पर्वतमाथि के देख्यौ?

पर्वतमाथि के देख्यौ?

 

एक अपत्तिजनक सूचना

मत्ती १६ औं अध्यायमा, ख्रीष्ट मर्नैपर्छ भन्ने सूचना चेलाहरूलाई पहिलो पटक जनाइयो। यो आपत्तिजनक खबर येशूले सर्वप्रथम कुन पदमा बताउनुभयो? पद ________।

आफ्नो मृत्यु निकट भविष्यमै हुनेछ भनी येशूले बताउनुहुँदा पत्रुसले कस्तो प्रतिक्रिया देखाए (सही जवाफमा चिन्ह लगाउनुहोस्):

  1. उनले भने, “प्रभु, तपाईंले जे भन्नुभयो ठीक त्यही हुनेछ।”
  2. उनले भने, “प्रभु, तपाईंले भन्नुभएका कुराहरू म बुझ्दिनँ तरैपनि म हृदयदेखि नै विश्वास गर्छु किनकि ती तपाईंले भन्नुभएका कुरा हुन् अनि म जान्दछु कि तपाईंले जे-जे भन्नुहुन्छ ती निश्चय पूरा हुन्छन्।
  3. ”उनले भने, “प्रभु, यो हुन सक्दैन। के कुरा गर्नुभएको यस्तो!”
  4. उनले भने, “हो प्रभु। मसीहको मृत्यु हुनु आवश्यक छ भनी म जान्दछु किनभने यशैया अगमवक्ताले समेत यशैया ५३ अध्यायमा यही भविष्यवाणी गरेका छन्।

येशू नै ख्रीष्ट, परमेश्वरका पुत्र र एक दिन समस्त पृथ्वीमाथि राज्य गर्नुहुने महान् राजा हुनुहुन्छ भनी के पत्रुसले साँच्चै विश्वास गरका थिए (मत्ती १६:१६ पढ्नुहोस्)? ___________। येशू नै भविष्यवाणीले बताएको महान्राजा हुनुहुन्छ जसले यहूदीहरूलाई छुटकारा दिनुहुन्छ र संसारमा शान्ति स्थापना गर्नुहुनेछ (यशैया ९:६-७) भन्ने कुरामा पत्रुस र अन्य चेलाहरू विश्वास्त थिए। तर ख्रीष्ट राजा भएर आउनुअघि उहाँ मुक्तिदाता भएर आउनैपर्छ र मानिसको मुक्तिदाता बन्नलाई उहाँ मर्नैपर्छ भन्ने कुरालाई भने उनीहरूले बुझेका थिएनन्।

चेलाहरूको जस्तै अरू यहूदीहरूको बुझाइमा पनि त्यस्तै समस्या थियो। यूहन्ना १२:३२-३३ मा प्रभुले मानिसहरूलाई भन्नुभयो, मारिनका लागि उहाँ उचालिनुहुनेछ। यी यहूदीहरू जान्दथे कि ख्रीष्ट राजा (मसीह) ले जीवित रहेर सदासर्वदाको लागि राज्य गर्नैपर्छ (हेर्नू: यूहन्ना १२:३४; तुलना गर्नू: दानिएल ७:१४, २७ सित)। तसर्थ उनीहरूका सामु एउटा जटिल समस्या खडा थियो:

“मरिसकेका मसीहले कसरी सदासर्वदाका लागि राज्य गर्न सक्नेछन् र??”

शाह वंशका राजा त्रिभुवनको मृत्यु भएको धेरै वर्ष भइसक्यो। राजा पृथ्वी नारायण शाहको मृत्यु भएको त अझै धेरै वर्ष भइसक्यो। के यी दुई व्यक्तिहरू फेरि कहिल्यै राज्य गर्नेछन् होला? ____________। मरिसकेका राजाले कसरी राज्य गर्न सक्छन् र? योअसम्भवै देखिन्छ!

मत्ती १६:२१ लाई फेरि पढ्नुहोस्। यदि येशूले “मैले सदासर्वदा राज्य गर्नुपर्छ” भन्नुभएको भए पत्रुस हर्षले गदगद् हुनेथिए! यदि येशूले “मैले रोमी सेनालाई परास्त गर्नुपर्छ र सम्पूर्ण पृथ्वीमाथि मेरो राज्यलाई स्थापना गर्नुपर्छ” भनी भन्नुभएको भए पत्रुस खुशीले उफ्रनेथिए! तर जब येशूले चेलाहरूलाई उहाँ मर्नैपर्छ भनी भन्नुभयो तब पत्रुसले के भने (मत्ती १६:२२)? ____________________________________________ _________________________________________। ख्रीष्टको मृत्युको बारेमा सुन्नुपर्दा पत्रुस बेस्सरी आत्तिए। उनले मन-मनै यसरी सोचेका थिए होलान्: “यदि राजा नै मरे भने राज्यको भविष्य कस्तो होला? मरेका राजाले पृथ्वीमा कसरी राज्य गर्न सक्लान् र?”

हामी यस प्रश्‍नको जवाफ दिन खोजौं। कसरी मरेका ख्रीष्ट सारा विश्वभरिका राजा बन्न सक्नुहुन्छ? यस प्रश्‍नको जवाफ के हो (मत्ती १६:२१ का आखिरी एघार शब्दहरूलाई हेर्नुहोस्)? ______________________________________________ ______________________________________________

रहस्यमय भविष्यवाणी

मत्ती १६:२७-२८ मा प्रभु येशूले एउटा रहस्यमय भविष्यवाणी गर्नुभयो जसलाई चेलाहरूले पूर्ण रूपले बुझ्न सकेनन्। यी पदमा येशूले कुनचाहिँ महान् घटनाको घोषणा गर्नुभयो (सही जवाफमा चिन्ह लगाउनुहोस्):

  1. येशू बेतलेहेममा जन्मनुहुनेछ
  2. येशू क्रूसमा मर्नुहुनेछ
  3. येशू चिहानबाट निस्केर आउनुहुनेछ
  4. येशू फेरि राजा भएर आउनुहुनेछ!

येशू पहिलो पटक आउनुहुँदा उहाँले आफ्नो राज्य स्थापना गर्नुभएन, बरु उहाँ पापी मानिसका लागि मर्न क्रूसमा जानुभयो। यसर्थ राजा भएर राज्य गर्न येशू पृथ्वीमा दोस्रो पटक आउनैपर्छ! पहिलो पटकचाहिँ येशू मानिसको हृदयलाई निको पार्न आउनुभयो। दोस्रो पटकचाहिँ उहाँ मानिसको संसारलाई निको पार्न आउनुहुनेछ। उहाँ पहिलो पटकचाहिँ मुक्तिदाता बन्नलाई आउनुभयो; उहाँ दोस्रो पटकचाहिँ राजा बन्नलाई आउनुहुनेछ। उहाँको पहिलो आगमनमा उहाँलाई क्रूस दिइयो; उहाँको दोस्रो आगमनमा उहाँलाई मुकुट दिइनेछ!

राजाकै मृत्यु भयो भने पनि के राज्य स्थापना हुनेछ त? जवाफ हो, हुनेछ! जब चेलाहरूले उहाँको मृत्युको बारेमा सुनेर आत्तिरहेका थिए, येशूले एउटा गजबको काम गर्नुभयो। उहाँले आफ्ना चेलाहरूमघ्ये तीनजनालाई आफ्नो साथमा लगेर आउनेवाला राज्यको पूर्वदर्शन देखाउनुभयो!

येशूले आफ्ना तीन चेलाहरूलाई राज्यको पूर्वदर्शन दिन चाहनुभयो। जुन पूर्वदर्शन यस्तो उदेकको थियो कि ती चेलाहरूले जे देखे त्यो कहिल्यै बिर्सेनन्। यहाँसम्म कि पत्रुसले यो बिर्सन नसकिने घटनालाई दोस्रो पत्रुसको पुस्तकमा आफू मर्नुभन्दा ठीक अगाडि उल्लेख गरेका छन् (२ पत्रुस १:१६-१८ मा पढ्नुहोस्)।

महिमापूर्ण परिवर्तन

आफ्ना चेलाहरूलाई आफू मर्नैपर्छ भन्नुभएको करिब एक हप्तापछि, उहाँले चेलाहरूमघ्ये तीन जनालाई आफूसँग एक अग्लो पहाडमा लानुभयो। प्रभु किन त्यो पहाडमा जानुभयो (लूका ९:२८) ______________________________________। त्यसबेला येशूलाई के भयो (मत्ती १७:२)? __________________________________________ ___________________________________________। रूप-परिवर्तनको उक्त घटना कतिखेर भएको थियो?

  1. दिनको कुन समयमा प्रभुले अक्सर प्रार्थना गर्नुहुन्थ्यो (लूका ६:१२, २१:३७, २२:३९-४०, मत्ती १४:२३)? _____________________________________________
  2. डाँडामा रहँदा चेलाहरू के गर्न थाले (लूका ९:३२)? _____________________________________________
  3. तिनीहरू डाँडाबाट कतिखेर फर्के (लूका ९:३६)? _____________________________________________

यसकारण, तपाईंको निष्कर्षमा ख्रीष्टको रूप-परिवर्तन कतिखेर भएको थियो? __________________________________________

“रूप-परिवर्तन” (मत्ती १७:२) भनी अनुवाद गरिएको शब्द ग्रीकको “मेटामोर्फोओ” क्रियापदबाट आउँछ जसका दुइटा भाग छन्: १) “मेटा”, जसको अर्थ हो “परिवर्तन” र २) “मोर्फे”, जसको अर्थ हो “रूप”। यसकारण “मेटामोर्फोओ” अर्थ हो “अर्को रूपमा बदलिनु, अर्थात् रूप परिवर्तन हुनु”। यही ग्रीक शब्दबाट अङ्ग्रेजी भाषामा प्रयोग गरिने “मेटामोर्फोसीस” शब्द आउँदछ। परमेश्वरले प्रकृतिमा अचम्मका रूप परिवर्तन हुने कार्यहरू देखाउनुहुन्छ, जस्तो कि एउटा झुसिलकिरो पुतली बन्छ र एउटा माछा जस्तो भेकशिशु (भ्यागुताको बच्चा) भ्यागुतो बन्छ। यी गजबका परिवर्तनहरूलाई बयान गर्न अङ्ग्रेजीमा “मेटामोर्फोसीस” भन्ने शब्द प्रयोग गरिन्छ।

ख्रीष्टको रूप-परिवर्तन कुन तरिकामा भएको थियो?

