तपाईंले मुक्ति पाउनुभएको दिन
तपाईंले मुक्ति पाउनुभएको दिन
हामीले इतिहासका महान् घटनाहरू अध्ययन गर्दै आयौं। संसारमा यी घटनाहरूले ल्याएका ठूला-ठूला परिवर्तनहरू र तिनका परिणामहरूले हामीलाई दुवै भित्री र बाहिरी रूपमा असर पारेको छ। मानिसको पाप र विद्रोहले ल्याएको समस्याका बारेमा हामीले अध्ययन गर्यौं जसले गर्दा मानिसहरू कमारा-कमारी बने, थिचोमिचोमा परे, जीवनमा अनेकौं हार खाए। साथै हामीले यो पनि अध्ययन गर्यौं, कसरी असल र अनुग्रही मुक्तिदाता परमेश्वरले समस्याको समाधान ल्याउनुभयो। येशू ख्रीष्टले मात्र एक व्यक्तिलाई छुटकारा र विजय दिन सक्नुहुन्छ। हामी हरेकले आफैलाई यो प्रश्न सोध्नुपर्छ, “के म समस्याको कारण बनिरहेको छु कि म समस्या समाधान गर्ने परमेश्वरमा भरोसा राख्दै छु?”
अब आफ्नै जीवनको विचार गर्नुहोस्। अहिलेसम्म तपाईंको जीवनमा घटका थुप्रै घटनाहरूमध्ये कुनचाहिँ घटनालाई तपाईंले आफ्नो जीवनको सबैभन्दा ठूलो र महत्त्वपूर्ण घटनाको रूपमा लिनुहुन्छ? एक व्यक्तिको जीवनमा सबैभन्दा महत्त्वपूर्ण घटना कुनचाहिँ घटनालाई मान्न सकिन्छ होला (सबभन्दा महत्त्वपूर्णमा गोलो चिन्ह लागाउनुहोस्):
जुन दिन ऊ जन्मन्छ
जुन दिन उसले हिँड्न जान्दछ
जुन दिन उसले बोल्न जान्दछ
जुन दिन ऊ स्कूल जान थाल्दछ
जुन दिन उसले एस.एल.सी पास गर्छ
जुन दिन उसले आफ्नो खेल्ने टिमलाई विजय गराउँछ
जुन दिन उसले कलेज पास गर्छ
जुन दिन उसको विवाह हुन्छ
जुन दिन उसको पहिलो बच्चा जन्मन्छ
जुन दिन ऊ अफिसको हाकिम बन्छ
जुन दिन ऊ करोडपति बन्छ
जुन दिन उसको पेन्सन पाक्छ
जुन दिन ऊ ठूलो अपरेशनबाट निको हुन्छ
जुन दिन उसले येशू ख्रीष्टलाई आफ्नो व्यक्तिगत मुक्तिदाता अनि प्रभुको रूपमा ग्रहण गर्छ
जुन दिन उसको मृत्यु हुन्छ
तपाईंले चिन्ह लगाएको दिन नै किन सबैभन्दा महत्त्वपूर्ण दिन हो? _____________ ____________________________________________________________________।
के परमेश्वरले तपाईंको प्राणलाई बचाउनुभयो? धेरै मानिसको जीवनमा जन्म दिन हुन्छ, एस.एल.सी पास गरेको दिन हुन्छ, विवाहको दिन हुन्छ र मृत्युको दिन हुन्छ तर उनीहरूले कहिल्यै मुक्तिको दिनको अनुभव गरेका हुँदैनन् अनि यसैले उनीहरूको निम्ति एउटा भयानक र डरलाग्दो इ____________को दिन आउँदै छ (२ पत्रुस ३:७)।
यूहन्ना ९ अध्यायमा येशूले एकजना जन्मैदेखि अन्धा मानिसको आँखा खोलिदिनुभयो (यूहन्ना ९:१,६-७)। निश्चय नै आफ्नो जीवनमा घटेको उक्त घटनालाई त्यस मानिसले कहिल्यै बिर्सेन! उसले यसरी भन्न सक्थ्यो, “एउटा कुरा म जान्दछु—म __________ थिएँ, अब म ____________” (यूहन्ना ९:२५)। परमेश्वरले तपाईंको प्राण बचाउनुभएको छ भने, के तपाईंले पनि त्यसरी नै भन्न सक्नुहुन्छ (प्रेरित २६:१७-१८)? __________।
