उलटपुलट

उलटपुलट

एस्तर ९-१०

एस्तर ९:१ ले एक महत्त्वपूर्ण दिनको उल्लेख गर्दछ: बाह्रौं महिनाको तेह्रौं दिन। पहिलो राजकीय उर्दी अनुसार उक्त दिनमा के हुनुपर्थ्यो (एस्तर ३:१३)? ____________________________________________ __________________________________। दोस्रो राजकीय उर्दी अनुसार उक्त दिनमा के हुनुपर्थ्यो (एस्तर ८:११-१२)? ______________________ _________________________________ _______________________________।

यहूदीहरूका निम्ति उक्त दिन इतिहासमा अविस्मरणीय दिन बन्यो। यहूदीहरूलाई पराजित गर्ने र नष्ट गर्न चाहनेहरू आफै पराजित भए! परिस्थिति यहूदीहरूका शत्रुकै विरुद्धमा उल्टिन गयो। नष्ट गर्न चाहनेहरू नै नष्ट गरिए। इस्राएलको इतिहासमा अर्को यस्तै उदाहरण सम्झनुहोस् त जब यहूदीहरूलाई नष्ट गर्न खोजिरहेकाहरू आफै नष्ट भए (प्रस्थान १४:२३-३१)? __________________________ ___________________________ _____________________________।

एस्तरको समयमा इस्राएल राष्ट्रलाई छुटकारा दिनुहुने उही परमेश्वरले आज पनि आफ्नो इस्राएल राष्ट्रलाई जोगाइराख्नुभएको छ (यद्यपि अधिकांश यहूदीहरू अविश्वासको कारण अन्धा भएका छन् (रोमी ११:२५)। आधुनिक युगमा यो कुरा पूरा भएको एउटा उदाहरणस्वरूप १९६७ सालको घटनालाई लिन सकिन्छ जब परिस्थिति यहूदीहरूका अरबी शत्रुहरूको विरुद्धमा उल्टिन पुग्यो:

“उक्त घटनालाई बयान गर्ने एउटै शब्द हो, आश्चर्यकर्म। मध्यपूर्वमा विस्फोटन भएको युद्ध ६० घण्टामै इतिहास बन्न पुग्यो। उसलाई निमिट्यान्न पार्न शपथ खाएका चारैतिरका अरब राष्ट्रहरूमाथि सानो राष्ट्र इस्राएल विजयी भएर निस्क्यो। मध्यपूर्वी गठबन्धनहरू, शक्ति-सन्तुलनका पक्षहरू, राजनीतिक सिमानाहरू समेतले नयाँ आकार लिए, मानौं एक बाइबलीय प्रलयको प्रहारले। इतिहासमा त्यस्ता घटना कमै होलान् जसमा विजय यति प्रभावकारी थियो अथवा यति छोटो अवधिभित्र उक्त विजय यति प्रस्टै निर्णायक बन्न पुग्यो। इस्राएलले आफ्नो सहसाक्रमणलाई यति चाँडो अघि बढायो, युद्ध भइरहेछ भनी संसारले महसुस गर्न नपाउँदै इस्राएलका दुश्मनहरूले युद्ध जित्ने साधनदेखि बञ्चित हुनुपर्यो…इस्राएलीहरूले त्यस्तो हर्षोन्मादको अनुभूति गरे जसको भागिदार कुनै पनि पुस्ताका थोरै मानिसहरूले मात्र पाउँछन्” (लाइफ, जुन १६, १९६७, पृष्ठ ३३,३८)। इस्राएललाई रक्षा गर्नुहुने व्यक्तिको सम्बन्धमा कुन कुरा साँचो छ (भजनसङ्ग्रह १२१:४)? ________ ______________________। यहूदीहरू आफ्ना थुप्रै शत्रुहरूदेखि आफूलाई प्रतिरक्षा गर्न जम्मा हुँदा, फारसी सरकार यहूदीहरूका पक्षमा थिए कि विरुद्धमा (एस्तर ९:२-४)? __________________। यहूदीहरूले राजधानी शूशनमा कतिजना शत्रुलाई मारे (एस्तर ९:५-६)? __________________________। उक्त संहारमा को पनि परे (एस्तर ९:७-१०)? ______________________________। टिप्पणीः हामान मोर्दकैलाई मात्र मार्न सन्तुष्ट थिएनन्। उनले सबै यहूदीहरू नष्ट भएको चाहन्थे। आखिरमा हामान मात्रै मरेनन्। उनका दस भाइ छोराहरूका साथ-साथै यहूदीहरूलाई घृणा गर्ने हजारौं मरे। आफ्ना शत्रुहरूको मालमत्तामा हात हालेर आफूलाई धनी बनाउन के यहूदीहरूलाई अनुमति थियो (एस्तर ८:१२)? ________। के तिनीहरूले त्यसो गरे (एस्तर ९:१०,१५,१६)? ______________। तिनीहरूको सबभन्दा ठूलो इच्छा आफ्नो प्रतिरक्षा गर्नु थियो, आफूलाई धनी बनाउनु होइन।

राजधानीमा भएको ठूलो संहार देखेर राजा छक्क परे। “तिनीहरूले यहाँ ५०० लाई मारे भने अन्य ठाउँमा कतिलाई मारे होलान्?” राजाको प्रश्नको जवाफ के थियो (एस्तर ९:१६)? ____________________ ____________। आफ्ना शत्रुहरूलाई पराजित गर्न शूशनका यहूदीहरूलाई कति दिन लाग्यो (एस्तर ९:१५)? ____________________। अन्य प्रान्तहरूका यहूदीहरूलाई आफ्ना शत्रुहरूलाई पराजित गर्न कति दिन लाग्यो (एस्तर ९:१६-१७)? ____________________ रानीको माग अनुसार, हामानका दस छोराहरूका मृत शरीरहरूलाई के गरियो (एस्तर ९:१३-१४)? ____________________________ ____________________________ (यसको अर्थ हो, तिनीहरूका मृत शरीरहरू काठको शुलीमा चढाइए)। व्यवस्था २१:२२-२३ अनुसार, कुनै व्यक्तिको शरीर रूखमा झुण्डयाइनुको अर्थ के हुन्थ्यो?

  1. उसमाथि परमेश्वरको आशिष थियो
  2. उसमाथि परमेश्वरको अनुग्रह थियो
  3. उसमाथि परमेश्वरको कृपा थियो
  4. उसमाथि परमेश्वरको श्राप थियो

परमेश्वरको श्राप हामान र उनका दस छोराहरूमाथि किन आइपर्यो (उत्पत्ति १२:३)? __________ __________________________________________। गलाती ३:१० अनुसार परमेश्वरको श्राप कसमाथि रहन्छ? _____________________________ ___________________________। परमेश्वरको पवित्र व्यवस्थालाई कुनै पापी मानिसले सिद्ध रूपमा पालन गरेको छ (तुलना गर्नुहोस् याकूब २:१०-११)? ________। तपाईं एक व्यवस्था भङ्ग गर्ने व्यक्ति हुनुहुन्छ कि व्यवस्था पालन गर्ने व्यक्ति? __________________________________________। तपाईंको निम्ति को श्रापित बनिनुभयो अनि व्यवस्था भङ्ग गर्नेहरूले पाउनु पर्ने मृत्यु दण्ड कसले भोगिदिनुभयो (गलाती ३:१३)? ______________________________। के उहाँ तपाईंको निम्ति एउटा रूखमा झुण्डिनुभयो (गलाती ३:१३; प्रेरित ५:३०; १ पत्रुस २:२४)? ____________________। उहाँले सम्पन्न गर्नुभएको कामको कारणले एक विश्वासी जनमाथि के रहन्छ: परमेश्वरको श्राप कि परमेश्वरको आशिष (एफेसी १:३)? ______________________________। हामी श्रापित हुन योग्य छौं तर परमेश्वरको अनुग्रहले हामी आशिषति भएका छौं!

निश्चय नै परमेश्वरको श्राप हामानमाथि थियो। एस्तर अध्याय ९ मा एउटा पद भेट्टाउन सक्नुहुन्छ जसले हामानको जीवन र मृत्युमा “म ताक्छु मुढो, बञ्चरो ताक्छ घुँडो” भन्ने उखान पुरा भएको देखिन्छ? पद ________।

यहूदीहरूले अनुभव गरेको घटनाक्रमको उलटपुलट ज्यादै आश्चर्यजनक थियो। एस्तर ९:२२ अनुसार उनीहरूको दुःख ________________मा परिणत भयो अनि उनीहरूको शोक मनाउने दिनहरू भोज र रमाहटका दिनहरूमा परिणत भए! के हामानको सम्बन्धमा ठिक उल्टो हुन गयो (दाँज्नुहोस्, एस्तर ५:९ र ६:१२)? __________। आपत्तिजनक देखिने कुनै कुरालाई प्रभुले एउटा आशिषपूर्ण र आनन्दमय कुरामा परिणत गर्न सक्नुहुन्छ। प्रभुका चेलाहरूका निम्ति उहाँको क्रूसको मृत्यु संसारकै सबभन्दा ठूलो दुर्दशा थियो। तर के परमेश्वरले त्यहाँ ठूलो उलटपुलट ल्याउनुभयो (यूहन्ना १६:२०)? __________________। के परमेश्वरले तपाईंको जीवनको विपदग्रस्त देखिने कुरालाई लिएर त्यसलाई अर्कै थोकमा परिणत गरिदिन सक्नुहुन्छ? ________________। अझ महत्त्वपूर्ण कुरा त! के परमेश्वरले तपाईं स्वयंलाई लिएर तपाईंलाई नै परिवर्तन गराउन सक्नुहुन्छ (तुलना गर्नुहोस्, प्रेरित २६:१८)? ____________________

यहूदीहरूले त्यो महान् छुटकाराको उपलक्षमा उत्सव मनाए (एस्तर ९:१७-१९)। एस्तर र मोर्दकैले सो उत्सव वर्षेनी मनाइओस् भन्ने चाहे। यस यहूदी चाडलाई कुन नाम दिइयो (एस्तर ९:२६)? ______________। यो नाम, त्यो भयानक विनाशकारी दिनको सम्झनामा राखियो (जुन दिन हामानले गोला अर्थात् “पुर” हालेर तय गरेका थिए), जुन दिन चाहिँ एक आश्चर्यजनक छुटकाराको दिनमा परिणत भयो।

एस्तर ९:२७ अनुसार उक्त चाड वर्षेनी मानिसहरूका तीन समूहले मनाउनुपर्थ्यो:

  1. यहूदीहरूले
  2. उनीहरूका भावी पुस्ताहरूले
  3. यहूदी बनेका अन्यजातिहरूले (हेर्नुहोस्, एस्तर ८:१७)

    ती दिनहरूको “स__________ तिनीहरूका सन्तान-दरसन्तानहरूमा कहिल्यै नरोकिओस्” भनी ठहराइयो (एस्तर ९:२८)। यस महान् छुटकारालाई तिनीहरूले कहिल्यै बिर्सनुहुन्नथ्यो! यहूदीहरूले बिर्सन नहुने अर्को कुन कुरा थियो (व्यवस्था १५:१५; २४:१८)? _______________________ _______________________ ____________________________________। के तिनीहरूले उक्त महान् छुटकारालाई चाडको रूपमा वर्षेनी मनाउनुपर्थ्यो (प्रस्थान १२:१४-१८)? __________। आज विश्वासीहरूले कहिल्यै बिर्सन नहुने छुटकारा कुनचाहिँ हो (१ कोरिन्थी ११:२४-२५; दाँज्नुहोस् २ कोरिन्थी १:१० कलस्सी १:१३ गलाती १:४)? ________________________ ____________________________। उक्त छुटकाराको सम्झना वर्षको एकपटक मात्र नभई धेरै पटक गरिनुपर्दछ (१ कोरिन्थी ११:२६)!

    मोर्दकैको महानता एस्तर अध्याय १० मा (९:४ मा पनि हेर्नुहोस्) उल्लेख छ। मोर्दकैले पाएका अख्तियार र ओहोदा पाउन कुनचाहिँ व्यक्तिले अति लालसा गरेका थिए (दाँज्नुहोस् एस्तर ५:११-१२; ६:७-९)? ____________। मोर्दकै घमण्डले फुलेर आफ्नो अख्तियार र ओहोदा आफैंलाई उचाल्न दुरूपयोग गरेनन्, तर त्यसलाई उनले आफ्ना वचन र कामद्वारा यहूदीहरूको भलाइको निम्ति प्रयोग गरे। विश्वासी जनको लक्ष्य के हुनुपर्छ (१ कोरिन्थी १०:२४,३३; रोमी १५:१-३)? ________________________________ _________________________ _______________________________ __________________________। राजामुनिको पद (अर्थात् राजापछिको ओहोदा) मोर्दकैको थियो। अरू कुन यहूदीहरूलाई यस संसारका राज्यहरूमा उच्च स्थानहरू दिइएका थिए?