  1. उहाँको चेहरा __________ झैं चम्क्यो (मत्ती १७:२)। सूर्य यति उज्यालो गरी चम्कन्छ कि कसैले आफ्नो आँखाले त्यसलाई सीधै हेर्‍यो भने उसको आँखा नष्ट हुन्छ।
  2. उहाँका वस्त्रहरू __________ जस्तै सेता भए (मत्ती १७:२)। के तपाईंले घाम झुल्कँदा ताजा हिउँ परेको देख्‍नुभएको छ। त्यो हिउँ यति चहकिलो हुन्छ कि त्यसलाई हेर्न हाम्रा आँखालाई मुस्किलै पर्छ।
  3. उहाँको वस्त्र ____________ __________ सेतो भयो (लूका ९:२९)। अर्थात् उहाँका वस्त्रहरू विजुली झैं चम्क्यो।
  4. उहाँका वस्त्रहरू ____________, हिउँजस्तै चौपट्टै __________ भए (मर्कूस ९:३)। पृथ्वीको कुनै पनि धोबीले वा साबुनले त्यस्तो सेतो पार्न सक्दैन।

त्यसमाथि यो घटना रातमा घटेको बुझिन्छ। कतिखेर बत्तीहरू र चम्किने कुराहरू बढी उज्याला देखिन्छन्? रातमा कि दिनमा? ____________।

जब प्रभु येशू यस पृथ्वीमा मानिस भई हिँडडुल गर्नुभयो, उहाँको वास्तविक महिमा देखिँदैन थियो। उहाँको चेहरा चम्कँदैन थियो। उहाँका वस्त्र अरुहरूका वस्त्रभन्दा फरक थिएनन्। उहाँको शिरमाथि कुनै विशेष चमक थिएन। उहाँको शारीरिक रप अरू यहुदीका भन्दा फरक थिएन। पुरानो नियमको समयमा उजाडस्थानमा भएको भेट हुने पालको सम्झना गरौं। पाललाई जनावरका छाला, आदिले ढाकेको हुनाले बाहिरबाट हेर्दा त्यो खासै विशेष र आकर्षक देखिँदैनथ्यो। तर भित्रचाहिँ सुनका सामानहरू आदिले भरिएकोले चम्किलो थियो। विरलै परमेश्वरको पुत्रको वास्तविक महिमा बाहिर प्रकट हुन्थ्यो। उहाँको रूप-परिवर्तन त्यस्तो एक क्षण थियो। (तुलना गर्नुहोस् यूहन्ना ११:४०-४४; १८:४-६; १ कोरिन्थी २:८) उहाँको दोस्रो आगमनमा, यो भित्री महिमा बाहिरी रूपमा प्रकट हुनेछ, जसरी यो डाँडामा भएको थियो: प्रभु येशू शक्तिमहा ______________आउनुहुनेछ (मत्ति २४:३०; १६:२७; २५:३१; दानिएल ७:१३-१४ )। तीनजना चेलाहरूले भविष्यमा हुन आउने यो महिमापूर्ण घटनाको एक झलक देखे।

नयाँ नियममा “रूप-परिवर्तन” वा “बदली” भन्ने शब्द ४ पटक परयोग गरिएको छ। दुई पटक ख्रीष्टको सम्बन्धमा प्रयोग गरिएको छ भने दुई पटक विश्वास गर्नेहरूका हृदयमा परमेश्वरले ल्याउने भित्री परिवर्तनको सम्बन्धमा प्रयोग गरिएको छ। कृपया जोडा मिलाउनुहोस्:

१. _____ मत्ती १७:२
२. _____ मर्कूस ९:२
३. _____ रोमी १२:२
४. _____ २ कोरिन्थी ३:१८
(क) यो ख्रीष्टको विषयमा भनिएको हो
(ख) यो विश्वासी जनको विषयमा भनिएको हो

यदि तपाईंले साँच्चै मुक्ति पाउनुभएको छ भने, तपाईंभित्र को हुनुहुन्छ (२ कोरिन्थी १३:५; कलस्सी १:२७; गलाती २:२०)? _______________। के उहाँ भित्रै ढाकिनुभएकोछ कि उहाँलाई तपाईंले बाहिरसम्म चम्कन दिँदैहुनुहुन्छ? हामीलाई कसरी संसारले त्यसकै ढाँचामा मोड्न र ढाल्न चाहन्छ (संसारकै बोलीचालीमा, बानीबेहोरामा, फेशनमा, शैलीमा, मनोरञ्जन, सङ्गीत आदिमा) (हेरौं रोमी १२:२ — “एकनासे नहोओ …”)?

विशेष कुराकानी

पर्वतमाथि येशूको साथमा को देखा परे (मत्ती १७:३)? १) ________________ र २) ________________। यी दुई मानिसहरूले येशूसँग कुन विषयमा कुराकानी गरे (लूका ९:३१? ठीक जवाफमा चिन्ह लगाउनुहोस्:

  1. उहाँको दोस्रो आगमन
  2. बेथलेहेममा भएको उहाँको जन्म
  3. क्रूसमा हुन लागिरहेको उहाँको मृत्यु
  4. उहाँको रूप-परिवर्तन

मोशा र एलियाले जान्दथे कि येशू मर्नैपर्छ! उनीहरू यस महान् घटनाको प्रतीक्षामा थिए जब येशू उनीहरूका र __________ ____________का (१ यूहन्ना २:२) पापहरूका निम्ति मर्नुहुन्थ्यो।

एउटा मूर्ख सुझाव

पत्रुस पर्वतमै बस्न चाहे र पाल समेत ठडाउन चाहे (लूका ९:३३ मा उनको विचार हेर्नुहोस्)! आफू के बोल्दै छु भनी के पत्रुस जान्दथे (लूका ९:३३ को अन्तिम भागमा हेर्नुहोस्)? __________। हामीले बारम्बार गरेजस्तै पत्रुसले पनि गरे। उनले पहिले बोले र त्यसपछि विचार गरे! अवश्य नै प्रभु लामो समयका लागि पर्वतमाथि बस्नेवाला हुनुहुन्नथ्यो! उहाँलाई थाहा थियो कि उहाँ पर्वतबाट तल ओर्लनुपर्छ र कलवरी क्रूसतर्फ आफ्नो कदम अगाडि बढाउनुपर्छ (लूका ९:५१)!

स्वर्गीय आवाज

परमेश्वर पिताले स्वर्गबाट बोल्नुभयो र भन्नुभयो, “यिनी मेरा प्रिय पुत्र हुन्; ____________ले __________ __________” (लूका ९:३५)। पत्रुसले मत्ती १६:२१-२२ मा प्रभुको कुरा कत्तिको ध्यानपूर्वक सुने? ____________________________________। हामीले आज परमेश्वरको वचन कत्तिको ध्यानपूर्वक सुन्छौं र आज्ञापालन गर्छौं?

हाम्रो प्रभुको राज्य निश्चय नै आउनेछ! ख्रीष्टले त्यसको पूर्वदर्शन दिइसक्नुभयो! प्रभुका दुई आगमनहरूका बीचमा हामी जिउने क्रममा, ख्रीष्ट राजाले आफ्नो वचनमा भन्नुभएका कुरामा हामी ध्यान लगाऔं र तिनलाईपालन गरौं!

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

येशू ख्रीष्टलाई अस्वीकार

येशू ख्रीष्टलाई अस्वीकार

 

मुक्तिदातालाई अस्वीकार

मानौं, संसारको हावा र पानीको प्रदुषण एक्कासी दस गुणाले वृद्धि भयो। मानौं, त्यस प्रदुषणले सबै नै मर्ने भए। दुर्बलहरू केही दिनमा नै मर्ने भए। बलियाहरू भने दुई-तीन हप्तासम्म बाँच्ने भए। प्रदुषणले गर्दा एउटा कुरा पक्का भयो: सबै नै मर्ने भए। एक महिना पछि यस विश्वमा जीवित मान्छे एउटै नरहने भयो!

अब मानौं यो एउटा आशारहित परिस्थिति थियो। उक्त प्रदुषणको समस्यालाई समाधान गर्न कुनै पनि मानवीय उपायको सीप चलेन। विश्वका वैज्ञानिकहरू एकजुट भएर पनि कुनै उपाय निस्केन। त्यसमाथि समयले कसैलाई पर्खने कुरा आएन। त्यहाँ कुनै आशा थिएन, कुनै साहारा थिएन, कुनै उपाय थिएन — मानवजाति नाश हुने देखियो!

तर, करोडौं प्रकाश-वर्ष पर अर्कै ग्रहमा कुनै एक दयालु प्राणीले हाम्रो समस्या देखेछन् र नाश हुन लागेका मानवजाति प्रति दयाले भरिएछन्। तुरून्त उनी आफ्नो अन्तरिक्ष‍-यानमा चढेछन् र पृथ्वीमा छिटो भन्दा छिटो आएछन् अनि आफ्नो अत्याधुनिक वैज्ञानिक प्रविधि प्रयोग गरेर एउटा विशेष पदार्थ तयार गरेछन् जसलाई वायुमण्डल र पानीमा मिसाइदिएपछि तुरून्त नै ती शुद्ध भएछन्!

बाह्य अन्तरिक्षबाट आएका ती आगन्तुकलाई हामी पृथ्वीका बासिन्दाले कसरी स्वागत गर्नेथियौं होला? के हामी उनको आगमनमा रमाहट गर्नेथियौं होला? के उनको आगमनमा हामी जयजयकार मनाउनेथियौं होला? उनलाई भव्य स्वागत गर्नेथियौं होला? खुशी र धन्यवादी भई हामीले उनलाई ग्रहण गर्नेथियौं होला?

के तपाईंलाई थाह छ, त्यस्तै घटना वास्तवमा नै घटिसकेको छ। पृथ्वीका बासिन्दाहरू एउटा भयानक प्रदुषणको समस्यामा परेका थिए। त्यो थियो भित्री प्रदुषण, जसलाई हृदयको प्रदुषण भनिन्छ (यर्मिया १७:९; मर्कूस ७:२१-२३)। यो भयानक प्रदुषणले गर्दा मृत्यु पक्का छ, किनभने पापको प्रदुषण जब पूरा बढेपछि त्यसले ________ उत्पन्न गर्छ (याकूब १:१५; रोमी १:३२, ६:२३ र इजकिएल १८:४)। त्यसमाथि, यो एक आशारहति परिस्थिति थियो (एफिसी २:१२; १ थेस्सलोनिकी ४:१३)। हृदयलाई शुद्ध पार्न मानिसको कुनै उपाय थिएन।

तर, स्वर्गबाट एक आगन्तुक आउनुभयो–एक मुक्तिदाता आउनुभयो जससँग मानिसको प्रदुषणलाई निर्मूल पार्ने उपाय थियो (यूहन्ना ३:१३-१७)। जोहरूको उद्धार गर्न उहाँ आउनुभयो, तिनीहरूले उहाँलाई कसरी स्वागत र सत्कार गरे त? जब उहाँ मानिसहरूलाई बचाउन आउनुभयो के उहाँलाई खुशीसाथ स्वागत गरियो (यूहन्ना १:११)? _______। बाइबलले भन्छ, “अनि आरोप यो हो: ________ संसारमा आएको छ, अनि मानिसहरूले चाहिँ ________लाई भन्दा बरु ___________लाई प्रेम गरे; किनकि तिनीहरूका कामहरू दुष्ट थिए” (यूहन्ना ३:१९)। कति दुःखलाग्दो कुरा! मानिसहरू आफ्नो प्रदुषणमा रहरिहन नै रोजे! उनीहरू शुद्ध बनाइन चाहेनन्! उनीहरूले विनाशमा पुर्‍याउने बाटोमा नै हिँडिरहन निर्णय गरे (मत्ती ७:१३)। बाहिरबाट आएको आगन्तुकलाई चाहिँ उनीहरूले के गरे नि? मत्ती २७:३१ पढ्नुहोस्: _____________________________________________।