यूहन्ना ११ अध्यायमा एउटा मरेको मानिसलाई येशूले फेरि जीवित पारिदिनुभयो (यूहन्ना ११:४३-४४)। निश्चय नै लाजरसले आफूलाई मृत्युबाट उठाइएको त्यस विशेष दिनलाई कहिल्यै विर्सन सकेन! परमेश्वरले तपाईंको प्राण बचाउनुभएको छ भने, के तपाईं पनि यसरी भन्न सक्नुहुन्छ, “म एक समय मरेको थिएँ तर परमेश्वरले मलाई जीवन दिनुभएको छ” (एफेसी २:१,५; १ यूहन्ना ३:१४)? ______________।
यूहन्ना ५ अध्यायमा ३८ वर्ष लामो रोग लागेको मानिसलाई येशूले निको पारिदिनुभयो (यूहन्ना ५:५-९)। निश्चय नै येशूलाई भेट भएको त्यो दिनलाई त्यस मानिसले कहिल्यै बिर्सेन! परमेश्वरले तपाईंको प्राण बचाउनुभएको छ भने, के तपाईं यसरी भन्न सक्नुहुन्छ, “म एक समय पापको रोगले ग्रस्त थिएँ, तर महान् डाक्टर येशूले मलाई निको पार्नुभयो” (लूका ५:३०-३२; १ पत्रुस २:२४)? ____________।
एउटा व्यक्तिले आफूले मुक्ति पाएको दिन ठम्म्याएर भन्न सक्नु कत्तिको आवश्यक छ या छैन? कति विश्वासी जनहरूले आफू ख्रीष्टमा आएको दिनको साल, महिना, गते ठ्याक्कै बताउन सक्छन्। त्यस दिनलाई जक्कैले कहिल्यै बिर्सेन जुन दिन उसलाई येशूले भन्नुभयो, “________ यस घरमा ___________ आएको छ” (लूका १९:९)। येशूसँगै क्रूसमा टाँगिएको डाँकूलाई थाह थियो कि ऊ मरिरहेकै दिनमा परमेश्वरले उसको प्राण बचाउनुभयो भनेर। प्रभुले उसलाई भन्नुभयो, “________ नै तिमी मसँग स्वर्गलोकमा हुनेछौ” (लूका २३:४३)। फिलिप्पी शहरको झ्यालखानाको हाकिमले आफूले मुक्ति पाएको रातलाई कहिल्यै बिर्सेन (प्रेरित १६:३०-३४)। सामरी स्त्रीले प्रभुलाई भेटेको दिनलाई निश्चय पछि सम्मै सम्झिरह्यो (यूहन्ना ४)। तर कतिपय विश्वासी जनहरूले आफूले मुक्ति पाएको दिनको साल, महिना, गते बताउन सक्दैनन्। मुक्ति पाएको कुरामा भने उनीहरू निश्चित छन् तर कुन दिनमा मुक्ति पाएको हुँ भनी उनीहरू बताउन सक्दैनन्।
तपाईं यस संसारमा जन्मनुहुँदा, तपाईंले शारीरिक जीवन पाउनुभयो अनि तपाईं आफ्नो शारीरिक परिवारको सदस्य बन्नुभयो। जब तपाईंले नयाँ जन्म पाउनुभयो (यूहन्ना ३:३,७), तपाईंले अनन्त जीवन (परमेश्वरबाटको जीवन) पाउनुभयो अनि तपाईं परमेश्वरको परिवारको बन्नुभयो। तपाईं जन्मनुभएको दिन तपाईंलाई थाह छ? तपाईं भन्नुहोला, “अवश्य थाह छ। म ____________________________ (आफ्नो जन्म मिति) मा जन्मेको हुँ।” तर आफू जन्मेको दिन तपाईंले साँच्ची नै सम्झन सक्नुहुन्छ र? तपाईंका बाबु-आमाले तपाईंलाई बताउनुभएर नै वा तपाईंको जन्म दर्ता प्रमाण-पत्र भएर नै तपाईंलाई आफ्नो जन्म दिन थाह भएको हो, होइन र?