    1. उत्पत्ति ४१:३७-४५ ________________________ (मिस्री राज्य)
    2. दनिएल ५:२९; ६:१-३ ________________________ (बेबिलोन र मादी-फारसको राज्य)
    3. नहेम्याह १:११; २:१ ________________________ (फारसी राज्य)

    एस्तरको पुनरावलोकन

    परमेश्वर आफ्नो इच्छामा, अदृश्य रूपमा, निम्न कामहरू सम्पन्न गर्न कसरी काम गर्नुभयो (अर्थात् व्यक्तिहरू, घटनाहरू, परिस्थितिहरू आदि प्रयोग गर्दै पर्दाको पछाडिबाट कसरी काम गर्नुभयो)?

    1. एउटा रानीलाई पदमुक्त गर्न।
    2. एस्तरलाई रानीको रूपमा छनोट गर्न।
    3. विनाशको दिनको छनोट गरिन।
    4. राजाका सामु एस्तर बिनासमस्या उपस्थित हुन।
    5. मोर्दकैले राजाको ज्यान बचाइदिएको कामको सम्झना गरिन।
    6. हामानलाई पतन गराउन।
    7. अपरिवर्तनीय उर्दीको प्रतिकार गर्न र त्यसमाथिको विजय हासिल गराउन।
    8. घटनाक्रमको उदेकलाग्दो उलटपुलट (विनाशको सट्टा विजय, शोकको सट्टा आनन्द)।

    परमेश्वरको क्रियाकलाप रहस्यमय छ! एस्तरको समयमा काम गर्नुहुने परमेश्वर आज पनि काम गर्दै हुनुहुन्छ। घटना तथा परिस्थितिका पछाडि राजा तथा राज्यहरूका पछाडि, पुरूष, स्त्री, केटा, केटी सबैका जीवनमा काम गर्दैहुनुहुन्छ। तपाईंको जीवनमा पनि!

हामानको पतन

हामानको पतन

 

हामानको पतन

एस्तर ७

तिनकी पत्नी र मित्रहरूले हामान, यहूदी मोर्दकैको सामुन्ने “निश्चय नै पतन हुनेछ” भनी चेताउनी दिसकेका थिए (एस्तर ६:१३)। तिनीहरू कुरा गरिरहेकै बेलामा हामान एस्तरको दोस्रो भोजमा लगियो। एस्तरको पहिलो भोज अघिल्लो दिनमा भएको थियो। यी दुइ भोजहरूका बीचमा केही महत्त्वपूर्ण घटनाहरू घटे। तीमध्येका केही घटनाहरू के-के थिए? _________________________________________ ___________________________________________ _____________________________________________ _____________________________________________ _______________________________ _____________________________________________ _________________________ _________________________

फेरि पनि राजाले एस्तरलाई आफ्नो माग जाहेर गर्ने मौका दिए। यस पटक रानी चुप बस्दिनन्, तर साहससित आफ्नो र यहूदीहरूका पक्षमा बोल्छिन्। त्यसबेला एस्तरले निकै साहस बटुल्नुपरेको थियो किनकि यसरी बोल्नाले उनले आफू यहूदी भएको कुरा प्रकट गर्दै थिइन्। साथै उनले राजाकै उर्दीको विपरितमा माग राख्दै थिइन् र राजाको सबभन्दा शक्तिशाली अफिसरको विरोध गर्दै थिइन्। यस्तो माग राख्नु चाहिँ मृत्य र जीवनकै सवाल हो भनी एस्तर जान्दथिन्। हुन पनि आखिरमा, एस्तरलाई जीवन मिल्यो, हामानलाई मृत्यु!

जब हामान र राजाले सबै यहूदीहरूलाई मार्ने उर्दी निकाले, एस्तर एक यहूदी भएको कुरा प्रकट नभइसकेको हुनाले उक्त उर्दीले रानीलाई समेत समेट्दैछ भन्ने कुरा उनीहरूलाई थाहा भएन। आफ्नो जाति पतन हुन लागिरहेको कुराको बयान गर्दा एस्तरले राजकीय उर्दीमै प्रयोग भएका (नाश गरिन, मारिन, र नाउँनिशानै मेटिनलाई (यी तीन वाक्यांशहरूलाई नै प्रयोग गरिन्। यदि यहूदीहरू दासत्वमा बेचिनेभएका भए, के एस्तरले उनीहरूको निम्ति आफ्नो मुख खोल्नेथिइन् (एस्तर ७:४)? ________________। उनीहरूका ज्यानै खतरामा भएकोले एस्तर चुप बस्न सकिनन्।

जब एस्तरको कुरा राजाले सुने, तब त्यस्तो दुष्कर्म गर्न खोज्ने को हो भनी उनले सोधे (”त्यो को हो” “त्यो कहाँ छ?” ( एस्तर ७:५)। एस्तरले, आफू साथै आफ्ना जातिको सामु खडा भएको यो ठूलो समस्याको जड को हुन् भनी बताइन् (एस्तर ७:६)? ____________। आफ्नो दुष्ट योजनाहरू पूरा गर्न शैतानले हामानलाई चलाउने प्रयास गरेको भए तापनि, परमेश्वरका जनहरूका विरुद्धमा गरिन लागेको हामानको यो ठूलो पापको दोषी वास्तवमा को थियो (एस्तर ७:५, दाँज्नुहोस् मत्ती १५:१९)?

  1. (क) हामानकी पत्नी
  2. (घ) हामानका बाबुआमा
  3. (घ) हामानका मित्रहरू
  4. (ङ) राजा अहासूरस
  5. (ग) हामानकै

    दुष्ट हृदय

भोज गर्ने कोठाबाट बगैंचामा निस्केर जाँदा, राजाको मन कस्तो अवस्थामा थियो (एस्तर ७:७)?

  1. (क) डरले भरिएको थियो
  2. (ग) अलिकति खिन्न थियो
  3. (घ) शान्त थियो
  4. (घ) क्रोधी अवस्था

हामानको अवस्था चाहिँ कस्तो थियो (एस्तर ७:६)? ______________________ (त्रसित!)। राजाको अनुपस्थितिमा हामानले रानीका सामु आफ्नो ज्यान जोगाइयोस् भनी जोडदार विन्ती चढाउन थाल्छन्। जसले यहूदीहरू (एस्तर समेत) लाई नाश गर्ने योजना गरेका थिए, अब आफ्नो ज्यान बचाइयोस् भनी यहूदी एस्तरलाई विन्ती गर्दैछन्। यहूदीहरूको डरलाग्दो शत्रु अब आफ्नै ज्यान बचाउका निम्ति एक यहूदी स्त्रीको शरणमा पर्दछन्!

हामान, निगाह पाउन विन्ती गर्दै रानीको सामुन्ने पलङको छेउमा पसारो परे (केही समय अघि अरूहरू हामानको सामु पसारो पर्नु पर्थ्यो, तर अब ऊ आफै आफ्नो ज्यानको निम्ति पसारो पर्नु पर्यो)। फर्केर आएका राजाले हामानलाई एस्तरको पलङमा देख्दा, हामानले रानीलाई आक्रमण गर्न खोजेको ठाने। राजाको रीस झनै दन्क्यो अनि उनको मुखबाट मृत्युदण्डको आदेश निस्क्यो। त्यो सुनेबित्तिकै तिनीहरूले हामानको मुख छोपे, जसरी उसबेलाका समयहरूमा मृत्यदण्डका लागि ठहराइएका व्यक्तिहरूलाई गरिन्थ्यो।

के हामानको भाग्य बिग्रेर यस्तो हुनगएको थियो कि परमेश्वरले उसलाई उसले पाउनुपर्ने फल दिइरहनु भएको थियो? __________________________________________________________________। यो एउटा आत्मिक सिद्धान्त हो — दुष्टका पापहरूले प्रायः कुनै न कुनै दिन तिनीहरूलाई नै सताउँछ। अध्ययन गर्नुहोस्, हितोपदेश २६:२७; २८:१०। अब एस्तर ७:९-१० पढ्नुहोस् अनि बताउनुहोस्, कसरी हामानको जीवन र मृत्यले उक्त आत्मिक सिद्धान्तलाई पुष्टि गर्दछः ______________________________________________ __________________________________________________________________________________________________________________________________________________________________________________________________________।

भजनसङ्ग्रह ९:१५-१६ लाई पनि विचार गर्नुहोस्। हामानले थापेको पासो के थियो (एस्तर ५:१४)? ______________________। त्यो पासोमा उसले कसलाई पार्न चाहेको थियो (एस्तर ७:९)? ________________। आखिरमा त्यो पासोमा को पर्यो (एस्तर ७:१०)? ____________। सारा शहरका सामु आफू प्रदर्शनी गरिएको चोहने हामान अब साँच्चीनै सारा शहरकै सामु एउटा ज्यादै अग्लो खाँबोमा सबैले देख्ने गरी प्रदर्शन गरिए!

अपरिवर्तनीय उर्दीको समस्या

एस्तर ८

हामानको उच्च दर्जा (प्रधानमन्त्री) र सम्पत्ति कसलाई दिइयो (एस्तर ८:१-२)? __________________। हामानले यहूदीहरूको सम्पत्तिलाई हात पार्न चाहेका थिए, तर आखिरमा, हामानको सम्पत्ति तिनले घृणा गरेकै शत्रुको हातमा पर्यो।

हामान मरे, तरैपनि उर्दीअनुसार यहूदीहरूको विनाशको दिन आउँदै थियो जुन उर्दी अपरिवर्तनीय थियो र जसलाई राजाले पनि रद्द गर्न सक्दैनथ्यो। हामान मरे तर राजकीय उर्दी जीवितै थियो! यहूदीहरूका शत्रु मरे तापनि उसको दुष्ट-बुद्धि रह्यो किनकि परिवर्तन गर्न नमिल्ने उर्दीका निर्माता उनी नै थिए!

त्यसरी नै, इतिहासमा हामी त्यस्ता व्यक्तिहरू पाउँछौं जोहरू मरे तापनि तिनीहरूका “दुष्ट-बुद्धि” भने आज जीवितै छन्। जस्तै, चार्ल्स् डार्विन् (क्रमविकासवादी सिद्धान्तका पिता) र कार्ल मार्क्स् (साम्यवादका पिता)। के अन्य उदाहरणहरू पनि दिन सक्नुहुन्छ? यी व्यक्तिहरू मरिसके तापनि तिनीहरूका लेखहरूले संसारमा गहिरो प्रभाव जमाएका छन्।

फेरि एक पटक एस्तर रानीले यहूदीहरूका निम्ति राजामा आफ्नो विन्ती चढाइन्। उनले राजालाई हामानले लेखेको उर्दी उल्टाइयोस् भनी विन्ती चढाइन्। राजाले मादी-फारसका कानूनलाई उल्टाउन नसके तापनि उनले मोर्दकैलाई, पहिलो उर्दीलाई माथ गर्न सक्ने, अर्को उर्दी लेख्ने अनुमति दिए। पहिलो उर्दी हटाइन असम्भव थियो तर दोस्रो उर्दी थप्‍न सम्भव थियो।

मोर्दकैद्वारा लिखित दोस्रो उर्दी एस्तर ८:९-१४ मा उल्लेख छ। धेरै हिसाबमा त्यो हामानद्वारा लिखित पहिलो उर्दी जस्तै थियो। दोस्रो उर्दीले यहूदीहरूलाई, उनीहरूलाई विनाश गर्नका निम्ति तोकिएको दिनमा, आफ्नो प्रतिरक्षा गर्न भेला हुनलाई अनुमति प्रदान गर्यो। यो प्रतिउर्दी पहिलो उर्दी जारी गरिएको २ महिना १० दिन पछि जारी गरियो। तोकिएको विनाशको दिन आउनलाई आठ महिनाभन्दा बढी बाँकी नै थियो।

दोस्रो उर्दी निस्केपछि राज्यभरि रमाहट र खुशीयालीले छायो। यहूदीहरूमाथि छाएको निराशाको कालो बादल एक्कासी छयाङ्ग भयो। उनीहरूका पूर्खाहरूलाई परमेश्वरले मिश्रको दासत्वबाट कति अचम्मसित छुटकारा दिनुभएको कुरा प्रस्थानको पुस्तकमा उल्लेख छ। अब फेरि एउटा ठूलो छुटकारा पाउन लागेको अनुभूति यहूदीहरूलाई भइरहेको थियो। घटनाक्रम अचम्मसित यहूदीहरूको पक्षमा मोडियो जसले गर्दा अन्यजातिहरू निकै प्रभावित भए। अन्यजातिहरूमध्ये धेरैजनाले के गरे (एस्तर ८:१७)? __________________________________________________।

हाम्रो निम्ति एउटा महत्त्वपूर्ण शिक्षा

सर्वोच्च राजा, जीवित परमेश्वरले, एउटा अपरिवर्तनीय उर्दी निकाल्नुभएको छ। उक्त उर्दी निम्न पदहरूमा उल्लेख छः

“________लाई परमप्रभुले दण्ड नदिई छोड्नुहुन्न” (नहूम १:३)। अर्थात्, परमप्रभुले दोषीहरूलाई दण्ड दिनैपर्छ!