जब मुक्तिदाता स्वर्गदेखि यस पृथ्वीमा आउनुभयो, बहूसङ्ख्यक (मानिसको अधिक सङ्ख्या)ले उहाँलाई अस्वीकार गरे र उहाँलाई ग्र ______ ग __________ (यूहन्ना १:११)। अल्पसङ्ख्यक (“थोरै” –मत्ती ७:१४)ले मात्र ख्रीष्ट मुक्तिदातालाई स्वागत गरे र ग्रहण गरे। उहाँको पुत्रलाई ग्रहण गर्ने प्रत्येक पुरुष, स्त्री वा बालबालिकाको निम्ति परमेश्वरको कुन प्रतिज्ञा छ (यूहन्ना १:१२)? _____________________________________________ ______________________________________________।

राजालाई अस्वीकार

यदि कुनै देशको राजा वा राष्ट्रपति हाम्रो देशमा आए भने, उसलाई साधारणतया राजकीय सम्मान दिइन्छ। हाम्रो सरकारले उनको सम्पूर्ण रहनसहनको बन्दोबस्त गर्छ। सुत्‍नका निम्ति सबैभन्दा राम्रो बन्दोबस्त गरिन्छ। सबैभन्दा मीठा भोजनको बन्दोबस्त गरिन्छ। सर्वोत्तम मनोरन्जनको प्रबन्ध गरिन्छ।

जब सारा सृष्टिका राजा यस पृथ्वीलाई भेट गर्न आउनुभयो, उहाँप्रति कस्तो व्यवहार गरियो? के उहाँलाई सुत्‍नका निम्ति सबैभन्दा राम्रो बन्दोबस्त गरियो (लूका २:७)? ___________। के उहाँलाई बस्नको लागि एक सुन्दार दरवार दिइयो (लूका ९:५८ हेर्नुहोस्)? ___________। के उहाँलाई राजकीय सम्मान दिइयो? (मत्ती २०:१८-१९; २७:२६-३१ हेर्नुहोस्)? __________। आफ्ना राजाप्रति उनीहरूले कस्तो खालको प्रेम वा आदर देखाए (यूहन्ना १९:१५)? ______________________________________________।

अगमवक्तालाई अस्वीकार

धेरैजसो यहूदीहरूले ख्रीष्टलाई अस्वीकार गरे तापनि उहाँको आफ्नै शहर नासरतका बासिन्दाहरूले उहाँलाई राम्ररी स्वागत गरे कि? उहाँ हुर्कनुभएको ठाउँ त्यही थियो (लूका २:५१-५२)। चुनावमा उठेको उम्मेद्वारलाई विचार गरौं। अरूले भोट नदिए पनि आफ्नै गाउँलेहरूले त भोट दिन्छन्! येशू आफ्ना टोलबासीहरूका बीच कत्तिको लोकप्रिय हुनुहुन्थ्यो? के नासरतका बासिन्दाहरूले येशूलाई आफ्नो शहरको “आदर्श व्यक्ति” ले रूपमा लिए? के उनीहरूले उहाँलाई सबैभन्दा महान् अगमवक्ता भनी सम्झे?

लूका ४:१६-३० पढ्नुहोस्। के उनीहरू ख्रीष्टले परमेश्वरको वचन प्रचार गरेको सुन्न चाहे? __________। उनीहरूले उहाँलाई के गर्न चाहे (पद २९)? ___________________।

जीवनको रोटीलाई अस्वीकार

येशूले पाँचओटा रोटी र दुइटा माछा लिनुभई थुप्रैलाई खुवाउने आश्चर्यकर्म गर्नुहुँदा महिला र बालबच्चाबाहेक त्यहाँ कतिजना थिए (मत्ती १४:२१)? _____________________।

ख्रीष्ट राजा बन्न योग्य हुनुहुन्छ भनी ती मानिसरूले किन सोचे (यूहन्ना ६:१५)? उनीहरूले ख्रीष्टलाई किन खोजे (यूहन्ना ६:२४,२६)? ______________________________ _________________________। उनीहरू येशूबाट पेट भर्ने भोजन चाहन्थे कि आत्मिक भोजन? ________________________।

जब येशूले ती मानिसहरूलाई उनीहरूको आत्माको लागि भोजन दिन थाल्नुभयो (प्रमेश्वरको वचन सिकाउन थाल्नुभयो), तब उहाँलाई आफ्ना राजा बनाउन खोजिरहेका ती सबै मानिसहरू के गर्न थाले (यूहन्ना ६:४१,५२,६०,६६)? _________________________________________ _______________________________________।

प्रभुको साथमा पहिले हजारौं व्यक्तिहरू भए तापनि पछि गएर कतिजना मात्र बाँकी रहे (यूहन्ना ६:६७)? ____________________________। चाँडै नै अर्को एकजानलाई पनि उहाँले गुमाउन लाग्नुभएको थियो (यूहन्ना ६:७०-७१)!

पत्रुस र दसजना चेलाहरूको तृष्णा के थियो (यूहन्ना ६:६८)? __________________ ______________। के उनीहरू येशूद्वारा आत्मिक भोजन खुवाइन चाहन्थे? ____________।

परमेश्वरको चट्टानलाई अस्वीकार

मत्ती २१:४२ पढ्नुहोस्। प्रेरित ४:११ मा पत्रुसले यहूदीहरूलाई भने कि येशू ख्रीष्टचाहिँ चट्टान हुनुहुन्छ जसलाई उनीहरूले अस्वीकार गरे (“जसलाई तपाईंहरूले क्रूसमा टाँग्नुभयो”, पद १०)। परमेश्वरले एउटा अचम्म र गजबको काम गर्नुभयो! उहाँले अस्वीकार गरिएको त्यो चट्टानलाई लिनुभयो, अनि बौरी उठाइद्वारा त्यसलाई कुनाको शिर बनाउनुभयो (प्रेरित ४:१०-११)! भवनको सबैभन्दा महत्त्वपूर्ण ढुङ्गा नै कुनाको ढुङ्गा हो! अब मूल प्रश्‍न छ, यो चट्टानलाई तपाईं के गर्नुहुन्छ? तपाईंले दुइटामध्ये एउटालाई रोज्नुपर्छ:



तपाईं कहाँ हुनुहुन्छ? चट्टानमाथि (विश्वास) कि चट्टानमुनि (इन्साफ)! कि त तपाईं यस ढुङ्गामा ठेस खाएर लड्नुहुन्छ (ठेस खुवाउने ढुङ्गा–मत्ती २१:४४; १ कोरिन्थी १:२३; १ पत्रुस २:८; यशैया ८:१४-१५) कि त त्यो ढुङ्गालाई आफूमाथि खस्न दिएर धूलोपीठो बन्न सक्नुहुन्छ (मत्ती २१:४४) कि त चट्टानको बलियो जगमाथि आफ्ना खुट्टामा खडा भई त्यसद्वारा स्थिरता र आड पाउन सक्नुहुनछ (१ पत्रुस २:६)! परमेश्वरको चट्टानलाई अस्वीकार नगर्नुहोस्! त्यसमाथि भरोसा गर्नुहोस् र विश्राम पाउनुहोस्।

असल गोठालालाई अस्वीकार

जब येशूले आफू असल गोठाला हुँ भनी भन्नुभयो (यूहन्ना १०:१-१८), यहूदीहरूको प्रतिक्रिया कस्तो थियो? त्यहाँ मानिसहरूको बीचमा “फाटो भयो” (यूहन्ना १०:१९)। बहुसङ्ख्यक (“धेरै”) ले भने (यूहन्ना १०:२० हेर्नुहोस्), _____________________________________। अल्पसङ्ख्यक (“अरू”) ले भने (यूहन्ना १०:२१ हेर्नुहोस्), __________________________________________ ______________________________________________।

असल गोठालाले आफ्ना भेंडाहरूका निम्ति के गर्नुहुने प्रतिज्ञा गर्नुभएको छ (यूहन्ना १०:११,१५,१७,१८)? ________________________________________________ ________________________________________________।

यूहन्ना १२:३२ पढ्नुहोस् जहाँ प्रभु येशू ख्रीष्टले आफू क्रूसमा मर्ने विषयमा भन्नुभयो। कलवरी क्रूसमा उचालिनुभएर उहाँले _____ ______________ आफूकहाँ _____________! यसको अर्थ सबै मानिसले मुक्ति पाउँछन् भन्ने निश्चय होइन। के हो यसको अर्थ?

प्रभु येशू क्रूसमा मारिनुहुँदा त्यहाँ अरू दुइटा क्रूसहरू थिए — एउटा उहाँको दायाँतर्फ र अर्को उहाँको बायाँतर्फ (मर्कूस १५:२७)। प्रभु येशूले सबै मानिसहरूलाई बीचको क्रूसतर्फ खिँच्नुहुन्छ। त्यहाँ आएर प्रत्येकले क्रूसमा टाँगिनुभएको प्रभुलाई कि ग्रहण गर्नुपर्छ कि अस्वीकार गर्नुपर्छ। दायाँ र बायाँका दुइटा क्रूसले चित्रण गरे जस्तै, एउटा व्यक्तिले दुइटामध्ये एउटा निर्णयलाई रोज्नैपर्छ:



यस प्रश्‍नलाई मनन गर्ने क्रममा, लूका २३:३९-४३ लाई ध्यानपूर्वक पढ्नु असल हुनेछ। हेर्नुहोस्, शुरुमा दुवै कुकर्मीले बीचको क्रूसमा झुण्डिरहनुभएको ख्रीष्टलाई अस्वीकार गर्दै थिए (मत्ती २७:४२-४४)! तर पछि एउटाले पश्चात्ताप गर्‍यो र आफ्नो मन बदल्यो! ख्रीष्टलाई अस्वीकार गर्नुको सट्टा उसले ख्रीष्टलाई ग्रहण गर्‍यो। तपाईं नि? बीचको क्रूसमा मर्नुहुने व्यक्तिलाई तपाईं के गर्नुहुन्छ?

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

ख्रीष्टका आश्चर्यकर्महरू

ख्रीष्टका आश्चर्यकर्महरू

येशू संसारमा आउनुहुँदा यदि तपाईं पनि इस्राएलमै हुनुभएको भए उहाँको मृत्यु र बौरिउठाइ हुनुभन्दा अगाडिका ३ वर्षको समय अवधिमा येशूले गर्नुभएको कस्ता कस्ता आश्चर्यकर्महरू तपाईंले पनि देख्‍न सक्नुहुन्थ्यो (मत्ती ११:४-५)? ___________________________________________ _________________________________________________________________________________________________________________________________________________।

आश्चर्यकर्म भनेको त्यस्तो काम हो जुनचाहिँ प्रकृतिको साधारण नियमभन्दा बाहिरै पर्दछ। उदाहरणको लागि, फलामको एउटा टुक्रा नदीमा फ्याँकियो भने त्यसलाई के हुन्छ? त्यो तैरन्छ कि डुब्छ? ____________। भू-आकर्षणको नियम अनुसार त्यस्ता चीजहरू डुब्नैपर्छ! २ राजा ६:१-७ पढ्नुहोस्। के त्यो एक आश्चर्यकर्म थियो? __________। कसरी?

