (९ पद), त्यसपछि उहाँले वनस्पतिहरू बनाउनुभयो (११-१२ पद), त्यसपछि उहाँले सूर्य, चन्द्रमा र ताराहरू बनाउनुभयो (१४-१६ पद), र यसरी पहिलो अध्यायको अन्त्य हुन्छ। तर जब तपाईं २ पदमा आइपुग्नुहुन्छ, सृष्टि कार्यको घटनाक्रमको बयानलाई अघि बढाउनु अघि, सृष्टिको प्रारम्भिक चरणमा पृथ्वीको अवस्था कस्तो थियो भनी बताउन परमेश्वरले एकछिनको लागि रोकिनु हुन्छ। परमेश्वरले यस्तो भन्नुभएको जस्तै हो, “एकैछिनको लागी रोकिऔं, र पहिलो दिनको मेरो अरू सृष्टिकार्यको वर्णन गर्नु अगाडी, पृथ्वीको सर्वप्रथम सृष्टि हुँदा यो कस्तो थियो भनी म तिमीहरूलाई बताउनेछु। मैले सुरुमा पृथ्वीको सृष्टि गर्दाहुँदी, यो आकारबिनाको र शून्य थियो।” त्यसैले उत्पत्ति १:२ ले सुरुमा परमेश्वरले पृथ्वी सृष्टि गर्नुहुँदा यो कस्तो थियो भनी हामीलाई बताउँछ! परमेश्वरले २ पदलाई हटाउन सक्नुहुन्थ्यो र १ पदबाट सोझै ३ पदमा जान सक्नुहुन्थ्यो, र त्यहाँ कुनै क्षणिक विराम हुनेथिएन:

“शुरुमा परमेश्वरले आकाश र पृथ्वी सृष्टि गर्नुभयो, र परमेश्वरले भन्नुभयो: उज्यालो होओस्!” (उत्पत्ति १:१ लाई १:३ सँग तुलना गर्नुहोस्)

तर परमेश्वर एकछिन रोकिनुभएर हामीलाई पृथ्वी शुरुमा कस्तो थियो भनी व्याख्या गर्नुहुन्छ। उत्पत्ति १:२ले १ पदको नयाँ सृष्टि गरिएको पृथ्वीको वर्णन गर्दछ र यो कस्तो थियो भनी हामीलाई बताउँदछ—यो “आकारबिनाको र शून्य” थियो।

वियोजक खण्डवाक्य (Disjunctive clause) को अर्को उदाहरण उत्पत्ति २:११-१४ मा पाइन्छ। यी पदहरूमा चारओटा नदीहरूको नाम दिइएको छ: “पहिलोचाहिँको नाम… दोस्रोचाहिँको नाम… तेस्रो नदीको नाम” इत्यादी। ११ पदमा पहिलो नदीको नाम (“पीशोन”) दिइएको छ र हामी हवीला देशको बारेमा पनि बताइएको छ जहाँ सुन पाइन्छ। त्यसपछि १२ पदमा त्यहाँ क्षणिक विराम छ। दोस्रो नदीको नाम दिइनुको सट्टा (१३ पदसम्म पनि त्यो नाम उल्लेख गरिएको छैन), परमेश्वरले त्यस देशको सुन कस्तो थियो भनी बताउन रोकिनुहुन्छ (अनि त्यस देशको सुन _____________ हुन्छ”)।

अर्को उदाहरण योना ३:३ मा छ। त्यहाँ योना “निनवेमा गए” भनिएको छ। ४ पदमा त्यसपछि उनी “शहरभित्र पसे” भन्ने उल्लेख भए पनि पहिले पद ३ मै निनवे शहरको वयान गर्नलाई छोटो विराम (break) लिइएको पाइन्छ – “अनि निनवेचाहिँ यात्रा गर्दा तीन दिन लाग्ने एउटा अत्यन्तै ठूलो शहर थियो।” घटनाक्रम बताउँदै जानु अघि टक्क अडिएर निनवे कस्तो शहर थियो भनी बयान गरिएको छ। (कृपया ध्यान दिनुहोस्: यो पदलाई यसरी अनुवाद गर्नु मूर्खतापूर्ण हुनेछ: अनि निनवेचाहिँ अत्यन्तै ठूलो शहर बन्यो।” यो त योना त्यहाँ पुग्नुभन्दा निकै पहिले नै ठूलो शहर थियो!)