“परमप्रभु…________लाई कुनै रीतिले निर्दोष नठहर्‍याउनुहुने…हुनुहुन्छ” (गन्ती १४:१८)। यर्सथ, परमप्रभुले दोषीलाई दण्ड दिनुहुनेछ। उहाँले दोषीहरूलाई दण्ड नदिई छोड्न मिल्दैन। “किनभने म ________लाई ____________ ठहर्‍याउनेछैनँ।” (प्रस्थान २३:७)। यर्सथ, दुष्ट व्यक्तिलाई उसका पापको दण्ड दिइनैपर्छ।

साथै, व्यवस्था २५:१, हितोपदेश १७:१५ र हितोपदेश २४:२४ लाई पनि विचार गरौं। यी पदहरूले बताउँछन्, निर्दोष व्यक्तिलाई दण्ड दिने अनि दोषी व्यक्तिलाई छोडिदिने काम परमेश्वर घृणा गर्नुहुन्छ!

पहिलो उर्दीले भन्छ, दोषीलाई दण्ड दिनैपर्छ, जुन दण्ड हो ________ (रोमी १:३२; ६:२३)। परमेश्वरका सामु हामीमध्ये कतिजना दोषी छौं (रोमी ३:१०,१९,२३)? ________। तर्सथ, पहिलो उर्दीअनुसार, सबै मानिसहरू दोषी छन् र तिनीहरूले मृत्य-दण्ड पाउनैपर्छ। यो नै परमेश्वरको व्यवस्था हो!

के उक्त उर्दी परिवर्तन गरिन वा उल्टाइन सम्भव छ? के राजा परमेश्वरले आफ्नो मन बदलेर यसो भन्नु सम्भव छ? — “मैले आफ्नो वचनमा जे लेखें, त्यसको वास्ता नगर। अब मैले दोषी व्यक्तिहरूलाई दण्ड नदिईकनै छोडिदिने निर्णय गरेको छु। म तिनीहरूका पापहरू र दुष्ट कामहरूलाई बिर्सिदिनेछु”। आफूले भन्नुभएका कुराहरूलाई परमेश्वरले के उल्टाउनु सक्नुहुन्छ (गन्ती २३:१९-२०)? __________________।

त्यसो भए के मानव जातिका निम्ति कुनै आशा छ त? के हामी सबै नष्ट हुनैपर्छ? परमेश्वरले भक्तिहीनलाई धर्मी ठहराउन र तिनीहरूलाई तिनीहरूका पापहरूका दण्ड नदिई छाडिदिन कुनै उपाय छ (दाँज्नुहोस्, रोमी ३:२६; ४:५)?

सर्वोच्च राजा, परमेश्वरले पहिलो उर्दी बदल्नु असम्भव छ, तर उहाँले दोस्रो उर्दी निकाल्नु सम्भव छ। दोस्रो उर्दीले यसो भन्दछ,

परमेश्वरका पुत्र, प्रभु येशू ख्रीष्ट, क्रूसमा जानुहुनेछ र दोषीहरूको सट्टामा दण्ड भोग्नुहुनेछ (१ पत्रुस ३:१८; २ कोरिन्थी ५:२१)। उहाँमाथि विश्वास गर्नेहरू पूर्णरूपमा धर्मी ठहरिनेछन् (रोमी ३:२६; ४:५)।

दण्ड, म दोषीमाथि नपरीकन, मेरो सट्टामा मर्नुहुने येशूमाथि पर्यो! उहाँले पूर्णरूपमा उक्त मृत्युदण्ड भोग्नुभयो। मलाई बचाउन उहाँ मर्नुभयो! पहिलो उर्दीले भन्दछ, दोषीहरू मर्नैपर्छ! दोस्रो उर्दीले भन्दछ, विश्वास गर्नेहरू बाँच्न पाउनेछन्!

दोस्रो उर्दीको खुशीको खबरले विश्वास गर्ने प्रत्येक हृदयलाई आनन्दले भर्दछ (भजनसङ्ग्रह ५१:१२; दाँज्नुहोस् एस्तर ८:१५-१७)! दोस्रो उर्दीको उदेकको शुभसन्देश टाढा-टाढासम्म पुर्याइनुपर्दछ (मर्कूस १६:१५; मत्ती २८:१९; दाँज्नुहोस् एस्तर ८:१७)!

के तपाईं परमेश्वरको दोस्रो उर्दीको निम्ति धन्यवादी हुनुहुन्छ?

के तपाईं आफ्नो यस्तो महान् मुक्तिमा रमाहट गर्दैहुनुहुन्छ?

के तपाईं यो खुशीको खबर अरूहरूकहाँ पुर्याउनलाई मदत गर्दैहुनुहुन्छ?

के तपाईं, अरूहरूले यही मुक्तिदातालाई ग्रहण गरून् र तपाईंले जस्तै आनन्द अनुभव गरून् भनी प्रार्थना गर्दैहुनुहुन्छ?

मोर्दकै विरुद्ध हामानको षड्यन्त्र

मोर्दकै विरुद्ध हामानको षड्यन्त्र

 

मोर्दकै विरुद्ध हामानको षड्यन्त्र

एस्तर ५:९-१४

भोजबाट निस्कँदा हामान किन हर्ष विभोर थिए (एस्तर ५:९,१२)? ______________________________ ____________________________________________। कुन कुरा देख्नेबित्तिकै हामानको हर्ष रीसको आगोमा परिणत भयो (एस्तर ५:९)? ________________________________________________________। हामान आफ्नो शत्रुलाई उत्तिनैखेर नाश गर्न चाहन्थे तर तिनले आफैलाई सम्हालेर घर गए (एस्तर ५:१०)।

हामान घर र्फर्केर आफ्ना मित्रहरू र आफ्नी पत्नीलाई बोलाए, र तिनीहरूलाई आफ्ना थुप्रै आशिषहरू बताउन थाले —

१) आफ्नो धन-सम्पत्तिको रवाफ

२) आफ्ना धेरै छोराहरू — हामानका छोराहरू कति थिए (एस्तर ९:१०)? ________। धेरै सन्तान हुनु यहूदीहरू ठूलो आशिष् ठान्दथे; फारसीहरू पनि उस्तै धारणा राख्थे। प्राचीन इतिहासकार हेरोडिटसले फारसीहरूका बारेमा यो लेखे: “अस्त्रको बहादुरीपछि, धेरै छोराहरूका बाबु हुनु नै पुरूर्षार्थको श्रेष्ठताको उत्कृष्ट प्रमाण मानिन्छ। सालैपिच्छे राजाले सबभन्दा धेरै सङ्ख्या देखाउन सक्ने पुरूषलाई बहुमूल्य उपहारहरू पठाउँछन्, किनकि सङ्ख्या नै सामर्थ्य हो भन्ने उनीहरूको धारणा छ।”

३) आफ्नो उच्च ओहोदा

४) उनले पाएका विशिष्ट निमन्त्रणा — राजारानीसँग भोज खान उनले मात्र निम्तो पाएका थिए अनि यो सौभाग्य उनले भोलि पनि पाउनेवाला थिए। एस्तर एक यहूदी भएकी कुरा के हामानलाई थाह थियो? ____________

उपर्युक्त सूचीबाट हामी यो बुझ्दछौं, परमेश्वरले कहिलेकाहिँ दुष्टहरूलाई फलिफाप हुन दिनुहुन्छ भजनसङ्ग्रह ७३:२-७, १२; यर्मिया २१:१०; भजनसङ्ग्रह ३७:१)। हामान धेरै हिसाबमा सफल भएका थिए, तरैपनि कुनचाहिँ मान्छे जीवित रहुन्जेल हामान खुशी हुन सक्दैनथे (एस्तर ५:१३)? ____________। जसरी एउटा सानो सिक्का आँखाकै अगाडि राख्नाले सिङ्गो घाम छेकिन्छ, त्यसरी नै बदलाको भावनाले हामानका सबै आशिषहरूलाई छेकिदिए!

हामानको समस्या समाधान गर्ने उपाय उनकी पत्नी एवं मित्रहरू जान्दथे। “ तिनिहरूले ______________ हात अग्लो एउटा फाँसी दिने खाँबा बनाऊन्; (एस्तर ५:१४)। फाँसी जति अल्गो हुन्छ त्यति नै टाढासम्म त्यो देखिन्छ। बिहान मोर्दकैलाई त्यसमा झुण्डयाउन (रोपेर प्राणदण्ड दिन, भालाजस्तो तीखो टुप्पा भएको खम्बामा शूली चढाउन) हामानले राजासित विन्ती गर्ने भए। हामानलाई यो विचार साह्रै मनपर्यो अनि उनले फाँसी तयार गर्न लगाए!

यसरी, भोलिपल्ट दुईटा कुराहरू हुनेवाला थिए —

१) हामान राजासमक्ष आफ्नो विन्ती राख्नेवाला थिए (मोर्दकै झुण्डयाइयोस् भनेर)।

२) एस्तर राजासमक्ष आफ्नो विन्ती राख्नेवाला थिइन् (यहूदीहरू बचाइयोस् भनेर)।

परमेश्वरले उक्त परिस्थितिको नियन्त्रण कसरी गर्नेवाला हुनुहुन्थ्यो त?

हामान आफ्नो शत्रुको आदर गर्छन्

एस्तर ६

त्यस रात (एस्तरले लगाएको अघिल्लो र पछिल्लो भोजको बीच) राजा अहासूरसलाई के समस्या आइपर्यो (एस्तर ६:१)? ________________________________। निद्रा लाग्ने काम हाम्रो नियन्त्रणभन्दा बाहिरको कुरा हो। सुत्न चाहेर पनि हामीलाई कहिलेकाहिँ निद्रै लाग्दैन। हामी आफ्नो शरीरलाई यसरी आज्ञा दिन सक्दैनौं: “ए मेरो शरीर, अब तिमी एक मिनेटमा निदाऊ!” आँखा खोल्ने र बन्द गर्ने काम हाम्रो नियन्त्रणमै हुन्छ, तर निद्रा लाग्ने काम भने सधैं त्यतिको सजिलो हुँदैन।

निदाउन खोज्नलाई राजाले के गरे (एस्तर ६:१)? ____________________ ______________________________________________ ____________________________। इतिहासको पुस्तकमा राज्यका सबै महत्त्वपूर्ण घटनाहरूको यथार्थ विवरण लेखेर राखिएको हुन्थ्यो। त्यही विवरण राजालाई पढेर सुनाइयो। त्यति नै खेर त्यहाँ एउटा अभिलेख पाइयो जुन कुरा सुनेर राजाको कान ढाडो भयो। त्यो के थियो?

क) करिब चार वर्ष अगाडि सूर्यग्रहण लागेर (चन्द्रमाले सूर्यलाई छेकेर) केही समयका लागि सारा देशमा अन्धकार छाएको थियो।

  1. ख) करिब चार वर्ष अगाडि ग्रीकहरूले फारस राज्यका विरुद्ध युद्ध गरेका थिए।
  2. ग) करिब चार वर्ष अगाडि मोर्दकैले एक षड्यन्त्रको पर्दाफास गरिदिएर राजाको ज्यान बचाएका थिए।
  3. घ) करिब चार वर्ष अगाडि एस्तर महारानी बिरामी परी झण्डै मरेकी थिइन्।

एस्तर ६:३ मा उनको ज्यान बचाइदिएका मोर्दकैलाई कुनै इनाम दिइयो कि दिइएन भनी राजाले आफ्ना भारदारहरूलाई सोधे। के उनको साहसी कामको लागि मोर्दकैलाई कुनै इनाम दिइएको थियो (एस्तर ६:३)? ____________। जसले राजाको ज्यान बचाए उनैलाई राजाको हुकुमले फाँसी (झण्डै) दिनेवाला थिए भन्ने कुरा राजालाई थाहै थिएन!