के परमेश्वर आश्चर्यकर्महरू गर्न सक्नुहुन्छ? _____________। किन (उत्पत्ति १८:१४, मत्ती १९:२६)? _____________________________________________।

हामीले अघिल्लो पाठमा येशू ख्रीष्टको बारेमा के सिक्यौं? उहाँ केवल मानिस मात्र हुनुहुन्थ्यो कि मानिसभन्दा बढी हुनुहुन्थ्यो? _________________________। के येशूले सामर्थी र आश्चर्यका कामहरू गर्न सक्नुहुन्थ्यो? __________________। धेरै समय पहिले येशूले कुनचाहिँ सामर्थी काम गर्नुभएको थियो (यूहन्ना १:३, कलस्सी १:१६)? __________________________________ _________________________________।

येशूले कुन उद्देश्यले सामर्थ्यपूर्ण आश्चर्यकर्महरू गर्नुभयो? के रोगीलाई निको पार्नु र अन्धालाई देख्‍ने बनाउनु नै उहाँको अन्तिम लक्ष्य थियो? हुन ता येशू ती रोगीहरूलाई ठूलो प्रेम गर्नुहुन्थ्यो अनि तिनका दुःखहरूको वास्ता गर्नुहुन्थ्यो, तरैपनि येशूले आश्चर्यकर्महरू गर्नुको अर्कै कारण थियो कि?

मर्कूस २:१०-११ मा येशूले एक पक्षघाती निको पार्नुभएको कारण स्पष्टै बताउनुभएको छ। उक्त खण्ड राम्ररी पढेर ठीक जवाफमा मात्र (ü) चिन्ह लगाउनुहोस्:

  1. त्यहाँ भएका मानिसहरूले उहाँको दया र प्रेम देखोस् भन्ने उद्देश्यले येशूले त्यो मानिसलाई निको पार्नुभएको थियो।
  2. त्यहाँ भएका मानिसहरूले उहाँको पाप क्षमा गर्ने अधिकार छ भनी थाह गरोस् भन्ने उद्देश्यले येशूले त्यो मानिसलाई निको पार्नुभएको थियो।
  3. त्यो रोगीप्रति येशूलाई दया लागेकोले अनि उसको दुःख हरण गर्ने उद्देश्यले येशूले त्यो मानिसलाई निको पार्नुभएको थियो।

पाप क्षमा गर्ने अधिकार आफूसित छ भन्ने आफ्नो दावीलाई येशूले गर्नुभएको त्यस चंगाइको आश्चर्यकर्मले कसरी प्रमाणित गर्‍यो सो बुझ्ने प्रयास गरौं। मर्कूस २:५ मा येशूले रोगीलाई भन्नुभयो, हे छोरा, तिम्रा ___________  क्षमा भए! पापहरू क्षमा गर्न सक्ने एउटै मात्र व्यक्तिले हुनुहुन्छ (मर्कूस २:७ र अघिल्लो पाठमा हेर्नुहोस्)? ______________। येशूले पापहरू क्षमा गर्न सक्नुहुन्छ भनेर के यहूदी शास्त्रीहरूले विश्वास गरे (मर्कूस २:५-८)? __________________।

कसैको हृदयभित्र नियालेर उनका पापहरू क्षमा भए कि भएनन् भनी के आँखाले देख्‍न सकिन्छ? ______________। पाप क्षमाको कार्य बाहिरी काम हो कि भित्री? ____________। ती विश्वास नगर्ने यहूदीहरूले यसरी तर्क गरे, “येशू, हामी तिमीलाई विश्वास गर्दैनौ। तिमीले भन्दैमा यस मानिसका पापहरू क्षमा भएका छैनन्। केवल परमेश्वरले मात्र पापहरू क्षमा गर्न सक्नुहुन्छ।”

येशूले तब एउटा काम गर्नुभयो जुन सबैले आफ्नै आँखाले देख्‍न सक्थे। उहाँले के गर्नुभयो (मर्कूस २:११-१२)? ___________________________________________________________ ________________। के यो काम उनीहरू सबैले देख्‍न सक्ने काम थियो (मर्कूस २:११-१२)   ____________। अब ती यहूदीहरूले “येशू, हामी तिमीलाई विश्वास गर्दैनौ! तिमीले भन्दैमा यो मानिसको रोग निको हुने होइन, भएको पनि छैन” भनेर भन्न सक्थ्यो? ______________। किन?

येशूले चंगाइको त्यो ठूलो आश्चर्यकर्म गर्न सक्नुभयो भने उहाँले पाप क्षमाको झन् ठूलो आश्चर्यकर्म पनि गर्न सक्नुहुन्छ भन्ने प्रमाण यहाँ पाउँछौं (मर्कूस २:१०)! रोगको समस्यालाई हल गर्न सक्नुहुने परमेश्वरले पापको समस्यालाई पनि हल गर्न सक्नुहुन्छ!

तपाईंले नि? आफूले पापको क्षमा पाएको छु भनी अरुलाई कसरी प्रमाण दिन सक्नुहुन्छ?

 

 

 

परमेश्वरले तपाईंलाई बचाउनुभएको छ र तपाईंका सबै पापहरू क्षमा गरिदिनुभएको छ भनेर तपाईंले आफ्ना साथीहरूलाई कसरी देखाउन सक्नुहुन्छ? बाहिरबाट हेर्दा तपाईं सफा हुनहुन्छ कि हुनुहुन्न (अर्थात् तपाईंले हात मुख धुनुभएको छ कि छैन) भनेर त उनीहरूले देख्‍न सक्छन्, तर भित्र हृदयमा तपाईं कत्तिको सफा हुनुहुन्छ भनेर उनीहरूले के देख्‍न सक्छन्? तपाईंका पापहरू साँच्चै क्षमा भएका छन् र तपाईं साँच्चै परमेश्वरको सन्तान बन्नुभएको छ भनेर उनीहरूलाई कसरी प्रमाण दिन सक्नुहुन्छ? यूहन्ना ३:८ हेर्नुहोस्। के हावालाई देख्‍न सकिन्छ? हावा छ भनेर कसरी जान्न सकिन्छ? यदि हावा चल्दै छ भने त्यसले काम गर्छ र त्यसको असर देख्‍न सकिन्छ! यदि तपाईंका पापहरू क्षमा भएका छन् भने के तपाईंको जीवनले त्यो देखाउन सक्छ? ______________। कसरी?

येशूले गर्नुभएका आश्चर्यकर्महरूले एउटा कुराको स्पष्ट प्रमाण दिन्छ। त्यो यही हो उहाँले साना र ठूला सबैका हृदयहरूमा झन् ठूला आश्चर्यकर्महरू गर्न सक्नुहन्छ! केही उदाहरणहरू हेरौं:

  1. यूहन्ना ९:१,६-७ मा येशूले कुनचाहिँ आश्चर्यकर्म गर्नुभयो? ____________________________ __________________________________। के मानिस अर्कै प्रकारले अन्धा हुन सक्छ (२ कोरिन्थी ४:३-४)? __________। यो अन्धापना त शरीरको अन्धापना भन्दा ज्यादै नराम्रो छ! परमेश्वरले “तिनीहरूका ______________ ______________” (प्रेरित २६:१८) सक्नुहुन्छ र उनीहरूलाई आत्मिक दृष्टि दिनसक्नुहुन्छ! हामीले गाउने गर्छौं “… अन्धो देख्‍ने भएँ” (अचम्मको अनुग्रह)। के तपाईंको जीवनमा यो कुरा पूरा भएको छ? के तपाईं अब देख्‍ने बन्नुभएको छ? कुन कुरा ठूलो हो, शारीरिक दृष्टि कि आत्मिक दृष्टि? तपाईं कुन रोज्नुहुन्छ? आँखा नदेख्‍ने तर मुक्ति पाएको व्यक्ति हुन, कि आँखा देख्‍ने तर अनन्त आगोमा पुग्ने व्यक्ति हुन?
  2. यूहन्ना ११:१४,४३-४४ मा येशूले कुनचाहिँ आश्चर्यकर्म गर्नुभयो?____________________________________________________________________। शरीरको मृत्यु बाहेक अर्कै प्रकारको मृत्यु पनि छ? (एफेसी २:१)? __________। यो मृत्यु त शरीरको मृत्युभन्दा ज्यादै नराम्रो छ! के परमेश्वरले आत्मिक रूपमा मरेकालाई जीवन दिनसक्नुहुन्छ (यूहन्ना ५:२४, ६:४७, १ यूहन्ना ५:१२)? _________। के तपाईं मृत्युबाट जीवनमा सर्नुभयो?
  3. मर्कूस १:२३-२७ मा येशूले कुनचाहिँ आश्चर्यकर्म गर्नुभयो?_____________________________________________________________________। दुष्ट आत्मा लाग्नु अति नराम्रो कुरा हो। बाइबलले बताउँछ कि हरेक मुक्ति नपाएको व्यक्ति _______________ को सन्तान (१ यूहन्ना ३:१०) हो। शैतानको शक्ति र अधिकारमुनि रहेकाहरूका निम्ति परमेश्वरले के गर्न सक्नुहुन्छ (प्रेरित २६:१८ र कलस्सी १:१३)? __________________________________________________________। के तपाईंलाई परमेश्वरले शैतानको पन्जाबाट छुटकारा दिनुभयो?
  4. मर्कूस १:४०-४२ मा येशूले कुनचाहिँ आश्चर्यकर्म गर्नुभयो?_________________________________________________________________। बाइबलमा उल्लेखित कोर रोग ज्यादै डरलाग्दो रोग थियो। यसले रोगीलाई शरीरलाई खाँदै जान्थ्यो र उसलाई अन्तमा नाश पार्थ्यो। तर कोर रोगभन्दा पनि झन् डरलाग्दो कुरा केही छ जसले मानिसलाई भित्रैबाट नाश पार्छ र जसबाट मानिस शुद्ध हुनु खाँचो छ (याकूब १:१५)? _______। त्यो के हो? ________। यही सबभन्दा घातक कुराबाट के परमेश्वरले मानिसलाई शुद्ध गर्न सक्नुहुन्छ (१ यूहन्ना १:७,९;२:१२)? ____________________। के परमेश्वरले तपाईंलाई यो सबभन्दा डरलाग्दो हृदयको रोगबाट निको पार्नुभयो (यर्मिया १७:९)?

याद राख्‍नुहोस्, येशूले निको पार्नुभएको प्रत्येक रोगी, बिरामी, पक्षघाती, कोरी मानिस अखिरमा मर्नै पर्‍यो! अनि बिचरा लाजरस (यूहन्ना ११ अध्याय)! येशूले उसलाई मृत्युबाट बिउँताउनुभयो तर ऊ पनि पछि फेरि दोस्रो पटक मर्नै पर्‍यो। दुई-दुई पटक मर्ने चाहना तपाईंलाई हुन्छ होला? _____________।

मानिसको सबभन्दा ठूलो समस्या न ता उसको दृष्टि हो न ता उसको शारीरिक स्वस्थ्य नै। हामी सबैलाई शरीरमा स्वस्थ रहने चाहना भए तापनि यो नै सबभन्दा महत्त्वपूर्ण कुरा होइन। सबभन्दा महत्त्वपूर्ण कुराचाहिँ प्रभु येशू ख्रीष्टसँग एउटा जिउँदो, साँचो र गजबको सम्बन्ध हुनु हो। यसलाई भनिन्छ मुक्तिको आश्चर्यकर्म!