अरू उदाहरणहरू जकरिया ३:१-३ र १ शमूएल ४:१४-१५मा पाइन्छ। यी सबै उदाहरणहरूलाई एकपटक तुलना गरौं:

उत्पत्ति १:२ ले भनेको सृष्टिको पहिलो दिनको नव पृथ्वीको सिद्ध वर्णन हो! त्यस समय पृथ्वी कस्तो थियो? यो आकारबिनाको र शून्य थियो! यदि मौलिक रूपमा पृथ्वी आकारबिनाको र शून्य थियो भने, यसको अर्थ के हो? किन परमेश्वरले पृथ्वीलाई यस प्रकारले सृष्टि गर्नुभयो? यी शब्दहरूको माने के हो? “आकारबिनाको” भन्नुको अर्थ रचनारहित हुन्छ। पृथ्वी रूपरहित थियो। पृथ्वीलाई आवादी गर्नलाई त्यसलाई आकार र रूप दिन बाँकि नै थियो। “शून्य” भन्नाले पृथ्वी प्राणीरहित, रित्तो अवस्थामा थियो भन्ने बुझिन्छ। यस अवस्थामा पृथ्वी एकदम रित्तो थियो (वनस्पतिहरू थिएनन्, पशुहरू थिएनन्, मानिसहरू थिएनन्, इत्यादी)। प्रारम्भिक पृथ्वी बिग्रेको, श्रापित अवस्थामा थिएन बरू रचनारहितरित्तो अवस्थामा थियो! सृष्टिको काम बाँकि नै थियो। आफ्नो सृष्टिको कार्य सम्पन्न गर्न परमेश्वरले दुइटा काम गर्नु आवश्यक थियो—उहाँले पृथ्वीलाई रच्नुपर्थ्यो र त्यसलाई भर्नुपर्थ्यो! “रचनारहित र रित्तो” शब्दावलीको अर्थ पृथ्वी असिद्ध थियो भन्ने चाहिँ होइन। उत्पत्ति १:२ मा पनि पृथ्वी यो अर्थमा सिद्ध थियो, त्यस समयमा यो जस्तो हुनुपर्ने परमेश्वरको उद्देश्य थियो, ठीक त्यस्तै नै थियो! परमेश्वरले हरेक कुराहरू सिद्ध रूपमा गर्नुहुन्छ! उहाँले गल्तीहरू गर्नुहुँदैन! पृथ्वीको सृष्टि सिद्ध रूपमा भएको थियो, तर उक्त कार्य सकिएको भने थिएन। उक्त कार्य पूर्ण भएको थिएन। के उत्पत्ति २:७ मा आदम सिद्ध रूपमा सृष्टि गरिएका थिए? _____________ तर परमेश्वरले हव्वाको सृष्टि गर्नु अगाडि, के मानिसको सृष्टि पूर्ण भएको थियो (उत्पत्ति २:१८ हेर्नुहोस्)? __________ आदम सिद्ध रूपमा सृष्टि गरिएको भए तापनि, परमेश्वरले उसकहाँ स्त्रीलाई लिएर नआउन्जेल ऊ वास्तवमै पूर्ण भएको थिएन! र जब परमेश्वरले आदमलाई एक्लो देख्नुभयो (उसको हव्वारहित अवस्थामा) उहाँले भन्नुभयो “असल होइन” (उत्पत्ति २:१८)। त्यस्तैगरी, उत्पत्ति १:२ मा जब परमेश्वरले रचनारहित र अपूर्ण पृथ्वी देख्नुभयो, उहाँले यसो भन्नुभएको हुनुपर्छ, “असल होइन!” पहिलो दिनमा नै परमेश्वरले उहाँको सृष्टि कार्य रोक्नु भएको भए भद्रगोल हुनेथियो होला! तर तपाईं सृष्टिको हप्ताको अन्तिममा आइपुग्नुहुँदा, परमेश्वरले आफूले रूप दिनुभएर अनि भर्नुभएर पूर्ण भएको भएको पृथ्वीलाई हेर्नुहुन्छ र उहाँले भन्नुहुन्छ “अ____ अ_________ थियो” (उत्पत्ति १:३१)।