तपाईंको जन्म दर्ता प्रमाण-पत्र हराएको भए र तपाईंका बाबु-आमाले तपाईंलाई तपाईंको जन्ममिति कहिल्यै नबताउनुभएको भए, तपाईंलाई आफू जन्मेको ठीक दिन थाह हुनेथ्यो? ______________। आफू जन्मेको दिन थाह नभए तापनि, म साँच्चै नै जन्मेको चाहिँ थिएँ भनेर तपाईंलाई थाह हुन सक्छ? ____________। कसरी? तपाईंले भन्न सक्नुहुन्छ, “ठीक कुन दिन म जन्मे मलाई थाह छैन, तर म जीवित छु भनेर मलाई थाह छ!” तपाईं जीवित हुनुहुन्छ भनेर तपाईंलाई कसरी थाह छ? “किनभने अहिले म सास फेर्न सक्छु, मेरो मुटु चलिरहेकै छ, मेरो शरीर चल्न सक्छ र मसँग शारीरिक जीवनका सबै लक्ष्यणहरू छन्!”
तपाईंसँग आत्मिक जीवन छ भनेर तपाईंलाई कसरी थाह छ?
१) १ यूहन्ना ३:१४ किनभने म ____________________________________________।
२) १ यूहन्ना २:३ किनभने म ____________________________________________।
३) १ पत्रुस २:२ किनभने म _____________________________________________।
आत्मिक जीवनका अरु लक्ष्यणहरू के कस्ता हुन्छन् विचार गर्नुहोस्।
यसकारण, कतिले यसरी भन्न सक्छन्, “मैले कुन दिन मुक्ति पाएँ सो म जान्दिनँ, तर म यो जान्दछु कि मैले नयाँ जन्म पाएकै हुँ र म यो जान्दछु कि मसँग अनन्त जीवन छ (१ यूहन्ना ५:१३) र म यो जान्दछु कि मैले मुक्ति पाएको छु र म यही घडी पनि येशू ख्रीष्टमा भरोसा राखिरहेकोछु!”
आफू यही घडी जीवित (शारीरिक र आत्मिकरूपमा जीवित) छु भन्ने कुरा के तपाईं जान्नुहुन्छ? यदि तपाईं जीवित हुनुहुन्छ भने, तपाईं जन्मेकै हुनुपर्छ! तपाईंको जन्म दर्ता प्रमाण-पत्र नहोला तर त्यसो भन्दैमा तपाईं जन्मनुभएको बास्तविकता बदलिँदैन!
जुन दिन परमेश्वरले तपाईंको प्राण बचाउनुभयो, त्यस दिन तपाईंको जीवनमा के कस्ता कुराहरू भए?
१) यूहन्ना ५:२४ ______________________________________________________।
२) १ यूहन्ना २:१२ _____________________________________________________।
३) २ कोरिन्थी ५:१७ ___________________________________________________।
४) यूहन्ना ८:३६; रोमी ६:१८,२२ ___________________________________________ _________________________________________________________________।
५) प्रेरित १०:४३ _______________________________________________________।
परमेश्वरले तपाईंको प्राण बचाउनुभएको दिनमा अरु के-के भयो विचार गरेर लेख्न सक्नुहुन्छ? ______________________________________________।
______________________________________________।
______________________________________________।
यदि परमेश्वरले तपाईंको प्राण बचाउनुभएको छ भने, २ कोरिन्थी ९:१५ र हिब्रू १०:३९ पढ्नुहोस्। यदि आफ्नो प्राण बचाइन तपाईं कहिल्यै येशू ख्रीष्टकहाँ आउनुभएको छैन भने, २ कोरिन्थी ६:२ पढ्नुहोस्। तपाईंले मुक्ति पाउनु पर्ने दिन कुन दिन हो? ____________।
* * * * *
(“महान घटनाहरू” को अध्ययन यहीँ समाप्त हुन्छ! तपाईंलाई परमेश्वरको आशिष होस्!)
चिन्ह लगाउनुहोस्):
लगाउनुहोस्।