के तपाईंले आफ्नो जीवनमा सबैभन्दा महान् आश्चर्यकर्मको अनुभव पाउनुभयो? यदि पाउनुभयो भने मुक्तिदाताको विषयमा अरुलाई पनि किन नबताउने ता कि उनीहरूले उहाँमाथि विश्वास गरुन् र उनीहरूले पनि यो आश्चर्यकर्मको अनुभव गरून्।

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

येशू को हुनुहुन्छ?

येशू को हुनुहुन्छ?

मानिसहरू के भन्छन्?

येशू को हुनुहुन्छ भन्ने विषयमा मानिसहरू अनेक विचार गर्छन्। येशू संसारमा हुनुहुँदा मानिसहरूले उहाँ को हुनुहुन्छ भनी ठानेका थिए (मत्ती १६:१३-१४)? _____________________ _______________________________________________ । (टिप्पणी: तिनीहरूले येशू मृतअवस्थाबाट बौरनुभएको कुनै एक भविष्यवक्ता हुनुहुन्छ होला भनी ठाने।) येशूका शत्रुहरूले चाहिँ “ऊसँग _________ ___________ छ” (यूहन्ना १०:२०) भन्दै उहाँलाई पागलको संज्ञा दिए। उहाँका आश्चर्यकर्महरू शैतानको शक्तिले गरिएका हुन् भनी उहाँलाई झूटा आरोप लगाए (मत्ती १२:२२-२६, मर्कूस ३:२२)। उनीहरूले उहाँलाई “तिमी __________ हौ” (यूहन्ना ८:४८) भने। कसैलाई “सामरी” भन्नु उसको अनादर गर्नु थियो किनभने यहूदीहरू सामरीहरूलाई घृणा गर्दथे। आज पनि मानिसहरू येशू को हुनुहुन्छ भन्ने विषयमा अनेक विचार गर्छन्। कति भन्छन्, उहाँ एक महान् गुरु हुनुहुन्थ्यो। अरुहरू भन्छन्, उहाँ इसाई धर्मका संस्थापक हुनुहुन्छ। कति भन्छन्, उहाँ एक महान् भविष्यवक्ता हुनुहुन्छ। अरुहरू भन्छन्, उहाँ आजसम्मको सबभन्दा महान् पुरुष हुनुहुन्छ। येशू को हुनुहुन्थ्यो भनेर तपाईं आफ्ना साथीहरूलाई सोध्नुहोस्। उनीहरूले के जवाफ दिन्छन्? स्कूलका शिक्षकहरूले के जवाफ दिन्छन्? तपाईंले चिन्नुभएका अरु मानिसहरूले के जवाफ दिन्छन्? येशू बास्तवमा को हुनुहुन्छ? यो बुझ्नैपर्ने विषय हो। प्रभु येशू ख्रीष्ट सर्वशक्तिमान् परमेश्वर हुनुहुन्छ भनेर म साँच्चै विश्वास गर्दछु भने निश्चय म उहाँलाई दण्डवत् गर्नेछु, उहाँलाई प्रेमपूर्वक भक्ति चढाउँनेछु। उहाँ प्रभु हुनुहुन्छ भनेर म साँच्चै विश्वास गर्दछु भने, म उहाँको सेवा गर्नेछु र उहाँका आज्ञाहरू पालन गर्नेछु (लूका ६:४६ हेर्नुहोस्)। येशू झूटा हुन् भन्ने व्यक्तिले के उहाँमाथि भरोसा राख्‍न सक्छ वा उहाँका वचनमाथि विश्वास गर्न सक्छ? येशू पागल हुन् भन्ने व्यक्तिले के उहाँलाई मुक्तिदाताको रूपमा विश्वास गर्न सक्छ? उहाँलाई असल गुरु मात्र मान्नेले उहाँका भनाइलाई सुन्नेछ तर उसले अन्य शिक्षकहरूका भनाइलाई पनि सुन्नेछ र विश्वास गर्नेछ। ख्रीष्टलाई भविष्यवक्ता मात्र मान्नेले परमेश्वरको बाटो देखाउने अन्य भविष्यवक्ताहरूलाई पनि उत्तिकै मान्यता दिनेछ। येशू २००० वर्ष अघि मर्नुभएको केवल एउटा मानिस मात्र हुनुहुन्थ्यो भने उहाँ मरेको मरै हुनुभयो र उहाँले कसैको जीवनमा खास परिवर्तन ल्याउन सक्नुहुन्न।

येशू को हुनुहुन्छ? — येशू आफैले के भन्नुभयो?

(मर्कूस १४:६१-६२)

धेरै हिसाबमा येशू अरू मानिस जस्तै हुनुहुन्थ्यो। उहाँको शारीरिक रुप असाधारण थिएन। निश्चय पनि उहाँ प्यालेस्टाइनका अरू यहूदी पुरुषहरू जस्तै देखिनुहुन्थ्यो। उहाँको शिरमाथि कुनै तेजिलो चमक थिएन (यद्यपि कतिपय चित्रहरूमा त्यस्तो देखाइन्छ)। उहाँको केश चेलाहरू वा अरु मानिसहरूका जस्तै छोटो थियो (यद्यपि कतिपय चित्रहरुमा उहाँलाई लामो केश पालेको देखाइन्छ)। उमेरमा उहाँ करीब ३० वर्षको देखिनुहुन्थ्यो (लूका ३:२३ र यूहन्ना ८:५७ दाँज्नुहोस्)। यहूदीहरूले उहाँलाई स्वर्गबाट ओर्लेर आउनुभएको व्यक्तिको रूपमा नभएर यूसुफको परिवारबाट आउनुभएका व्यक्तिको रूपमा मात्र चिन्दथे (यूहन्ना ६:४१-४२, मत्ती १३:५५-५६ दाँज्नुहोस्)। तरैपनि कसैले दावी नगरेका आश्चर्यपूर्ण दावीहरू उहाँले गर्नुभयो! निम्न कुराहरूलाई विचार गरौं:

१) येशूले आफू २००० वर्ष भन्दा पहिल्यै हुनुभएको कुरा दावी गर्नुभयो।

यूहन्ना ८:५६ मा येशूले भन्नुभयो, “अब्राहामले मेरो दिन देखे र आनन्दित भए।” यूहन्ना ८:५७ अनुसार यहूदीहरूलाई थाह थियो कि येशू _________ वर्ष भन्दा बढी हुनुहुन्नथ्यो। तब तिनीहरूले येशूलाई सोधे, “के तिमीले अब्राहामलाई देखेका छौ र?” (५७ पद)। अब्राहाम करीब २००० ई.पू. (B.C.) मा (येशू पृथ्वीमा हिँड्डुल गर्नुभन्दा २००० वर्ष पहिले) जिउँथे। येशूले उनीहरूको प्रश्‍नको जवाफ कसरी दिनुभयो (यूह्न्ना ८:५८ )? ____________________________________ _______________________________। मानौं कसैले तपाईंलाई भन्यो, “मेरो कुरा सुन्नुहोस् त। मेरो उमेर २००० वर्ष नाघिसक्यो।“ यो सुनेर तपाईंलाई कस्तो लाग्छ होला?
  1. यो मान्छे ठट्टा गर्दै छ
  2. यो मान्छे पागल रहेछ
  3. यो मान्छे मानसिक अस्पताल जानुपर्छ

तर येशू न ठट्टा गर्दै हुनुहुन्थ्यो न ता उहाँ पागल हुनुहुन्थ्यो। मानिसको रूपमा उहाँ ३० वर्ष जति पुग्नुभएको थियो, तर उहाँ परमेश्वर नै हुनुभएकोले उहाँ अनन्तको वचन हुनुहुन्थ्यो (यूहन्ना १:१-२ हेर्नुहोस्)! बप्‍तिस्मा दिने यूहन्ना येशूभन्दा छ महिना जेठा थिए तर यूहन्नाले बुझेका थिए कि “यूहन्ना हुनुभन्दा अघि येशू हुनुहुन्थ्यो!” (यूहन्ना १:३० पढ्नुहोस्)। बास्तवमा संसार हुनुभन्दा पहिले येशू हुनुहुन्थ्यो (यूहन्ना १७:५,२४ हेर्नुहोस्)! अनन्त परमेश्वर हाम्रो लागि क्रूसमा मर्नका लागि अनन्तताबाट आउनुभयो, एउटा मानिस बन्नुभयो!

२) परमेश्वरले मात्र गर्न सक्नुहुने काम आफूले गर्नसक्ने कुराको दावी येशूले गर्नुभयो।

यहूदीहरूलाई छक्क पार्ने गरी येशूले पक्षाघातको रोगीलाई के भन्नुभयो (मर्कूस २:५)? _______________________________________________ _________। पाप क्षमा गर्न सक्ने एउटै मात्र व्यक्तिले हुनुहुन्छ (मर्कूस २:७)? ________________। जसको विरुद्धमा हामीले पाप गरेका छौं र जसलाई चोट पुर्‍याएका छौं उही व्यक्तिले मात्र हामीलाई क्षमा दिन सक्छन्। यदि मैले कसैलाई नाकमा एक बक्सिङ्ग (मुड्कि) दिएँ भने, क्षमा पाउन म त्यही व्यक्तिकहाँ जानुपर्छ किनभने मैले चोट पुर्‍याएको र अपमान गरेको व्यक्ति उही नै हो। हाम्रो प्रत्येक पापले कसलाई चोट पुर्‍याउँछ र अपमान गर्छ (भजन संग्रह ५१:४)? ________________। तब हामीलाई कसले मात्र क्षमा दिन सक्नुहुन्छ? ________________। कुनै समान्य मानिसले पापहरू क्षमा गर्न सक्छु भनेर दावी गर्न मिल्छ? ______________। येशू ख्रीष्ट पापहरू साँच्चै क्षमा गर्न सक्नुहुने व्यक्ति हुनुहुन्थ्यो भने उहाँ पक्कै पनिले हुनुपर्छ? _________________। मानिसलाई इन्साफ गर्ने र कतिपयलाई सदाका लागि नरक-कुण्डमा पठाउने अधिकार परमेश्वरलाई बाहेक अरु कसैलाई छ (दाँज्नुहोस् याकूब ४:१२)? ________। के येशूले उक्त अधिकार आफूसित भएको दावी गर्नुभयो (यूहन्ना ५:२२,२७, मत्ती २५:३१-४६)? ____________। यदि येशू एक सामान्य मानिस मात्र हुनुहुन्थ्यो भने आफूलाई सबै मानिसको अन्तिम इन्साफ गर्ने न्यायकर्ताको रूपमा प्रस्तुत गर्नु उचित हो? __________। यदि येशू सारा संसारको न्यायकर्ता साँच्चै नै हुनुहुन्छ भने उहाँ पक्कै पनिले हुनुपर्छ? ________________।

३) येशूले आफू मसिह (ख्रीष्ट, अर्थात् परमेश्वरको अभिषिक्त राजा) हुँ भन्ने दावी गर्नुभयो।