एक विश्वासी जनले गरेका कतिपय असल र प्रशंसनीय कामहरू अरूले ख्याल गरेका हुँदैनन्। ती सुकर्मका निम्ति उनको कदर सायद नगरिएला, उनलाई इनाम नदिइएला। ख्रीष्टका निम्ति उनले गरेका सेवा कतिपय समय अरूले ख्याल गर्दैनन् र जसरी उनको ज्यानै बचाउने मोर्दकैलाई राजाले बिर्सेर यसरी नै अरूले पनि एक विश्वासी जनका सुकर्मलाई बिर्सन सक्छन्। मानिसले नदेख्नेगरी एक विश्वासी जनले प्रभुको निम्ति “गुप्तमा” गरेका कामहरूलाई कसले देख्नुहुन्छ (मत्ती ६:४,६,१८)? ____________________। कसले एक विश्वासी जनको प्रेमको परिश्रमलाई कहिल्यै बिर्सनुहुनेछैन (हिब्रू ६:१०)? ________________

घटनाक्रम कस्तो अतभुत् रीतिले मोडियो! एक व्यक्तिलाई केवल निद्रा नलागेकोले मोर्दकैको ज्यान जोगिनेभयो! जसलाई हामान झुण्डयाउन चाहन्छन्, उनैलाई अब राजाले सम्मान दिने इच्छा गर्दछन्! हामान मोर्दकैसित बदला लिन चाहन्छन्, राजा भने उनलाई इनाम दिन चाहन्छन्! मोर्दकै सार्वजनिक रूपमा राज्यमै अपमानित गरिनुको सट्टा उनलाई सर्वोत्कृष्ट नागरिकको रूपमा सम्मान गरिनेछ! कसरी यस्तो हुन गयो कसैले भन्ला, मोर्दकैको भाग्य त बलियै रहेछ! “सञ्जोगले” त्यही रात राजा सुत्न सकेनन्। “सञ्जोगले” राजाले अभिलेखहरूको पुस्तक पढियोस् भनी हुकुम गरे! “सञ्जोगले” उक्त पुस्तकमा उल्लेखित सैयौं घटनाहरूमध्येबाट चार वर्ष अगाडिको मोर्दकैको साहसी काम “सञ्जोगले” पढेर सुनाइयो! कस्ता भाग्यमानी मान्छे रहेछन् मोर्दकै! घटनाक्रमले यस्तो मोड लिनुमा खास कसको हात थियो, भाग्यको कि परमप्रभुको? ______________________। मोर्दकैको भाग्य बलियो होइन, मोर्दकैका परमेश्वर बलवान् हुनुहुन्छ “जसले ________ ______________ आफ्नै इच्छाको सल्लाहमुताबिक गर्नुहुन्छ” (एफेसी १:११)!

निम्नलिखित घटनाहरूमा के तपाईं परमेश्वरको हात देख्नुहुन्छ? कि यी सबै घटनाहरू तपाईंलाई सञ्जोगमा भएका कुराहरू हुन् भन्ने लाग्छ? जोडा मिलाउनुहोस्:

***** *****

यो संसार एक सर्वज्ञानी, सर्वशक्तिमान्, सर्वप्रेमी परमेश्वरको नियन्त्रणमा छ अनि उहाँले आफ्नो महिमाका निम्ति र आफ्ना जनहरूका भलाइका निम्ति आफ्नो योजनालाई सफलताका साथ अघि बढाउँदै हुनुहुन्छ भन्ने कुरामा के तपाईं धन्यवादी हुनुहुन्छ?

बिहान सबेरै हामान राजासँग दर्शनभेट गर्ने आशामा बाहिरी चोकमा देखा परे। तिनी राजासित कुन कुरा गर्न चाहन्थे (एस्तर ५:१४; ६:४)?

______________________________ ______________________________। हामान मोर्दकैको बिजोग हेर्न चाहन्थे। उसको आफ्नै कस्तो बिजोग हुन लागिरहेको छ भन्ने कुराको उसलाई एक छेउसम्म पनि शङ्का थिएन! हामानले मोर्दकैको निम्ति फाँसीको काठ त________ गरेका थिए (एस्तर ६:४), तर हामानको निम्ति परमेश्वरले एउटा कुरा तयार पार्नुभएको थियो! हामानले झुण्डयाउन चाहेको व्यक्ति त राजाले सम्मान गर्न चाहेको व्यक्ति पो पर्यो!

के हामानले राजासँग दर्शनभेट गर्न पाए (एस्तर ६:५)? ________। याद गरौं, कसैले राजासँग दर्शनभेट गर्न पाउन उसले पहिला राजाबाट निम्तो पाउनुपर्थ्यो! हामानले आफ्नो मुख खोल्न नपाउँदै राजा बोले र भने, “राजा आफैले सम्मान दिने इच्छा गरेको मानिसलाई के गर्नुपर्छ?” यो सुन्नेबित्तिकै हामान मोर्दकैलाई बिर्सेर आफ्नै विषयमा सोच्न थाले! राजा वास्तवमा कसको बारेमा सोच्दैथिए (एस्तर ६:३)? ________________। तर हामानले राजा कसको बारेमा सोच्दैछन् भनिठाने (एस्तर ६:६)? __________________।

एस्तर ६:७-९ मा हामी देख्दछौं, राजालाई आफ्नो जवाफ दिन हामान एकदमै तयार थिए। यो हामानले अघिबाटै सोचेको र कल्पना गरेको कुरा हुनुपर्दछ। उनलाई यो खुशीको खबर आफ्ना पत्नी र मित्रहरूलाई बताउन हतार भयो। शायद उनी सोच्दैथे, “मेरा सुन्दर सपनाहरू अब सब पूरा हुनेभए!” तर, हाय, विपनामा अब के-के हुन लागेका थिए भन्ने कुरा उसको सोचाइबाट परै थियो!

हेर्नुहोस्, हामान आफ्नो निम्ति के-के गरियोस् भन्ने चाहन्थ्यो (एस्तर ६:७-९): राजकीय पोशाक (राजाले लगाएको), राजकीय घोडा (राजाले चढेको) र राजकीय मुकुट (राजाले पहिरेको)। सडकमा हिँड्दा मानिसहरूले उसलाई राजा नै भन्ठानोस् न! जीवनमा कहिल्यै नखाएको ठक्कर अब हामानले खानै लागेका थिए!

एस्तर ६:९ मा “राजाका सबैभन्दा माननीय पदाधिकारीहरूमा एक जना” भनी हामानले तोक्दछन्। उक्त व्यक्ति त को पर्यो (एस्तर ६:१०)? ____________। एक्कासी हामान छाँगाबाट खस्छ (राजाले सम्मान दिन इच्छा गरेको व्यक्ति आफू नभई उसलाई सबभन्दा मन नपर्ने व्यक्ति मोर्दकै पो रहेछ! मोर्दकैलाई फाँसी दिनुको सट्टामा अब हामानले उसलाई सम्मान दिनुपर्नेभयो! अनि आफूलाई जे गरियोस् भनी ऊ चाहन्थ्यो, त्यही नै अब उसले मोर्दकैको निम्ति गरिदिनुपर्नेभयो, त्यसमा पनि ऊ आफैले भनेबमोजिम! उसलाई फाँसी दिने अनुमतिको सट्टामा उसलाई सम्मान दिने आज्ञा उसमाथि आइपर्यो!

हामान फन्दामा परेका छन्। के अब “यो विचार मलाई ठिक लागेन!” भन्ने? यो त उसले भन्नै मिलेन। त्यो उसकै विचार थियो! त्यो पूर्णरूपमा उसकै विचार थियो! अब त्यो पूरा नगरी उसलाई सुख नहुने भयो!

राजाले हामानलाई आज्ञा गरे, “तिमीले भनेबमोजिम सबै कुरामध्ये केही नछुटोस् (एस्तर ६:१०)।”

आफूले भनेजस्तै उसले गर्नुपर्यो! हामानका सबै वचनहरू पूरा हुनैपर्छ! उहाँले आफ्नो वचनहरू अनुसार नै गर्नुहुनेछ भनी के हामी परमेश्वरमाथि भरोसा राख्न सक्छौं? के परमेश्वरका वचनहरू पूरा हुनेछन्? आफूले पूरा गर्ने प्रतिज्ञा गर्नुभएका सबै कुराहरू के परमेश्वरले पूरा गर्नुहुनेछ? (हेर्नुहोस्, यहोशू २१:४५; २३:१४; १ राजा ८:५६; २ राजा १०:१०)।

हामान, आफ्नै इच्छाविपरित, आफ्नो शत्रुको निम्ति त्यो गर्नुपर्नेभयो जो आफ्नो निम्ति गरियोस् भन्ने उसले चाहेको थियो। के हामानले लूका ६:३१ लाई पालन गरे? __________। के त्यो सिद्धान्तलाई उसले राजीखुशी पालन गरे? __________

अघिल्लो दिन, हामान रानीको भोजबाट रमाउँदै, मनमा खुशी हुँदै घर र्फर्केका थिए (एस्तर ५:९)। मोर्दकैलाई भव्य रीतिले शहरको परिक्रमा गर्न सहायता गरेपछि के हामान रमाउँदै थिए, मनमा खुशी थिए (एस्तर ६:१२)? ______________। शायद फारसी साम्राज्यले नै ऊजस्तै निरूत्साहित र अपमानित व्यक्ति कहिल्यै देखेको थिएन! (टिप्पणीः कुनै व्यक्तिले आफ्नो गहिरो शोक व्यक्त गर्नुपर्दा उसले आफ्नो शिर ढाक्ने चलन थियो)।

हामानका पत्नी र मित्रहरू जान्दथे, उनलाई जे भयो त्यो केवल बिग्रेको भाग्य थिएन। भाग्य मात्र बिग्रेको भए त शायद भाग्य फेरि फर्केर आउन सक्थ्यो। तर तिनीहरू जान्दथे, हामान कहिल्यै नउठ्ने गरी पतन हुन लाग्दैछन् (उसको यो आंशिक पतनपछि पूर्ण पतन आउनेछ)। तिनीहरू जान्दथे, यहूदीहरूको शत्रु बन्नु जोखिमपूर्ण मामला हो। यहूदीहरूलाई सराप दिनेहरूलाई के हुनेछ भनेर परमेश्वरले प्रतिज्ञा गर्नुभएको थियो (उत्पत्ति १२:३)? __________________________________________ __________________। परमेश्वरको विरुद्धमा लड्ने व्यक्तिले जित्ने आशा गर्नुहुँदैन! एकातिर हामान एक शक्तिशाली व्यक्तिको मदतले काम गर्दैथिए, तर के अर्कोतिर यहूदीहरूलाई सर्वशक्तिमान् व्यक्तिले नै मदत गर्दैहुनुहुन्नथ्यो (तुलना गर्नुहोस् १ यूहन्ना ४:४)? ________________। के हामानका पत्नी र मित्रहरूले उनको पतनको सही भविष्यवाणी गरे (एस्तर ६:१३; दाँज्नुहोस् ७:१०)? ______________।

हामान, आफ्नी पत्नी र आफ्ना मित्रहरूसँगको कुराकानी सिध्याउन नपाउँदै, एस्तरको दोस्रो भोजमा हतार-हतार लगिए। परमप्रभुले (बिग्रेको भाग्यले होइन), यो दुष्ट मान्छेको निम्ति अर्कै कुराको तयारी गर्नुभएको थियो!

हामानको जीवनले लूका १८:१४ मा उल्लेखित आत्मिक सिद्धान्तलाई कसरी दर्शाउँछ? ________ ____________________________________________ ______________________________________________________। हामानको जीवनले निम्न हितोपदेशहरूलाई कसरी दर्शाउँछ

हितोपदेश १६:१८ ______________________________________________ __________________________________।

हितोपदेश २९:१३ ______________________________________ __________________________________________।

हितोपदेश ११:२ _________________________________ _______________________________________________।

हितोपदेश १८:१२ ______________________________ __________________________________________________।

यसबाट के तपाईंले पनि चेताउनी पाउनुभएको छ?