रचनारहित

यशैया ४५:१८ले बताउँछ कि परमेश्वरले “पृथ्वी रच्नुभयो”। उत्पत्ति २:७ ले बताउँछ कि परमेश्वरले “मानिसलाई जमिनको माटोबाट रच्नुभयो”। कुमालेको बारेमा बिचार गर्नुहोस्। उसले रचनारहित र अपूरो माटोको ढिक्काबाट कार्य सुरु गर्दछ! यो खासै राम्रो देखिँदैन! तर त्यस अपूरो माटोको ढिक्कामा कुनै दुष्ट कुरा हुँदैन! तपाईंले केवल कुमालेलाई उसको काम सम्पन्न गर्न दिनुहोस्! उसले यसको रचना गर्दछ र आकार दिन्छ र ठीक तरिकाले तयार गर्छ!

परमेश्वर एक कुशल रचनाकार हुनुहुन्छ! उहाँले पृथ्वीलाई रच्नुभयो र जीवनको निम्ति सिद्ध रूपमा तयार पार्नुभयो। उहाँले हाम्रो पृथ्वीलाई एक कुशल कारिगरीको जस्तो पूर्णता दिनुभएको छ! यदि तपाईंलाई कुनै समय शंका लाग्छ भने, उहाँले बनाउनुभएको संसारलाई हेर्नुहोस्! परमेश्वरको रचना र उहाँको विशिष्ट कला जतासुकै देखिन्छ।

रित्तो

के उत्पत्ति १:२ मा पृथ्वी वास्तवमै रित्तो थियो? के यो वनस्पतिहरूले भरिएको थियो? _________ के यो ज्योतिका किरणहरूले भरिएको थियो? ______ के यो बोटविरूवा र रूखहरूले भरिएको थियो? ________ के यो चराहरू र माछाहरू र जमिनमा चलहल गर्ने जनावहरूले भरिएको थियो? _________ के आकाशहरू ग्रहहरू र ताराहरूले भरिएका थिए? _________ के पृथ्वी मानिसहरूले भरिएको थियो? _________ पृथ्वी एकदम रित्तो थियो! तर जब तपाईं उत्पत्ति १ अध्याय पढ्नुहुन्छ परमप्रभुले पृथ्वीलाई जीवनले भर्नुभएर उदेकको काम गर्नुभएको देख्नुहुनेछ! भजनसङ्ग्रह २४:१ हेर्नुहोस्।

पृथ्वीलाई मानिसहरूको निम्ति तयार बनाउनु परमेश्वरको उद्देश्य थियो! यशैया ४५:१८ पढ्नुहोस्। परमेश्वरले कुन उद्देश्यले पृथ्वी सृष्टि गर्नुभयो? “त्यो ब________ ग_________ भ_______ र_____________”। परमेश्वरले पृथ्वीलाई मानिसहरूद्वारा भर्न चाहनुहुन्थ्यो (उत्पत्ति १:२८)। परमेश्वरले पृथ्वीलाई जीवित थोकहरूले भर्न चाहनुहुन्थ्यो! यदि परमेश्वरले रित्तो र मानवरहित पृथ्वी सृष्टि गर्न चाहनुभएको भए, उहाँ उत्पत्ति १:१ मै रोकिनुहुनेथियो। तर परमेश्वरले पृथ्वीको रचना गर्नुभयो र यसलाई बनाउनुभयो र यसलाई स्थापित गर्नुभयो र त्यो बसोबासो गरियोस् भनेर बनाउनुभयो! परमेश्वरले पृथ्वीलाई मानिसहरूको निम्ति तयार गर्न सृष्टिकार्यमा ६ दिनहरू बिताउनुभयो! अब छुटकाराको दृश्यकाव्य सुरु गरिनको निम्ति तयार छ!!

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)