“मसिह” शब्दकै अर्थ भएको अर्को कुन शब्द छ जुन नयाँ नियममा धेरै पटक पाइन्छ (यूहन्ना १:४१)? ____________। पवित्र शास्त्र (पूरानो नियम) राम्ररी जानेका यहूदीहरूले आउनेवाला मसिह निम्न बमोजिम हुनुहुनेछ भनी बुझेका थिए (जोडा मिलाउनुहोस्): तसर्थ, कुनै मानिसले आफू मसिह अथवा ख्रीष्ट हुँ भनी दावी गर्नु यसो भन्नु बराबर थियो, “मचाहिँ परमेश्वरले प्रतिज्ञा गर्नुभएको राजा हुँ। म नै अनन्तदेखिको सर्वशक्तिमान परमेश्वर हुँ अनि मैले नै सदासर्वदा शासन गर्नेछु।“ यदि कुनै राजा वा राष्ट्रपतिले आफ्नो विषयमा त्यस्तो घोषणा गर्‍यो भने तपाईंले के सोच्नुहुनेछ? के येशूले आफू मसिह (ख्रीष्ट) हुँ भनी दावी गर्नु भयो (यूहन्ना ४:२५-२६)? ____________। के तपाईं उहाँ साँच्चै नै मसिह (ख्रीष्ट) हुनुहुन्छ भनी विश्वास गर्नुहुन्छ? ____________।

४) येशूले आफू परमेश्वरको पुत्र हुँ भनी दावी गर्नु भयो।

के येशूले कहिल्यै “म परमेश्वरको पुत्र हुँ” भनी भन्नुभयो (यूहन्ना १०:३६ र यूहन्ना ९:३५-३८ पढ्नुहोस्)? ______________। के पत्रुसले मत्ती १६:१६ मा ठीक जवाफ दिए? ____________। ख्रीष्टले हुनुहुन्छ भनेर पत्रुसले कसरी जाने (मत्ती १६:१७ हेर्नुहोस् र सही उत्तरमा गोलो चिन्ह लगाउनुहोस्)?
  1. ऊ ज्यादै चलाख मान्छे थियो
  2. उसले आफै सो कुरा पत्ता लगायो
  3. यूहन्नाले उसलाई बताइदिय
  4. स्वर्गको पिताले उसलाई प्रकट गरिदिनुभयो
उहाँलाई महापूजाहारीले “के तँ परमधन्य (परमेश्वर) का पुत्र ख्रीष्ट होस्?” भनी प्रश्‍न गर्दा येशूको जवाफ के थियो (मर्कूस १४:६१-६२)? ___________________________________। कसैले भन्ला, “येशूले आफू परमेश्वरको पुत्र हुँ भनी दावी गर्नुभएको हो तर उहाँले आफू परमेश्वर नै हुँ भनेर दावी गर्नुभएन। त्यसैले उहाँ परमेश्वर हुनुहुन्नथ्यो, केवल परमेश्वरको पुत्र हुनुहुन्थ्यो।” तर “परमेश्वरको पुत्र” भन्नाले के बुझिन्थ्यो त्यसबेला? त्यसबेलाका मानिसहरूले के बुझ्थे? कसैले आफ्ना पिता परमेश्वर हुनुहुन्छ (आफूचाहिँ परमेश्वरको पुत्र हुँ) भनी दावी गर्नु उसले आफूलाई प _____________को ब _____________ तुल्याउनु थियो (यूहन्ना ५:१८)। तसर्थ “परमेश्वरको पुत्र” को स्पष्ट अर्थ यो थियो:

“परमेश्वरको पुत्र” = “परमेश्वर”

मानौं प्रकाश प्रजापतिको बाबुको नाम हेमन्त प्रजापति रहेछ। के प्रकाश “प्रजापतिको छोरा” हो? _________। अनि प्रकाश पनि प्रजापति नै हो? __________। प्रकाश प्रजापतिचाहिँ एक प्रजापतिको छोरा हो अनि ऊ आफै पनि प्रजापति हो! येशू ख्रीष्ट परमेश्वरको पुत्र हुनुहुन्छ र आफै पनि परमेश्वर हुनुहुन्छ। उहाँ परमेश्वरको पुत्र हुनहुन्छ र साथै परमेश्वर पनि हुनुहुन्छ। उहाँ परमेश्वरसँग हुनुहुन्छ, त्यति मात्र नभएर उहाँ परमेश्वर नै हुनुहुन्छ (यूहन्ना १:१)! उहाँ परमेश्वरको पुत्र मात्र हुनुहुन्न, उहाँ परमेश्वरसँग एक हुनुहुन्छ (यूहन्ना १०:३०)! के येशूले आफू परमेश्वर हुँ भनी साँच्चै नै दावी गर्नुभयो (यूहन्ना १०:३३)? _______________। के यहूदीहरू उहाँको दावी सुनेर खुशी भए (यूहन्ना १०:३०-३३)? ______________।

येशू को हुनुहुन्छ? — तपाईं के भन्नुहुन्छ?

(मत्ती १६:१५)

मत्ती १६:१५ मा प्रभु येशूले चेलाहरूका सामु राख्‍नुभएको प्रश्‍न नै सबभन्दा महत्त्वपूर्ण प्रश्‍न हो: “तर _____________चाहिँ नि के भन्छौ मले हुँ?” तपाईंचाहिँ के सोच्नुहुन्छ? ख्रीष्टले हुनुहुन्छ? तपाईं के जवाफ दिनुहुन्छ? तपाईंको अनन्त भविष्य यसैमा भर पर्छ!! यसको मतलब मृत्यु पछाडि तपाईं अनन्तको लागि कुन ठाउँमा पुग्नुहुन्छ भन्ने कुरा यसैले निर्धारण गर्छ। येशूले यूहन्ना ८:२४ मा भन्नुभयो, “किनभने ______ _________ _______ भनी तिमीहरूले विश्वास गरेनौ भने तिमीहरू आफ्ना पापहरूमा मर्नेछौ।” आफू जो हुँ भनेर जति पनि कुराहरू येशूले भन्नुभयो ती विश्वास गर्न हामी जिम्मेवार छौं!!!

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

रणभूमि – येशू ख्रीष्टको परीक्षा

रणभूमि – येशू ख्रीष्टको परीक्षा

आफ्नो सार्वजनिक सेवाकाइ शुरु गर्नुहुँदा येशू कति वर्षको हुनुहुन्थ्यो (लूका ३:२३)? प्रायः ______ वर्षको। अध्याय १ मा हामीले हेर्‍यौं, जन्मनासाथ येशू शैतानको तारो बन्नुभयो। अनि येशू हुर्किसक्नुभएपछि, उहाँको सार्वजनिक सेवाकाइको प्रारम्भमा, शैतान उहाँको विरुद्धमा केही नगरेर चुप बस्ला र (बप्‍तिस्मा दिने यूहन्नाबाट बप्‍तिस्मा लिनुभएको लगत्तै पछि येशूलाई के भयो (मर्कूस १:९-१३)? ____________________________________________________________________।

उबेलामा येशू जसरी संसारमा हुनुहुन्थ्यो त्यही प्रकारले उहाँ आज संसारमा हुनुहुन्न। तसर्थ शैतानले उहाँलाई आक्रमण गर्न सक्दैन। तर आज शैतानले कसलाई नाश गर्न खोज्दै छ (पाठ १ ले अध्ययन हेर्नुहोस्)? _____________________________। मुक्ति नपाएका मानिसहरू “___________को सन्तान” (१ यहून्ना ३:१०) हुन्। के शैतानले मुक्ति नपाएका मानिसहरूलाई आक्रमण गर्छ? _________। किन गर्छ वा गर्दैन (मत्ती १२:२५-२६ सँग दाँज्नुहोस्)। आफ्ना सन्तान (मुक्ति नपाएकाहरू)ले मुक्ति पाएको र परमेश्वरको सन्तान बनेको के शैतान चाहन्छ (लूका ८:१२)? ____________।

मत्ती ४:१-११ पढ्दा हामी प्रभु येशू र शैतानलाई रणभूमिमा भेट्छौं। रणभूमि त्यस्तो ठाउँ हो जहाँ दुई पक्षबीच प्रतिस्पर्धा हुन्छ। त्यहाँ एक पक्षले जित्छ, अर्को पक्षले हार्छ। मत्ती ४:११ अनुसार कसले हारे? ____________। उक्त प्रतिस्पर्धामा कसले जिते? ____________।

येशूले शैतानलाई कसरी हराउनुभयो? म शैतानलाई कसरी जित्‍न सक्छु? म कसरी पराजित होइन विजयी बन्न सक्छु? के शैतान मभन्दा सामर्थी छ? ______। इजिकिएल २८:१२ अनुसार ऊ “________ले पूर्ण” छ। शैतानको उक्त बयान उसले पाप गर्नुभन्दा अघिको हो। तब के शैतान मभन्दा चलाख छ? ______। यदि मैले एक्लै शैतानको सामना गरेँ भने, विजय कसको हुन्छ? ___________। के शैतानको बल र बुद्धि परमेश्वरको भन्दा ठूलो छ (१ यूहन्ना ४:४)? _______। यदि परमेश्वरले एक्लै शैतानको सामना गर्नुभयो भने, विजय कसको हुन्छ? ______________। यदि परमेश्वर मभित्र जिएर शैतानको सामना गर्नुभयो भने के तब पनि विजय परमेश्वरकै हुनेछ? ______________। यदि परमेश्वरलाई मैले मेरो जीवनमा ठाउँ दिएँ भने, के म विजयी बन्न सक्छु? __________।

येशूले शैतानलाई कसरी पराजित गर्नुभयो? परमेश्वरको पुत्र हुनुभएकोले के उहाँले आफ्नो ईश्वरीय, अलौकिक (supernatural) सामर्थ्य प्रयोग गर्नुभयो? के उहाँले शैतानलाई पक्रेर चन्द्रमाभन्दा पर हुर्‍याइदिनुभयो? ____________। शैतानलाई जित्‍न यदि ख्रीष्टले आफ्नो इश्वरीय सामर्थ्य प्रयोग गर्नुभएको भए, त्यसले हामीलाई कुनै आशा वा उत्साह दिन सक्नेथिएन:

“येशूले शैतानलाई पराजय गर्नुभयो। त्यो ठूलो कुरा होला तरैपनि त्यसमा मेरो निम्ति कुनै आशा देख्दिनँ। आफू परमेश्वर नभएको हुनाले आफूसित कुनै अलौकिक सामर्थ्य छैन। यसकारण मैले शैतानलाई कसो गरी जित्‍न सक्छु र? शैतानसँग जुध्नु मेरो लागि असम्भव छ!”