एस्तरको साहस

एस्तरको साहस

 

एस्तरको साहस

एस्तर ४:१-५:८

एक दिन अचानक तपाईंकहाँ यस्तो खबर आयो — तपाईंका बाबु-आमा, दाज्यू-भाइहरू, दिदी-बहिनीहरू, बाजे-बज्यै, मामा-माइज्यू लगायत तपाईंका सबै प्रियजनहरू एघार महिनापछि एउटा निश्चित दिनमा मारिने भएको छ। त्यस्तो परिस्थितिमा तपाईं के गर्नुहुनेथ्यो? मोर्दकैले के गरे (एस्तर ४:१-२)? अरू कसले पनि त्यसै गरे (एस्तर ४:३)? __________________________________। मोर्दकै र ती यहूदीहरू किन त्यति चिन्तित भएका थिए (एस्तर ३:१३)? ________________________________________________________________।

पुरानो नियमका समयहरूमा मानिसहरू आपत-विपदको घडीमा आफ्ना वस्त्रलाई च्यातेर आफ्नो शोक र दुःखलाई प्रकट गर्ने गर्थे। (उनीहरूले साधारणतया वस्त्रलाई पूरै त च्यात्दैनथे, केवल वस्त्रका किनारको केही भाग च्यात्थे)। साथै उनीहरू भाङ्ग्राको लुगा अथवा उँटको रौंबाट बनेको खुकुलो र खस्रो लुगा लगाएर खरानीमाथि बस्थे वा टाउकामा खरानी खन्याउँथे। जस्तै, योनाले निनवे शहरका बासिन्दाहरूलाई तिनीहरूमाथि ४० दिनमा परमेश्वरको विनाशकारी दण्ड आइपर्नेछ भनी प्रचार गर्दा, तिनीहरू र तिनीहरूका राजाले के गरे (योना ३:५-६)? ____________________________________________________। साथै, अत्यन्तै ठूलो सङ्कटमा पर्दा यहूदीहरू उपवास बस्थे अर्थात् केही नखाई बस्थे। भोजन एउटा आवश्यकता हो, तरैपनि कहिलेकाहीँ भोजनभन्दा अरू नै कुरा अझ महत्त्वपूर्ण हुन सक्छ अनि केही समयका लागि केही नखाने निर्णय गर्नुपर्ने हुन्छ। मानौ कुनै शत्रु राष्ट्रले हाम्रो देशमाथि भारी बमवर्षा गर्न लागिरहेको छ भन्ने खबर आइपुग्यो। त्यस्तो परिस्थितिमा कसैले “मलाई अहिले खबर-सबर नसुनाऊ। मेरो भात खाने टाइम हो यो” भन्छ होला र?

राजाको उर्दी एस्तरको कानमा

मोर्दकैको बारेमा सुनेर एस्तर गम्भीर बन्छिन्। मोर्दकैले त्यस्तो लुगा लगाएको र त्यसरी व्यवहार गरेकोले त्यहाँ कुनै ठूलै समस्या आइपरेको हुनुपर्छ भनी बुझिन्। एस्तर महारानीलाई त्यसबेलासम्म हामानको दुष्ट उर्दीको बारेमा थाहै थिएन। खास के भएको हो भनी पत्ता लगाउन उनले आफ्नो एउटा भरपर्दो नोकरलाई मोर्दकैकहाँ पठाउँछिन्। तपाईं किन भाङ्ग्रा लगाएर बस्दैहुनुहुन्छ? यसको कारण के हो? हामानले यहूदीहरूलाई ________ गर्नका निम्ति (एस्तर ४:७) कस्तो योजना बनाएका छन् भनी मोर्दकैले एस्तरको नोकरलाई बताइदिए अनि साथमा राजाज्ञाको एउटा नकल पनि पठाइदिए। मोर्दकैले एस्तरलाई के गर्नलाई निर्देशन दिए?

    1. (क) परमेश्वरसित प्रार्थना गर्न
    2. (घ) उपवास बस्न (खाना नखाई बस्न)
    3. (ग) राजाकहाँ गएर निगाह प्राप्त गर्न र यहूदीहरू नाश हुनबाट बचाइयोस् भनी विन्ती चढाउन
    4. (घ) भाङ्ग्राको लुगा लगाएर बस्न
    5. (ङ) हामानको हत्या गर्न

एस्तरको साहसी निर्णय

रानीलाई भित्री दरबारमा राजाको सामु आउने हुकुम वा अनुमति नआएको कति दिन भइसकेको थियो (एस्तर ४:११)? ________________। नबिर्सौं, त्यसबेलासम्म एस्तर रानी बेनकी करिब पाँच वर्ष भइसकेको थियो। हुकुम बिना राजाको सामु जाने व्यक्तिलाई सम्भवतः के गरिन सक्थ्यो (एस्तर ४:११)? ______________________। के यो नियम सबैलाई लागु हुन्थ्यो? एस्तरलाई पनि? ________________। आज पनि शासकहरू तथा महत्त्वपूर्ण व्यक्तिहरूको सामु पुग्न प्रायः कठीन छ। मानौं तपाईं काठमाडौंको बालुवाटारमा प्रधानमन्त्रीको भवनमा गएर गेटपालेलाई “म प्रधानमन्त्रीसँग कुरा गर्न चाहन्छु” भन्नुभयो। के तपाईंलाई अनुमति मिल्छ होला?

जिउँदो परमेश्वर नै सबभन्दा महत्त्वपूर्ण व्यक्ति हुनुहुन्छ! पुरानो नियमका समयहरूमा भेट हुने पालमा र मन्दिरमा परमेश्वरको विशेष उपस्थिति थियो। भेट हुने पाल (मन्दिर) भित्र दुईटा पवित्रस्थानहरू थिएः १) पवित्रस्थान, जहाँ सामदान र भेटीका रोटीको टेबल हुन्थ्यो (हिब्रू ९:२) र २) ________ पवित्रस्थान (हिब्रू ९:३) जहाँ परमेश्वरको उपस्थिति थियो। परमेश्वरको उपस्थिति भएको त्यो भित्री पवित्रस्थानमा जान कसलाई मात्र अनुमति थियो (हिब्रू ९:७)? ________________________। उक्त व्यक्तिलाई परमेश्वरले कुन-कुन समयमा भित्र आउनलाई अनुमति दिनुभएको थियो (हिब्रू ९:७)? ____________________________। यदि अर्कै व्यक्ति उक्त महापवित्रस्थानभित्र पसेको खण्डमा वा सही व्यक्ति अर्कै समयमा भित्र पसेको खण्डमा, के हुने निश्च्य थियो?

के आज विश्वासी जनलाई राजाहरूका राजाको सामु जानलाई अधिकार छ (एफेसी २:१८)? ________। के हामी साहससित (निश्चयताका साथ, बिनाडर) महा पवित्रस्थानभित्र पस्न सक्छौं (हिब्रू १०:१९-२०)? ____________। के हामी सारा सृष्टिका महाराजाको नजिक जान सक्छौं? कि हामी डराउँदै डराउँदै पर बस्नुपर्छ (हिब्रू १०:२२)? __________________________________________________। के राजा परमेश्वरले हामीलाई उहाँको सिंहासनको नजिक आउन स्वागत गर्नु भएको छ (हिब्रू ४:१६)? ________________। तपाईं यस विशेषाधिकरको फाइदा कत्तिको लिने गर्नुहुन्छ? सर्वशक्तिमान् परमेश्वरका सामु तपाईंको व्यक्तिगत सुनुवाइ कत्तिको हुने गर्छ?

यदि फारसका राजाको सामु कुनै व्यक्ति निम्तोबिना गएको खण्डमा, अनि राजाले आफ्नो सुनको ________________ अगाडि नसारेको खण्डमा, उक्त व्यक्ति निश्चय नै मारिनुपर्थ्यो (एस्तर ४:११)। सुनको राजदण्ड अगाडि सारिनुको माने राजाले निजलाई ग्रहण गरेको छ भन्ने बुझिन्थ्यो।

      1. आफूले गर्नुपर्ने काम एस्तरलाई असम्भव लाग्यो होला। किनभने उसको अगाडि तीनओटा विशाल समस्याहरू थिए:

१) राजासित दर्शन भेट गर्न खोज्दा फाँसीको जोखिम उठाउनुपर्ने समस्या (एस्तर ४:११);

२) अदलबदलै हुन नसक्ने उर्दीलाई बदल्नु पर्ने समस्या;

३) राजाकै विश्वासको पात्र हामानको विरुद्धमा राजाको समर्थन प्राप्त गर्नुपर्ने समस्या। एस्तरका निम्ति यी कुराहरू असम्भव थिए तर एस्तरले कुन कुरा बुझनु आवश्यक थियो (मत्ती १९:२६)?

      1. __________________________________________________________________________________________________।

परमेश्वर असम्भव कुरा गर्न मन पराउनुहुन्छ।

मोर्दकैले फिर्ता पठाएको जवाफले एस्तरलाई उक्त साहसी कदम चाल्न मदत गर्यो यद्यपि उक्त कदम कठीन र जोखिमपूर्ण थियो। मोर्दकैले प्रस्तुत गरेका तीनओटा महत्त्वपूर्ण तर्कहरूका कारण एस्तर रानी आफू राजाका सामु जानैपर्ने कुरामा विश्वस्त भए।

१) ठूलो जोखिम उठाउनुपरे तापनि, यदि यस समयमा एस्तरले यहूदीहरूको पक्षमा आफ्नो मुख खोलिनन् भने, उनी पछिबाट नाश हुनेछिन्। यदि हालको लागि उनले आफ्नो ज्यान जोगाउने प्रयास गरिन् भने पनि उनले पछिबाट आफ्नो ज्यान गुमाउनेछिन्।

२) यदि एस्तरले यहूदीहरूको पक्षमा कदम चालिनन् भने, यहूदीहरूका लागि सहायता र छुटकारा अन्य ठाउँबाट नै आउनेछ। परमेश्वरका प्रतिज्ञाका आधारमा यहूदी जातिको निरन्तरता निश्चित छ भनी मोर्दकै जान्दथे किनकि परमेश्वर ________ बोल्न सक्नुहुन्न (गन्ती २३:१९)। जस्तै, मोर्दकैभन्दा सय वर्ष अघि यर्मिया नाम गरेका अगमवक्ता थिए। यर्मिया ३१:३५-३७ पढ्नुहोस्। उक्त वचनअनुसार, हामान तथा फारस राज्यका शत्रुहरूले इस्राएल जातिको अस्तित्वलाई मेटाउन निम्न कुराहरू गर्न सक्‍नुपर्थ्यो:

१) घामलाई चम्कन नसक्ने बनाउनुपर्थ्यो (दिन र रातको चक्रलाई ठप्पै पार्न सक्नुपर्थ्यो);

२) विश्वब्रह्माण्डको सिमाना पत्ता लगाउनुपर्थ्यो र त्यसमा रहेका ताराहरूको सङ्ख्या पत्ता लगाउनुपर्थ्यो

३) पृथ्वीको पेटसम्म पुग्ने सुरूङ् खन्न सक्नुपर्थ्यो। यी कुराहरू गर्न नसकेको खण्डमा इस्राएल जाति

परमप्रभुको सामु रहिरहनेछ! यो त परमेश्वरले इस्राएललाई दिनुभएको थुप्रै प्रतिज्ञाहरूमध्ये केवल एउटा मात्र हो (हेर्नुहोस्, उत्पत्ति १२:१-३; १५:१८-२१; १७:६-८; व्यवस्था ३०:१-१०; २ शमूएल ७:१२-१६ इत्यादि)। परमेश्वरले आफ्नो प्रजाको उद्धार गर्नुहुनेछ भनी मोर्दकै जान्दथे किनकि परमेश्वरले आफ्ना प्रतिज्ञाहरू तोड्नु असम्भव छ भनी उनले जानेका थिए!

३) मोर्दकैको विचारमा वर्तमान सङ्कटपूर्ण समयमा नै एस्तर रानी हुनुको पछाडि एउटा महत्त्वपूर्ण कारण र उद्देश्य हुनैपर्छ। एस्तरलाई रानीको ओहोदामा पुर्याउनु परमेश्वरको बुद्धिमानी योजना थियो। आफ्नो महिमा प्रकट गर्न र आफूले करार बाँध्नुभएको जातिको भलाइ गर्न एउटा अचम्मको योजनालाई कार्यान्वयन गर्दैहुनुहुन्थ्यो। के यूसुफलाई मिश्रदेशका अधिपति बनाउनुको पछाडि परमेश्वरको कुनै उद्देश्य थियो (उत्पत्ति ५०:२० हेर्नुहोस्)? __________। के एस्तरलाई रानी बनाउनुको पछाडि परमेश्वरको उद्देश्य थियो? __________

एस्तर ४:१६ बाट यो बुझिन्छ कि एस्तरले आफ्नो हृदयमा निर्णय गरिन्। उनले के निर्णय गरिन्?

(क) “म राजाकहाँ जानेछु” (ख) “म राजाकहाँ जान्न”

मारिने सम्भावनाको बाबजुद पनि एस्तर राजाकहाँ जान राजी भइन् (एस्तर ४:१६; दानियलका तीन साथीहरूले पनि मर्नु परे पनि परमेश्वरको आज्ञा नतोड्ने अडान लिएका थिए, दानिएल ३:१७-१८)।

राजाका सामु एस्तर

राजाले एस्तरलाई देखेपछि के गरे? तिनलाई ग्रहण गरे कि इन्कार गरे (एस्तर ५:१)? ______________। एस्तरलाई स्वीकार गरेको कुरा राजाले कुन इशाराले जनाए? (एस्तर ५:२; दाँज्नुहोस् ४:११)? ______ ____________________________________________। कसैको मनमा यस्तो लाग्ला, “एस्तर रानीलाई भाग्यले साथ दिएछ। राजाको मनःस्थिति ठिक भएकै बखत एस्तर त्यहाँ पुगिछन्! यदि राजाको मन खिन्न भएको बेलामा एस्तर पुगेकी भए, तिनी मारिने थिइन्!” हामी नबिर्सौं, परमेश्वर आफ्नो योजनाअनुसार काम गर्दै हुनुहुन्थ्यो; “________को हृदय __________________को हातमा पानीका खोलाहरूझैं छ; उहाँले जता चाहनुहुन्छ, त्यतै त्यसलाई फर्काउनुहुन्छ” (हितोपदेश २१:१)। परमेश्वर पूर्णरूपमा परिस्थितिमाथि नियन्त्रण गर्दैहुनुहुन्थ्यो।

कल्पना गर्नुहोस्, तपाईं परमेश्वरको सामु उभिरहनुभएको छ जो राजाहरूका राजा हुनुहुन्छ, पवित्र र धर्मी हुनुहुन्छ, जसले पापलाई घृणा गर्नुहुन्छ। मानौं परमेश्वरले तपाईंलाई यसरी भन्नुहुन्छ, “मैले तिमीलाई ग्रहण गर्नुपर्ने के कारण छ र? म तिमीलाई मेरो सामु आउने अनुमति दिनुपर्ने के कारण छ र? म तिमीलाई नरकको आगोमा नाश नगर्नुपर्ने के कारण छ? तपाईंको जवाफ कुनचाहिँ हुनेथ्यो?

        1. (क) किनभने मैले असल जीवन बिताउने प्रयास गरेको छु।
        2. (घ) किनभने मैले खराब कामहरू भन्दा असल काम धेरै गरेको छु।
        3. (ग) किनभने म मण्डली गएको छु, हरेक दिन प्रार्थना गरेको छु र बाइबल पढेको छु।
        4. (घ) किनकि म एक विश्वासयोग्य ख्रीष्टियान भई जिएको छु।
        5. (ङ) किनकि
            __________________________________________________________________________। एस्तरको विन्ती

एस्तर कुनै अति जरुरी माग लिएर आएको हुनुपर्छ भनेर राजाले बुझे किनकि उनी राजाले नबोलाईकनै ज्यानकै बाजी राखेर उनकहाँ आउने आँट गरेकी थिइन्। त्यसबेला राजा एकदमै उदार मनःस्थितिमा थिए र एस्तरले जे मागे पनि दिन तयार थिए (एस्तर ५:३,६)!

तर आफ्नो माग तत्कालै जाहेर गर्नुको सट्टा एस्तरले राजा र हामानलाई त्यही दिन एउटा भोजमा निमन्त्रणा गरिन्। भोज खाँदै गर्दा राजाले फेरि पनि एस्तरलाई उनको माग के हो भनी सोधे। जवाफमा एस्तरले बताउन थालिन् (”मेरो ________ र मेरो ________________ यही हो;…” (एस्तर ५:७) तर उनले कुरा बताउनदेखि रोक्छिन्। कताकता एस्तरलाई लाग्यो, अहिले बोलिहाल्नु उचित छैन। यदि एस्तरले त्यति नै खेर हामानको विरुद्धमा बोलेकी भए, उक्त बोली कुबेलाको बोली ठहरिनेथ्यो, अनि यहूदीहरूलाई बचाउने उनको प्रयास विफल हुनेथ्यो। परमेश्वरले हामीलाई कहिले मुख खोल्नलाई अगुवाइ गर्नुहुन्छ, कहिले बन्द गर्नलाई! एस्तर बोलेको परमेश्वर चाहनुहुन्थ्यो, तर अहिले नै चाहिँ होइन! एस्तरले राजालाई आफ्नो माग जाहेर गर्ने कामलाई पछि सारेको यो दोस्रो पटक थियो। सट्टामा उनले राजा र हामानलाई फेरि भोलिपल्टको दिनमा अर्को भोजमा आउन निमन्त्रणा गरिन्।

 

हामानको दुष्ट योजना

हामानको दुष्ट योजना

 

हामानको दुष्ट योजना

एस्तर ३:१-१५

शैतान सक्रिय छ, तर परमेश्वर पनि सक्रिय हुनुहुन्छ!

शैतानलाई एस्तरको पुस्तकमा कतै उल्लेख गरिएको छैन, तरैपनि शैतान परमेश्वरका जाति, यहूदीहरूलाई नष्ट गर्न, “पर्दाको पछाडि” बसेर सक्रियरूपमा काम गरिरहेको पाइन्छ। अब एस्तरको तेस्रो अध्यायमा एकजना व्यक्ति छ जसलाई नै शैतानले आफ्नो षड्यन्त्रलाई सफल पार्ने प्रयोग गर्न थाल्छ।

शैतानको आफ्नो मान्छेः हामान

हामानको पदोन्नती गरी उसलाई उच्च पार्ने व्यक्ति को थिए (एस्तर ३:१)? ____________________________।

एस्तर ३:१०; ७:६ र ८:१ मा हामानलाई कसरी बयान गरिएको छ? ____________________________। अरू कसलाई शत्रु भनिएको छ (मत्ती १३:३९; लूका १०:१७-१९)? ________________। हामान शत्रु मात्र थिएन, तर उसलाई एस्तर ७:६ मा वि________ पनि भनिएको छ। अरू कसलाई उक्त नाउँ दिइएको छ (१ पत्रुस ५:८)? ____________। (टिप्पणीः “शैतान” को माने “विरोधी” हो; अर्थात् ऊ परमेश्वर र परमेश्वरका जनहरूको विरोध गर्ने व्यक्ति हो।) हामान एक दुष्ट शत्रु र विरोधी थियो, तरैपनि उसको पछाडि अझ भयङ्कर तर अदृश्य शत्रु थियो जो आफ्ना खराब योजनाहरू पूरा गर्न व्यस्त थियो।

हामानको पदोन्नती गरीकन उसलाई उच्च पार्ने को थिए (एस्तर ३:१)? एउटामा चिन्ह लगाउनुहोस्:

(क) परमेश्वर (ख) एउटा मानिस (ग) एस्तर

हामानलाई अरू भारदारहरूभन्दा श्रेष्ठ स्थान र उच्च पद दिइयो! कुनै व्यक्ति जब ज्यादै उच्च पारिन्छ, उसले एउटै मात्र दिशा लिन सक्दछ: उँधो! हामी देख्नेछौं, हामान सिंहासनबाट फाँ______को (एस्तर ७:१०) काठमा झुण्डिन पुगे। परमेश्वरले हामानलाई कसरी होच्च्याउनुभयो भन्ने कुरा अचम्मलाग्दो छ। एक विश्वासी उच्च हुन चाहन्छ भने उसले पहिला के गर्नुपर्छ (१ पत्रुस ५:६; याकूब ४:१०)? ________________________ ________________________। होचो बन्नाले उच्च बनाउँछ। कसले एक व्यक्तिलाई उच्च बनाउन र महान् बनाउन सक्नुहुन्छ (याकूब ४:१०; १ इतिहास २९:१२,२५)? __________________। प्रभु येशू ख्रीष्टले महान् बन्ने उपायको रहस्य के हो भन्नुभयो (मत्ती २३:११-१२; १८:१-४; मर्कूस १०:४३-४५)? _______________________________ _________________________ _______________________________ _____________________________________ __________________________। हामी बप्तिस्मा दिने यूहन्नाजस्तै हुन सकौं उनी ________को दृष्टिमा _____ _______ हुनेछन्, (लूका १:१५)।

मोर्दकै दण्डवत् गर्न मान्दैनन्

राजाका सबै भारदारहरूले के गर्दथे (एस्तर ३:२)? _____________________ _________________________ ______________________________। तिनीहरूले किन यसो गर्दथे (एस्तर ३:२)? ____________________________ ________________________। कुनचाहिँ मानिसले त्यसो गर्न मानेनन् (एस्तर ३:२)? ______________। घमण्डी हामानले मान्छेले उसलाई दण्डवत् गरेको चाहन्थ्यो। एकजनाले त्यसो गर्न मानेनन् किनकि उनी एक य________ (एस्तर ३:४) थिए। हामानको आत्मिक बाबु, शैतान, पनि अर्काको दण्डवत् खोज्दछ (मत्ती ४:८-९)। शैतानको सामु घोप्टो परी उसलाई दण्डवत् गर्न कसले इन्कार गर्नुभयो (मत्ती ४:१०)? ________________। कसलाई मात्रै दण्डवत् गरिनुपर्दछ (मत्ती ४:१०)? ______________________। एस्तर ३:३ मा राजदरबारका अधिकारीहरूले मोर्दकैलाई एउटा प्रश्‍न गर्छन् — “तपाईं किन राजाको आज्ञा उल्लङ्घन गर्नुहुन्छ?” उनले के उत्तर दिए होलान्? कहिलेकाहीँ प________________को आज्ञा पालन गर्नका लागि मा__________________को आज्ञा उल्लङ्घन गर्नुपर्दछ (प्रेरित ५:२९)। मोर्दकैले, राजाहरूका राजाको आज्ञा पालन गर्न सक्‍नका लागि राजाको आज्ञालाई मानेनन्।

मोर्दकैले उसलाई दण्डवत् नगरेको देख्दा, हामानलाई कस्तो लाग्यो (एस्तर ३:५)?

  1. (क) ऊ आनन्दले गदगद भयो (ख) ऊ रिसले चूर भयो
  2. (घ) ऊ खुशी भयो (ङ) उसलाई खास कुनै असर परेन
  3. (ग) उसलाई अलिकति खिन्न बन्यो

विनाशको दिन

शैतानले मान्छेको रिसको फाइदा उठाएर त्यसलाई आफ्नो उद्देश्य पूरा गर्न प्रयोग गर्न सक्दछ। अरू कसले मान्छेको रिसलाई आफ्नो उद्देश्य र प्रशंसाका लागि प्रयोग गर्न सक्नुहुन्छ (भजनसङ्ग्रह ७६:१०)? ____________________।

हामानको बल्दो रिसले उसलाई, मोर्दकैलाई मात्र होइन अरू कसलाई नाश गर्ने प्रेरणा दियो (एस्तर ३:६)? _____________________________________ _______________________________________________। शैतान परमेश्वरका जनहरूको शत्रु हो! के तपाईं परमेश्वरको जन हुनुहुन्छ? हुनुहुन्छ भने शैतानले तपाईंलाई नि______ खोजिरहेको हुन्छ (१ पत्रुस ५:८)!

वर्षको पहिलो महिनामा (एस्तर रानी भएकी ४ वर्ष जति पछि), यहूदीहरू विरुद्ध रचिएको हामानको दुष्ट योजनालाई कार्यान्वयन गर्नका लागि चिट्ठा हालियो (एस्तर ३:७)। सम्पूर्ण यहूदीहरू कहिले नाश गरिनुपर्थ्यो? कुनचाहिँ दिनमा? चिट्ठाद्वारा विनाशको दिन तोकियो।

पहिलो महिनाबाट सुरु गर्दै, क्रमिक रूपमा प्रत्येक दिन र महिनाको जाँच गरिँदा, प्रत्येक नै अयोग्य ठहरिँदै गयो। अन्तमा बाह्रौं महिनामा चिट्ठा पर्यो, बाह्रौं महिनाको तेह्रौं दिन। त्यसैले, उक्त दिन विनाशको दिनको रूपमा छनोट भयो जुन दिन आउन अझै एघार महिना बाँकी थियो। मानिसले चिट्ठा हाल्न सक्दछ, तर त्यसको नतीजा कसको हातमा छ (हितोपदेश १६:३३)? ____________________। भाग्य वा सञ्‍जोग भन्ने कुरा के साँचो हो? ____________। के त्यहाँ एक सर्वज्ञानी, सर्वशक्तिमान् परमेश्वर हुनुहुन्छ जसले सबै कुरा आफ्नो उदेकको योजनाअनुसार अगाडि बढाउँदै हुनुहुन्छ (एफेसी १:११; रोमी ८:२८)?