तर बाइबलको शिक्षा त्यो होइन। प्रभु येशू ख्रीष्टले शैतानलाई जित्‍न आफ्नो अलौकिक र इश्वरीय सामर्थ्य प्रयोग गर्नुभएन। बरु उहाँले एक मानिसकै रूपमा शैतानको सामना गर्नुभयो (मत्ती ४:४ मा येशूले भन्नुभएको कुरालाई तुलना गर्नुहोस्, “मानिस रोटीले मात्र होइन”)। यो कुरा प्रत्येक विश्वासीको लागि खुशीको खबर हो! जसरी येशू विजयी बन्नुभयो ठीक त्यसरी नै हामी विजयी बन्न सक्छौं! जसरी ख्रीष्टले शैतानसँग लडाइँ गर्नुभयो ठीक त्यसरी नै हामी पनि शैतानसँग लडाइँ गर्नसक्छौं! उहाँले जे गर्नुभयो हामीले पनि ठीक त्यही नै गर्नसक्छौं! हो, शैतानले गरेको ख्रीष्टको परीक्षाले यो प्रमाणति गर्‍यो कि एउटा मानिस, ऊ आत्मामा हिँड्छ (अर्थात् आफूमा परमेश्वरलाई जिउन दिन्छ) भने, उसले परमेश्वरको वचन प्रयोग गर्छ र त्यसमा भर पर्छ भने, शैतान त्यो मानिससँग जुध्न सक्दैन!

एक सानो नानीले भने, “शैतान मेरो ढोकामा ढक्ढक्याउन आउँदा, ढोका खोल्न म जान्न! ढोका खोल्न म परमेश्वरलाई नै पठाउँछु। उहाँलाई देखेपछि शैतानलाई भाग्न कर लाग्छ!”

याकूब ४:७ मा परमेश्वरले विश्वासीलाई भन्नुहुन्छ,

“शैतानको __________________ गर”।

“सामना गर्नु” ले अर्थ हो “कसैको विरुद्धमा खडा हुनु”। परमेश्वरले हामीलाई कहिल्यै पनि शैतानसँग डराऊ भन्नुभएको छैन। हामीलेसँग डराउनुपर्छ (मत्ती १०:२८, १ पत्रुस २:१७)? _______________। परमेश्वरले हामीलाई कहिल्यै पनि शैतानबाट भाग्नलाई आदेश दिनुभएको छैन। हामी शैतानको विरूद्धमा खडा भएको परमेश्वर चाहनुहन्छ। उहाँको प्रतिज्ञा छ, ऊ हामीबाट भाग्नेछ। याकूब ४:७ले भन्छ, “_____________का सामना गर, र त्यो तिमीहरूबाट ____________। के शैतान ख्रीष्टदेखि भाग्यो (मत्ती ४:११)? ___________।

शैतानको सामना गर्नु भनेको दुइटा काम गर्नु हो:

एफेसी ६:११,१३,१४ पढ्नुहोस्। यी पदहरूमा “खडा” भन्ने शब्द भेटिन्छ? हामी हाम्रा शत्रु शैतानदेखि भागेको के परमेश्वर चाहनुहुन्छ?

प्रभु येशू शैतानको विरुद्धमा कसरी खडा हुनुभयो?

हव्वा कसरी शैतानको विरुद्धमा खडा भईनन्?

 

उत्पत्ति ३:१-६ लाई विचार गरौं:

 

पत्रुस कसरी शैतानको विरुद्धमा खडा भएनन्?

निम्न दुई उदाहरणहरूलाई विचार गरौं:

१) मत्ती १६:२१-२३
  २) लूका २२:३१-३२,३९-४६,५४-६२

शैतानले हामीलाई जीवनका दैनिक कामकुराहरूमा परीक्षा गर्न खोज्छ। हामी उसमाथि विजय हुन सक्न परमेश्वरले आवश्यक प्रबन्ध गर्नुभएको छ। परमेश्वरको जनले परमेश्वरलाई बिर्सँदा के हुन्छ? ममाथि परमेश्वरको अधिकार छ (उहाँ नै प्रभु हुनुहुन्छ) भन्ने कुरा विश्वासी जनले बिर्स्यो भने के हुन्छ? विश्वासी जनले परमेश्वरले भन्नुभएको कुरालाई विश्वास नगर्दा के हुन्छ? विश्वासी जनलाई सम्हाल्न सक्ने, उसलाई खडा राख्‍न सक्ने परमेश्वरको वचनमाथि उसले भर नपर्दा के हुन्छ?

निम्न परिस्थितिहरूको सामना गर्नुपर्दा यस पाठमा सिक्नुभएका कुराहरूलाई तपाईंले कसरी प्रयोगमा ल्याउन सक्नुहुन्छ?

  1. “आज मलाई धेरै थकाइ लागेको छ, त्यसैले म प्रार्थना सभामा नजाऊँ क्यारे!”
  2. “बाइबल स्कूलमा म बाइबल पढ्छु, परिवारसित पनि बेलुका पढ्छु। यसकारण व्यक्तिगत रूपमा बाइबल पढ्न गर्न, चुपचापको समय विताउन मलाई आवश्यक छैन।”
  3. “स्वर्ग जान्छु भन्ने मलाई पक्का भइसकेकोले र परमेश्वरले मलाई अनन्त जीवनको प्रतिज्ञा गर्नुभएकोले मैले जस्तोसुकै जीवन बिताए पनि हुन्छ।”
  4. “असल कुराहरूमा मन लगाएको परमेश्वर चाहनुहुन्छ भन्ने मलाई थाह छ तर मलाई यो टी .भी . कार्यक्रम हेर्न एकदमै मन छ र अहिले मलाई रोक्न मेरा बाबुआमा समेत हुनुहुन्न।”
  5. “यो जाँचमा मैले त्यति राम्रो गर्न सकिरहेको छैन त्यसैले राम्रो अंक प्राप्‍त गर्न म सरलाले लेखेको हेर्दै सार्नुपर्ला।”
  6. “शिक्षक कक्षाकोठामा हुँनुहुँदा म उदाहरणीय व्यवहार गर्नेछु तर शिक्षक जानुभइसकेपछि मेरो साथीहरूसित जे मन लाग्यो त्यही गर्नेछु”
  7. “बाबा, मोटरसाइकललाई अलि बेस्सरी हाँक्नुहोस् न। तोकिएको गति-सीमालाई नाघे पनि हुन्छ। परमेश्वरले हाम्रो सुरक्षा गर्नुहुन्न र?”
  8. “वचन प्रचार सुन्न ज्यादै झन्झट पो लाग्यो। बरु म अरु कुराहरू सोचेर बस्नेछु”
  9. शुरुका विश्वासीहरूमध्ये कतिजनाले ख्रीष्टलाई “प्रभु” भनी स्वीकार गरी मृत्यु दण्डलाई रोज्नसक्थे वा सिजरलाई “प्रभु” भनी स्वीकार गरी ज्यान जोगाउन रोज्नसक्थे। शैतानले ती विश्वासीहरूलाई प्रभुलाई इन्कार गरोस् भनेर परीक्षा गरे होलान्? तिनीहरूमध्ये धेरै कसरी त्यस्तो परीक्षामाथि पनि विजय भए?

१ कोरिन्थी १०:१३ यस पाठसित कसरी सान्दर्भिक छ?

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)

येशूको बाल्यकाल

येशूको बाल्यकाल

हुर्काइ

आफू जन्मनुभएको दिनदेखि नै बालक येशू शैतानको तारो बन्नुभयो (प्रकाश १२:१०) भन्ने कुरा हामीले पहिलो पाठमा अध्ययन गर्‍यौं। हामी पनि नयाँ गरी जन्मेको दिनदेखि नै शैतानको तारो बन्दछौं। तर परमेश्वर शैतानभन्दा महान् हुनुहुन्छ (१ यूहन्ना ४:४)। परमेश्वरले आफ्नो योजना बिगार्न शैतानलाई कुनै ठाउँ दिनुहुन्न। येशूको निम्ति रचिएको परमेश्वरको योजना शैतानले बिगार्न असम्भव थियो। परमेश्वरमाथि भरोसा राख्‍नेहरूका निम्ति रचिएको परमेश्वरको योजना पनि शैतानले बिगार्न सक्दैन।

आजको पाठमा हामी येशू ख्रीष्टको हुर्काइको बारेमा अध्ययन गर्नेछौं। उहाँ एक शिशुदेखि बालक, बालकदेखि युवा, युवादेखि जवान मानिस बन्दै जानुभएको बारेमा अध्ययन गर्नेछौं। उहाँको बाल्यवस्था र युवावस्थाको बारेमा बाइबलले के बताउँछ? जीवनको एक खुड्किलादेखि अर्को खुड्किलामा हामी कसरी चढ्नुपर्छ? उमेर चढ्दै जाँदा हामी कसरी परिपक्व हुँदै जानुपर्छ भनेर बुझ्न शायद यस अध्ययनले हामीलाई केही मदत गर्नेछ।

येशू ख्रीष्टको हुर्काइको बारेमा बाइबलले ज्यादै थोरै मात्र बताउँदछ। येशू ख्रीष्टको बारेमा उपलब्ध अधिकांश विवरण उहाँको ३½ वर्षको सार्वजनिक सेवाकार्य (Public Ministry) सित सम्बन्धित छ। उक्त अवधिले उहाँको बप्‍तिस्मादेखि (लूका ३:२१ -२२ ) उहाँको मृत्यु र पुनरुत्थान (लूका २३ र २४ ) सम्मलाई समेट्छ। आफ्नो सार्वजनिक सेवाकार्यको शुरुमा येशू ख्रीष्ट कति वर्षको हुनुहुन्थ्यो (लूका ३:२३? प्रायः ______________।

लूकाको पुस्तकामा येशूको हुर्काइ सम्बन्धी दुइटा पदहरू छन्। ती पदहरूलाई राम्ररी अध्ययन गरौं:

लूका २:४० लूका २:५२
शिशुदेखि बाह्र वर्षको उमेरसम्मबाह्र वर्षदेखि तीस वर्षको उमेरसम्म
“अनि बालक ________भयो, र ______ले परिपूर्ण भएर आत्मामा बलियो हुनुभयो; अनि परमेश्वरको अनुग्रह उहाँमाथि थियो।”“अनि येशू _______मा, ____________मा र _______________ र __________को अनुग्रहमा बढ्दै जानुभयो।“

लूका २:४० अनुसार सानो बालक येशू केवल शारीरिक कद र बलमा मात्र नभएर बुद्धिमा पनि बढ्नुभयो। उहाँ निरन्तर बुद्धिले भरिँदै जानुभयो। के एउटा सानो बालक (जस्तै, ३ वर्ष, ५ वर्ष, ७ वर्ष, ९ वर्ष, ११ वर्ष) बुद्धिमा बढ्न सक्छ? बुद्धिमा बढ्न के ऊ २० वर्षको उमेरसम्म पर्खनुपर्छ? _____________। के तपाईं अहिले नै बुद्धिमा बढ्न सक्नुहुन्छ? __________। बुद्धि भनेको के हो? बुद्धि भनेको १४ले २८लाई गुणन गर्न सक्नु हो? __________। बुद्धि भनेको इतिहास र विज्ञानका कुराहरू सिक्न सक्नु हो? __________। एउटा विद्यार्थीले स्कूलका सम्पूर्ण विषयहरूमा पूर्णाङ्क प्राप्‍त गरेर पनि के ऊ बुद्धिहीन नै रहन सक्छ? __________। वास्तवमा बुद्धि परमेश्वरसित सम्बन्धित कुरा हो कि (हितोपदेश ९:१०)? __________।