हामानको योजनालाई विफल तुल्याउन प्रशस्त समय (करिब एघार महिना) होस् भनेर परमेश्वरले चिट्ठालाई नियन्त्रण गर्नुभयो। हामानले सोचे, बाह्रौं महिनाको तेह्रौं दिनमा सम्पूर्ण यहूदीहरू नाश गरिनेछन्। तर त्यो दिन समेत उसले देख्न नपाईकनै उसको मृत्यु हुनेछ भनेर उसले कल्पना पनि गरेको थिएन।

राजाको उर्दी

परमेश्वरको चुनिएको जाति अन्य सबै जातिभन्दा फरक भएको कुरा हामान जान्दथ्यो। यहूदीहरू फारस साम्राज्यभरि जहाँतहीँ छरिएर बसिरहेका थिए, तरैपनि तिनीहरू आफ्नो परिचय यथावत् राख्‍न सफल थिए। (यसको मतलव उनीहरू फारसी बनेनन्। फारसीहरूकै माझमा रहेर पनि यहूदीहरू यहूदी नै भइरहे)। आजसम्म यो साँचो छ। कैयौं यहूदीहरू विश्वभरिका राष्ट्र-राष्ट्रमा छरिएर बसिरहेका छन्, तर जहीँ गए तापनि तिनीहरू यहूदी नै भनी चिनिन्छन्।

एउटा जाँच गरौं: चिनीलाई पानीमा घोल्नुहोस्। घोलियो त? अब अर्को भाँडामा तेललाई पानीमा घोल्नुहोस्। घोलियो त? पानीचाहिँ विश्वभरिका जातिहरूजस्तै हो भने तेलचाहिँ यहूदीहरूजस्तै। आज विश्वासीहरू अरू मानिसहरूभन्दा भिन्न छन्। परमेश्वरले नै त्यो भिन्नता राख्नुभएको हो। हामी संसारको बीचमा छौं, तर संसारजस्तै बन्नु हुँदैन (रोमी १२:२)। मानिसहरूले हामीमा भिन्नता देख्नुपर्छ! तपाईं संसारसित एकनासे नहुनुहोस्, तर संसारदेखि ____________ हुनुहोस् (२ कोरिन्थी ६:१७)।

एस्तर ३:९ अनुसार, हामान यहूदीहरूको ____________ चाहन्थ्यो। हामानद्वारा समस्त यहूदीहरूलाई के-के गर्ने लिखित आज्ञाको हुकुम पठाइयो (एस्तर ३:१३)? १) _______­­­­­­­­­­­­­­­­­­­­­­­­­­­­­__________ २) ____________ ३) ___________________ ____________________ ४) _______________________ _______________________________। उक्त राजकीय उर्दी शाही दूतहरूद्वारा साम्राज्यभरि प्रकाशित गरियो (एस्तर ३:१३,१५)। फारसीहरूको हुलाक प्रणाली ज्यादै प्रभावाकारी थियो। प्राचीन इतिहासकार हेरोडिटसले ती दूतहरूको बयान यसरी गरेका छन् —

यी फारिसी दूतहरूजत्तिकै छिटो यात्रा गर्ने मनुष्यजाति अरू कुनै छैन। राजमार्गको सुरुदेखि अन्तसम्मै, यात्रा पूरा गर्न आवश्यक दिनका गन्ती अनुसार, प्रत्येक दिनका लागि एउटा मान्छे र घोडाहरू पर्याप्त हुने गरी, ठाउँ-ठाउँमा मान्छेहरू घोडाहरूका साथ तैनाथ गरिएका छन्। अनि आफूले कटाउनुपर्ने दूरी सक्दो छिटो कटाउन यी मानिसहरूलाई कुनै कुराले रोक्दैन — न हिमपातले न वर्षाले, न गर्मीले न रातको अन्धकारले। पहिलो घोडचढीले आफूले बोकेको माल दोस्रोलाई सुम्पन्छ, अनि दोस्रोले तेस्रोलाई; अनि त्यसरी नै उक्त माल हातहातै राजमार्गको पल्लो छेउसम्म पुग्छ (हेरोडिटस ८.९८)।

केही हप्‍ताभित्र नै साम्राज्यको कुनाकाप्चा सम्मै राजाको उर्दी पुग्नसक्थ्यो!

हामानलाई राजाकै नाउँमा उक्त उर्दी तयार गर्न अनुमति दिइयो। उर्दी लेखिएपछि, तिनले राजाकै औंठाछापले उर्दीलाई छाप मारेर त्यसलाई औपचारिक गरायो, अर्थात् त्यो उर्दी राजा स्वयंले हस्ताक्षर गरेको उर्दी बराबर ठहरियो।

फारसी साम्राज्यमा राजाको व्यवस्थालाई अदलबदल गर्नु असम्भव थियो। त्यसलाई राजा स्वयंले समेत बदल्न सक्दैनथे। राजाद्वारा कुनै उर्दी निकालिएपछि, त्यो कानूनसरह मानिन्थ्यो अनि त्यसलाई अदलबदल गर्न सकिन्नथ्यो। निश्चय पनि हामानले सोचे, अब यहूदीहरूको विनाश पक्का भयो! तर स्वर्गका परमेश्वर मानवीय कानूनको कठघेराभित्र हुनुहुन्न भन्ने कुरा हामानले महसुस गर्न सकेनन्। प्रभु आफ्ना जनहरूलाई जोगाउन अति सिपालु र सक्षम हुनुहुन्छ। त्यो कुन कुरा हो जो कहिल्यै बदलिन सक्दैन, जो मादी र फारसीहरूका कानूनभन्दा पक्का छ (गन्ती २३:१९-२०; भजनसङ्ग्रह ११९:८९; यशैया ४६:१०-११; हिब्रू ६:१७-१८)? ________________________ ______________________।

शत्रु हामानले यहूदीहरूलाई नाश गर्न चिट्ठा हाले। परमेश्वरले उक्त चिट्ठालाई आफ्नो नियन्त्रणमा लिनुभयो अनि एक लामो अन्तरालको प्रबन्ध गर्नुभयो ताकि तोकिएको विनाशकारी कामलाई पन्छाउन सकियोस्। यस शैतानिक षड्यन्त्रलाई उल्टाउन परमेश्वरले के-कसरी काम गर्नुहोला त? मानव दृष्टिकोणको हिसाबमा यहूदीहरूको परिस्थिति पूर्णरूपमै आशारहित देखिन्थ्यो। तिनीहरूको भविष्य अँध्यारो देखिन्थ्यो। त्यसरी नै आज पनि परमेश्वरले विश्वासी जनलाई आशारहित देखिने परिस्थिति र समस्याको पुर्याउनुहुन्छ। त्यसबेला कुनै उपाय देखिँदैन, उम्किने बाटो कतै हुँदैन। के परमेश्वरले सबै कुरा मिलाउन सक्नुहुन्छ? के तपाईंको परिस्थितिमाथि परमेश्वरको नियन्त्रण छ? के उहाँको हातमा समाधानको उपाय छ? तपाईंको आँखा कतातिर लागेका छन् (२ इतिहास २०:१२)? ______________________________________ __________________________।

एस्तरको ऐतिहासिक पृष्ठभूमि

एस्तरको ऐतिहासिक पृष्ठभूमि

 

एस्तरको ऐतिहासिक पृष्ठभूमि

एस्तर १:१-२ मा __________________ नाम गरेका एक महान् शासकको उल्लेख गरिएको छ। तिनी एक फारसी राजा थिए जसलाई ग्रीक भाषीहरूले “जर्कसीज” भनी चिन्दथे। तिनको शासनकाल इ.पू. ४८६ देखि ४६५ सम्म रहेको थियो। एस्तरमा उल्लेखित घटनाहरू एज्राको पुस्तकमा वर्णित यरूशलेमको मन्दिरको पुनर्निर्माणपछि तर नहेम्याहको पुस्तकमा वर्णित यरूशलेमका पर्खालको पुनर्निर्माण अघि घटेका हुन्। दानिएलको भविष्यवाणीले चार महान् साम्राज्यहरूको वर्णन गरेको छ। दानिएलका खण्डहरू पढेर निम्न तालिकाका खाली कोठाहरू भर्नुहोस्:

एस्तरमा बयान गरिएका घटनाहरू मादी-फारस (दोस्रो साम्राज्य) को शासनकालमा घटेका हुन्।

एस्तरको विषय

एक महान् फारसी सम्राटको शासनकालको कुरा हो यो! उनको साम्राज्य पूर्वमा “भारत” (अथवा सिन्ध नदीको पश्चिमी भू-भाग वा हालको पाकिस्तान) देखि दक्षिणमा इथियोपियासम्म फैलिएको थियो। उनको साम्राज्य यति विशाल थियो कि उनले १८० दिनसम्म आफ्ना राजकुमारहरू तथा भारदारहरूका सामु “आफ्नो राज्यको धन-सम्पत्ति र आफ्नो रवाफ र ऐश्वर्य प्रदर्शन गरे” (१:३-४)।

त्यतिबेला इस्राएलका राजा कहाँ हुनुहुन्थ्यो त? यहूदीहरूका यहोवा परमेश्वर कहाँ हुनुहुन्थ्यो? यहूदीहरू बेबिलोनीहरूद्वारा कैदमा लगिएका थिए। अनि जर्क्सीजको शासनकालमा धेरजसो यहूदीहरू आफ्नो मातृभूमिबाट टाढा थिए। यहूदीहरूको एउटा सानो समूह मात्र यरूशलेममा सोलोमनद्वारा निर्मित महिमित मन्दिरलाई पुनर्निर्माण गर्न फर्केको थियो जुन मन्दिर नबुकदनेसरले ध्वस्त पारेका थिए। के परमेश्वर आफ्नो सिंहासनमा अझै विराजमान हुनुहुन्थ्यो त? के शासन यहोवा परमेश्वरकै हातमा थियो त? के बेबिलोनी र फारसीहरूले परेमेश्वरको शासनलाई छिन्नभिन्न पारिदिएका होइनन् र? संसार र संसारमा भएका सबै मानिसका सम्पूर्ण गतिविधिहरूलाई नियन्त्रण गर्ने वास्तवमा को थिए – फारसको साम्राज्य कि यहोवा परमेश्वर?

एस्तरको पुस्तकभरि परमेश्वरको नाउँ कतै उल्लेख गरिएको छैन। बाइबलका अन्य सबै ६५ पुस्तकहरूमा परमेश्वरको नाउँ उल्लेख गरिएको छ। एस्तरको पुस्तक परमेश्वरको नाउँको सम्बन्धमा किन मौन छ? के यसको मतलब परमेश्वर आफ्नो जाति इस्राएलको वास्ता राख्नुहुन्न र उनीहरूका बीचमा काम गर्नुहुन्न भन्ने हो त? कदापि होइन! यस पुस्तकमा परमेश्वरको नाउँ कतै भेटिन्न तरैपनि परमेश्वरको क्रियाशील हात भने सुरुदेखि अन्तसम्मै देखिन्छ! कति समय परमेश्वर आफ्नो उद्देश्य पूरा गर्न अदृश्य रूपमा काम गर्नुहुन्छ! कतिले हेर्दा परमेश्वर केही नगरी बस्नुभएजस्तै देखिनुभए तापनि, आत्मिक व्यक्तिले राम्ररी जान्दछ, परमेश्वरले“________ ______________ __________ ______________ सल्लाहमुताबिक” (एफेसी १:११) काम गर्दै, सब कुराको नियन्त्रण गर्दै, चलाउँदै हुनुहुन्छ। नेबुकदनेसरले समेत यो पाठ सिक्नु पर्यो, परमेश्वर सिंहासनमै विराजमान हुनुहुन्छ। दानिएल ४:३३-३७; १ तिमोथी ६:१२; १ इतिहास २९:१०-१२ हेर्नुहोस्। उहाँ “__________________का सबै राज्यहरूमाथि शासन गर्नुहुन्छ” (२ इतिहास २०:६), अँ फारसको राज्यमा समेत! परमप्रभुले ____________ आफ्नो सिंहासन स्थापित गर्नुभएको छ; भजनसङ्ग्रह १०३:१९)। के तपाईंले आफ्नो हृदयलाई उहाँको सिंहासन हुन दिनुभएको छ?

यस पुस्तकमा परमेश्वरको मात्र होइन शैतानको नाउँ पनि कतै पाइन्न। एस्तरको पुस्तकमा शैतानको नाउँ कतै नपाइए तापनि, उसको दुष्ट हातले काम गरिरहेको भने पाउँछौं। शैतानले “पर्दाको पछाडिबाट” सक्रियरूपमा आफ्नो मान्छे हामानको माध्यमद्वारा परमेश्वरका जनहरूलाई नाश गर्न खोजिरहेको पाउँछौं।

त्यसैले यो रोचक पुस्तकको अध्ययन गर्ने क्रममा, तपाईं परमेश्वरलाई “पर्दाको भित्रपट्टिबाट” काम गरिरहनुभएको उदाहरणहरू भेट्टाउन तयार हुनुहोस्। साथै शैतानका दुष्ट क्रियाकलापलाई समेत ध्यानमा राख्दै यस पुस्तकको अध्ययन गर्नुहोस्। शैतान पनि मानिसका मामिलाहरूमा ज्यादै गहिरोसित लागिपरेको हुन्छ। यसरी अध्ययन गर्दा यो पुस्तक सत्यता र अर्थले नवीनरूपमा जिउँदो भएको पाउनुहुनेछ!