सही काम गर्न सक्न र सही ढङ्गले जिउन सक्न हाम्रो उमेर कति पुगेको हुनुपर्छ? यदि कुनै साना केटाकेटी गलत काम गर्न सक्ने भइसकेका छन् भने के तिनीहरूले सही काम पनि गर्न सक्नुपर्ने हो? ________। यदि साना केटाकेटीले कथा र कमिक्स पढ्न सक्छन्, बोल्न सक्छन् भने के तिनीहरूले बाइबल पढ्न र प्रार्थना गर्न पनि सक्नुपर्ने हो? ________। के यस्ता कुराहरू गर्न तपाईंको उमेर पुगेको छ? _______।

साथै हामीले कदापि यस्तो भन्न सक्दैनौं, “हुर्कने काम कति गाह्रो छ, यसमा कति संघर्ष छ भनेर परमेश्वरलाई के थाहा छ र?” बास्तवमा, परमेश्वर हाम्रा एक-एक पाइला जान्नुहुन्छ। क्रूसमा मर्नुहुने प्रभु एक समय एउटा केटो हुनुहुन्थ्यो। साना केटाकेटीहरू प्रति उहाँ विशेष चासो राख्‍नुहुन्छ र ठूलाहरू प्रति पनि। तपाईंको जस्तै उहाँका पनि बाबु-आमा थिए (लूका २:४१)। तपाईंको जस्तै उहाँका पनि भाइ-बहिनीहरू थिए (मर्कूस ६:३)। हामी जस्तै उहाँ पनि ११, १२, १३ वर्ष उमेर हुँदै बढ्नुभयो।

लूका २:५२ मा अझ अरू कुरा मानिसका पुत्रको हुर्काइ सम्बन्धी सिक्दछौं। यस पदलाई बुझ्न निम्न चित्रको मदत लिऊँ:

प्रभु येशू ख्रीष्ट बढ्दै जानुहुँदा उहाँले जीवनका यी चारै क्षेत्रमा निरन्तर प्रगति गर्नुभयो। शरीरमा बढ्न उहाँलाई कुनचाहिँ पेशाले मदत गर्‍यो (मर्कूस ६:३)? ____________। एउटा मानिस उसले मानसिक क्षेत्रमा प्रगति गरेर पनि सामाजिक क्षेत्रमा अपरिपक्व हुन सक्छ? अर्थात् उसले धेरै विषयमा जानकारी प्राप्‍त गरेर पनि ऊ मानिसहरूसित राम्ररी हेलमेल गर्न नसक्ने हुन सक्छ? ________। तीस वर्षको हुर्काइको अन्तमा परमेश्वरले आफ्ना पुत्रलाई हेर्नुहुँदा के उहाँ प्रसन्न हुनुहुन्थ्यो (लूका ३:२२)? ______________।

बाइबलमा येशूको हुर्काइ सम्बन्धी हामीलाई थोरै मात्र बताइएको भए तापनि एउटा महत्त्वपूर्ण कुरा भने उल्लेख छ। लूका २:५१ बाट हामी जान्दछौं येशू सधैं आफ्ना बाबुआमाको ____________मा रहनुभयो। आफूलाई यूसुफ र आफ्नी आमाको अधिकारमुनि सुम्पँदै उहाँले उनीहरूको आज्ञापालन गर्नुभयो। उहाँले आफ्ना बाबुआमाको आदर गर्नुभयो। केटो हुनुहुँदा, युवा हुनुहुँदा उहाँले विद्रोह गर्नुभएन, हठी र अनाज्ञाकारी बन्नुभएन। उहाँले कलस्सी ३:२० र एफेसी ६:१ -२लाई सिद्धरूपमा पालन गर्नुभयो। तपाईं चाहिँ कस्तो खालको छोरा वा छोरी हुनुहुन्छ?

  1. सधैंजसो आज्ञापालन गर्ने र बाबुआमाको अधीनमा रहने
  2. साधारणतया आज्ञापालन गर्ने र बाबुआमाको अधीनमा रहने
  3. कहिलेकाहीँ आज्ञापालन गर्ने र बाबुआमाको अधीनमा रहने
  4. विरलै आज्ञापालन गर्ने र बाबुआमाको अधीनमा रहने

यदि यो उमेरमा तपाईंले आज्ञा नमान्न सक्नुहुन्छ भने, तपाईंले आज्ञा मान्न पनि तपाईंको उमेर पुगेको छ कि? ________।

छुट्नुभयो तर हराउनुभएन

आफ्नो परिवारसित येरुशलेम जानुहुँदा बालक येशू कति वर्षको हुनुहुन्थ्यो (लूका २:४२)? ________। येशू बसोबास गर्नुहुने शहर __________ (लूका २:३९ ) बाट यरुशलेम लगभग ११२ किलोमीटर टाढा पर्थ्यो। मरियम र यूसुफ यरुशलेमबाट फर्कने क्रममा येशूले के गर्नुभयो (लूका २:४३)? के उहाँका बाबुआमालाई यो थाहा थियो? __________। उहाँ कहाँ हुनुहुन्छ होला भनी उनीहरूले सोचेका थिए (लूका २:४४)? ______________________________________________________। उहाँलाई भेट्टाउन कति समय लाग्यो (लूका २:४६ ) __________। के मरियम र यूसुफ तीन दिनसम्म चिन्तित भएका थिए (लूका २:४८)? ________। अन्तमा उनीहरूले उहाँलाई कहाँ भेट्टाए (लूका २:४६)? ______________। त्यसबेला के येशू पनि चिन्तित हुनुभएको थियो (लूका २:४९)? ________।

येशू परमेश्वरको भवनमा बाइबल (पुरानो नियम) अध्ययन गर्ने र सिकाउने यहूदी गुरूजनहरूको बीचमा बसिरहनुभएको थियो। येशू उनीहरूका बीचमा बस्नुहुँदा उहाँको धारणा कस्तो थियो? “म परमेश्वरको पुत्र हुँ तर यी शिक्षकहरू केही नजान्ने मानिस मात्रै हुन्। त्यसैले म तिनीहरूको कुरा सुन्दिनँ अनि म उनीहरूलाई कुनै प्रश्‍न गर्दिन किनकि उनीहरूले मलाई के नै सिकाउन सक्छन् र।” के उहाँको धारणा यस्तो थियो? __________।

येशूले प्रश्‍न मात्र गर्नुभएन, उहाँले ज ________ (लूका २:४७ ) पनि दिनुभयो। तिनीहरूका साना “चेला”ले उनीहरूलाई सिकाउन थालेको देख्दा ती शिक्षकहरू छक्क परे। येशूले उनीहरूलाई प्रश्‍न गर्नुहुँदा शायद उनीहरूले उहाँको गहिरो बुद्धि देखे र नै उनीहरूले उल्टो उहाँलाई प्रश्‍न गर्न थाले! ९, १०, ११, १२ वर्षका साना केटाकेटीहरूले समझ प्राप्‍त गरेको र जवाफहरू प्राप्‍त गरेको के परमेश्वर चाहनुहुन्छ? तपाईंको निम्ति परमेश्वर यही चाहनुहुन्छ? तपाईं जवाफहरू चाहनुहुन्छ? तपाईं प्रश्‍न सोध्ने गर्नुहुन्छ? सोध्ने गर्नुहुन्न भने किन गर्नुहुन्न? प्रश्‍न गर्दैमा सधैं नै तुरून्त कुरा बुझिन्छ भन्ने हो? जब जब हामी विचार गर्छौं, प्रश्‍न गर्छौं र जवाफको खोजी गर्छौं तब तब हामी केही समझ प्रप्‍त गर्छौं, अझ बुझ्दै जान्छौं।

बाबुआमाले उहाँलाई भेट्टाएपछि, येशूले उनीहरूलाई भन्नुभयो: “म मेरा पिताको काममा व्यस्त रहनुपर्छ भन्ने कुरा के तपाईंहरूलाई थाहा थिएन?” यहाँ येशूले “मेरा पिता” भन्नुभयो। के उहाँले यूसुफको बारेमा कुरा गर्दै हुनुहुन्थ्यो? __________। याद राख्‍नुहोस्, यूसुफ येशूका बास्तविक बाबु थिएनन् (हेर्नू: लूका १:३१, ३४ -३६ र मत्ती १:१८-२५) यद्यपि उनले येशूलाई हुर्काउने र सिकाउने काम र उहाँको निम्ति प्रबन्ध गर्ने काम गरे। यूहन्नाको सुसमाचारको पुस्तकमा येशूले झण्डै ४० पटक “मेरा पिता” भन्नुभएको पाउँछौं (जस्तै: यूहन्ना ५:१७, ८:२८ ) तर कुनै पनि सन्दर्भमा उहाँले यूसुफको कुरा गर्नुभएको थिएन। येशूको पिता स्वर्गमा बस्नुहुने परमेश्वर हुनुहुन्थ्यो।

येशू कुन ठाउँमा हुनुहुन्छ भनेर मरियम र यूसुफले जान्नुपर्ने थियो! उहाँ हराउनुभएको थिएन। उहाँ ठीक ठाउँमा, ठीक काम गर्दै हुनुहुन्थ्यो!

तपाईंका बाबुआमाले तपाईंलाई कस्तो ठाउँमा भेट्टाउँछन्? तपाईंले के गरिरहेको भेट्टाउँछन्? तपाईं ठीक ठाउँमा, ठीक काम गरिरहेको भेट्टाउँछन्? स्वर्गीय पिताको कुराहरूमा मन लगाइरहेको भेट्टाउँछन्? बाइबल पढिरहेको भेट्टाउँछन्? प्रार्थना गरिरहेको कहिल्यै भेट्टाउँछन्? खाँचोमा परेकाहरूलाई सहायता गरिरहेको भेट्टाउँछन्? साथीलाई प्रभुको बारेमा बताइरहेको भेट्टाउँछन्? तपाईंका बाबुआमा तपाईंलाई स्कूलमा भेट्न आउनुभयो भने तपाईंले ठीक ठाउँमा, ठीक काम गरिरहेको भेट्टाउनेछन्? तपाईंले कसको काममा मन लगाइरहेको भेट्टाउनेछन् होला? आफ्नै काम? साथीहरूको काम? संसारको काम? परमेश्वरको काम?

प्रत्येक बाल-बालिकाले ठीक ठाउँमा, ठीक काम गरिरहन सम्भव छ भनी बालक येशूले प्रमाणति गर्नुभयो। के तपाईं ठीक ठाउँमा, ठीक काम गर्दैहुनुहुन्छ ?

यो अध्ययन माला मीडलटाउन बाइबल चर्चद्वारा प्रकाशित सामग्रीबाट नेपालीमा अनुवाद गरिएको हो। यसलाई अध्ययन गर्दा ट्रिनिटेरियन बाइबल सोसाइटी (TBS) द्वारा प्रकाशित पवित्र बाइबल प्रयोग गर्नुभयो भने तपाईंलाई सहज हुनेछ। तपाईंलाई एकमात्र सत्य परमेश्वर र उहाँका पुत्र प्रभु येशू ख्रीष्टको व्यक्तिगत ज्ञानमा आइपुग्न र त्यसमा बढ्दै-बढ्दै जान पवित्र आत्माले यी अध्ययनहरूलाई प्रयोग गर्नुभएको होस्! (१ पत्रुस २:२; २ पत्रुस ३:१८)