वश्ती रानीको पदच्युत

एस्तर १

परमेश्वरको योजना र उद्देश्य यो थियो (एस्तरलाई फारस साम्राज्यको रानी बनाउनु अनि उनको हातद्वारा यहूदी जातिलाई विनाशबाट बचाउनु। तर त्यतिखेर सिंहासनमा अर्कै रानी थिई जसको नाम __________ थियो (१:९-११)। परमेश्वरले आफ्नो योजना कसरी पूरा गर्नुभयो होला त?

सम्भावित उपायहरू

१) परमेश्वरले चाहनुभएको भए प्रत्यक्ष हस्तक्षेप गर्न सक्नुहुन्थ्यो; मानौं र्स्वर्गदूतहरूद्वारा वश्तीलाई विकट स्थानमा पुर्‍याउन सक्नुहुन्थ्यो वा उसको जीवनको अन्त्य गराउन सक्नुहुन्थ्यो।

२) — परमेश्वरले अप्रत्यक्षरूपमा (”पर्दाको पछाडिबाट”) काम गर्नुभई, सबै घटना र परिस्थितिको नियन्त्रण गर्नुभई, मानिसहरूलाई तिनीहरूका आफ्नै इच्छाअनुसार चल्न दिनुभई अन्तमा आफ्नो इश्वरीय इच्छालाई पूरा गराउन सक्नुहुन्थ्यो। (परमेश्वरले यहूदा इस्करयोती लगायत अन्य दुष्ट मानिसहरूलाई आफ्नो पुत्रलाई धोका दिन र क्रूसमा मार्न दिनुभयो, तर यी सब घटनाहरू मिलेर अन्तमा परमेश्वरकै सिद्ध इच्छा पूरा भयो ( लूका २२:२२; प्रेरित २:२३)।

परमेश्वरले आफ्नो योजना पूरा गर्नलाई उपाय २ लाई प्रयोग गर्नुभएको हामी पाउँछौं। आफ्नो असल अभिप्राय पूरा गर्न उहाँले एउटा अनाज्ञाकारी स्त्री र राजाको क्रोधलाई समेत प्रयोग गर्नुभयो! कसैलाई सिंहासनबाट पदच्युत गर्न परमेश्वरले कहिलेकाहिँ उपाय १ प्रयोग गर्नुहुन्छ (प्रेरित १२:२१-२३; दानिएल ४:२८-३३; २ राजा १५:५; प्रकाश १९:११-२०) तर प्रायः उहाँले उपाय २ प्रयोग गर्नुहुन्छ (मत्ती २:१९-२०; दानिएल ५:३०-३१; २ राजा १९:३६-३७ आदि)।

सम्पूर्ण फारसी साम्राज्यमाथि राजा को थिए (१:१) ________________। __________________ओटा प्रान्तहरू भएको साम्राज्यको शासक र नियन्त्रक म नै हुँ भन्ने तिनलाई लाग्थ्यो। तर वास्तवमा त्यस विशाल साम्राज्य लगायत विश्वभरिका समस्त राज्यमाथिका नियन्त्रक तिनी नभएर अर्कै महाराजा हुनुहुन्थ्यो (२ इतिहास २०:६)!

पद ३ र पद ५ मा उल्लेखित भोज एउटै हो। यस “पिउने भोज” मा राजाले आफ्नो राज्यको महानता र महिमाको रवाफ देखायो। राजाले कति लामो समयसम्म आफ्नो राज्यको प्रदर्शनी गर्यो (१:४)? ____________________। यस समयमा राजाले “आफ्नो राज्यको धन-सम्पत्ति र आफ्नो रवाफ र ऐश्वर्यको प्रदर्शनी गर्यो”।

त्यस्तै आज परमेश्वरले, जो हाम्रा राजा हुनुहुन्छ, उहाँलाई अति अनमोल र महिमित लाग्ने कुरा उहाँका सबै पवित्रजनहरूलाई देखाउन चाहनुहुन्छ (एफेसी १:१७-१९; ३:८-९; कलस्सी १:२७)। ग्रीक इतिहासकार हेरोडटस्अनुसार, यही समयमा जर्कसीजले ग्रीसका विरुद्ध एक सैन्य अभियानको योजना गर्दै थिए तर त्यो असफल भयो!

६ महिना लामो “प्रदर्शनी” को अन्तमा राजाले एउटा भव्य मद्यपानको भोज आयोजना गरे। कति लामो समयसम्म यो उक्त भोज मनाइयो (१:५) ______________________। यस भोजको श्रृङ्गारको वर्णन पद ६ मा, मनोरञ्जनको वर्णन पद ७ मा र भोजको नियमावलीको वर्णन पद ८ मा गरिएको छ। पाहुनालाई धेरै वा थोरै, उनीहरूले चाहेअनुसार पिउन छुट थियो। सायद अधिकांशलाई त धेरै नै पिउने इच्छा थियो! त्यसै बेला महिलाहरूले पनि छुट्टै भोज मनाइरहेका थिए (पद ९)!

पिउने भोजको अन्तमा अर्थात् ६ दिनसम्म दाखमद्य सेवन गरिसकेपछि, राजा र पाहुनाहरू कस्ता अवस्थामा थिए होलान्, अनुमान गर्न सकिने कुरो हो! सात दिनमा राजा दाखमद्य पिएर ______________ भएका थिए (१:१०), तर उसको यो आनन्द थोरै बेरका लागि थियो।

प्रभुले त स्थायी, हृदयलाई सन्तुष्टि दिने आनन्द र रमाहट दिनुहुन्छ। यस्तो आनन्द दाखमद्यबाट आउँदैन (२ इतिहास ७:१०; हितोपदेश १५:१३; एफेसी ५:१८-२०)! संसारले मनाउनसक्ने भोज धेरैमा ७ दिन लामो होला, तर जसको हृदय परमेश्वरसित ठिक छ उसले अटुट भोज चैन गर्दछ (हितोपदेश १५:१५)!

राजाले आफ्नो वैभवको प्रदर्शनी गर्नुको साथसाथै आफ्नी सुन्दरी रानीलाई समेत प्रदर्शनी गर्न चाहे (१:१०-११)। यदि तपाईं वश्तीको स्थानमा हुनुभएको भए के तपाईं ती दाखमद्यले मातेका पाहुनाका सामु आफूलाई देखाउने इच्छा गर्नुहुनेथ्यो होला र? वश्ती राजाको हुकुम नमान्नुको कारण यत्तिकै बुझ्न सकिने कुरा हो। अब राजालाई रिस उठ्यो, त्यो पनि मात्तिएको सुरमा! पाहुनाहरूलाई खूबै देखाउँला भनी सोचेका राजा उल्टै उनीहरूकै सामु लज्जित हुनु परेको थियो। यति ठूला सम्राट भएर पनि तिनले आफ्नै रानीबाट सम्मान पाउन सकेनन्! संसारकै सबभन्दा विशाल साम्राज्यमाथि शासन गरे तापनि तिनले आफ्नै पत्नीमाथि शासन गर्न नसक्नु उनका निम्ति शर्मलाग्दो कुरा थियो!

राष्ट्रलाई नै सङ्कटमा पुर्याउन सक्ने यो स्थिति सम्हाल्नको लागि राजाले तुरुन्तै आफ्ना घनिष्ट सल्लाहकारहरूको राय खोजे। वश्तीको गलत नमूनालाई साम्राज्यभरिका नारीहरूले पछयाउनसक्ने स्थिति आउनसक्छ भनी ममूकानले तर्क गरे। फारस साम्राज्यका स्त्रीहरूले, आफ्ना पतिहरूलाई आदर गर्नुको सट्टा तिरस्कार गर्दै यसो भन्लान्, “यदि रानीले आफ्नो पतिको आज्ञा नमानी बस्नसक्छ भने हामी सक्छौं!” यसरी, वश्तीको अनाज्ञाकारितालाई दण्ड दिइएन भने राष्ट्रव्यापी नारी स्वतन्त्रता अभियान सुरु भएर यसले नराम्रो रूप लिन सक्छ। राजाले आफ्नै घरलाई राम्ररी शासन गर्न सक्दैनन् भने तिनले एक सिङ्गो साम्राज्यलाई कसरी शासन गर्लान्?

उक्त सिद्धान्त एक स्थानीय मण्डलीका अगुवाहरूको सम्बन्धमा कसरी सान्दर्भिक छ (१ तिमोथी ३:४-५; तीतस १:६)? मण्डलीका अगुवाहरू आफ्ना वैवाहिक सम्बन्ध तथा पारिवारिक जिम्मेवारीको क्षेत्रमा उत्कृष्ट ख्रीष्टिय नमूना हुनु किन आवश्यक छ? याद राख्नुहोस्, मानिसले आफ्नो खराब बानीव्यवहोरा छोड्नुको सट्टा प्रायः अगुवाका नमूनालाई बहानाको रूपमा दुरूपयोग गर्छन्: “यदि फलानोले त गर्न हुन्छ भने मैले गर्न किन हुँदैन?”

अर्कोतिर वश्तीको अनाज्ञाकारितालाई कडा कारवाही गरेको खण्डमा राज्यभरिका महिलाहरूले उनको खराब नमूनाबाट यो पाठ सिक्न सक्थे कि अनाज्ञाकारी भएर कुनै फाइदा नहुने रहेछ। शाही-उर्दी राज्यभरि निकालियोस् ताकि पत्नीहरूले अनादर गरेको खण्डमा कारवाही हुन्छ भनी महिलाहरूले जानोस्: “यस्तो व्यवहारको नमीठो फल रानीले त भोग्नुपर्छ भने सर्वसाधारण महिलाले त झन् कति बढ्ता गरी।” राजालाई ममूकानको सल्लाह मन पर्यो, शाही-उर्दी निकालियो, वश्तीलाई पदबाट हटाइयो अनि उनको सट्टामा उनीभन्दा _____________ __________ स्त्रीलाई रानीको पद दिइने भयो (१:१९)। ती स्त्री थिईन् –एस्तर!

परमेश्वरको उद्देश्य यो थियो — एस्तरलाई रानीको पदमा राख्नु। उक्त उद्देश्य पूरा गर्न रानीको पद रिक्त हुनुपर्थ्यो। पहिलो अध्यायमा त्यो पूरा भयो। राजाले अब एउटी अर्कै रानी रोज्नुपर्ने भयो। परमेश्वरको रोजाइ थियो — एस्तर। राजाले कसलाई रोजे त?

यहूदी एस्तर रानी बन्छिन्

राज्यभरि उर्दी निकालिएपछि, राजाको रिस ____________ (२:१)। तब तिनलाई रानी वश्तीको सम्झना भयो र एउटी रानीको आवश्यकताको महसुस भयो। अर्थात्, वश्तीको ठाउँमा तिनलाई अर्को रानी चाहियो।

तिनका भारदारहरूले राजा अहासूरसका सामु उनलाई मनपर्ने खालको प्रस्ताव राखे। तिनीहरूले राज्यभरिका सुन्दरी कन्याहरूको खोजी गरिदिने योजना बताए। अनि ती सबैलाई एउटा सुन्दरी प्रतियोगितामा सामेल गराई राजाले आफूलाई सबभन्दा मन परेको युवतीलाई छनोट गर्ने योजना बताए। यदि राज्यको हरेक प्रान्तबाट दुई-दुई कन्याहरू छानिएका भए, प्रतियोगीतामा जम्मा कतिजनाको सहभागिता हुने देखिन्थ्यो? ________________ (२:३; १:१)? यति धेरैजना मध्येबाट एस्तरनै चुनिने सम्भावना कति थियो? मानिसका दृष्टिकोणमा सम्भावना न्यून थियो। तर परमेश्वरको दृष्टिकोणमा भने भाग्यको होइन केवल सार्वभौम परमेश्वरको सवाल हुन्छ, “जसले __________ ______________ आफ्नै ____________को सल्लाहमुताबिक गर्नुहुन्छ” (एफेसी १:११)।

एक जवान विश्वासी जनले आफ्नो जीवन साथी कसरी रोज्नुपर्दछ? त्यहाँ केवल शारीरिक सुन्दरता र रूपलाई महत्व दिइएको थियो। के सुन्दरता भनेको बाहिरी कुरा मात्र हो त? के “भित्री सुन्दरता” भन्ने कुरा हुँदैन (१ पत्रुस ३:३-६; १ तिमोथी २:९-१०; भजनसङ्ग्रह ९०:१७)? बाहिरी सुन्दरताले व्यक्तिभित्रको ख्रीष्टरहित वास्तविकता (अर्थात् कुरूपता) लाई ढाकछोप गर्न सक्ला, तर प्रभु येशूद्वारा हुने भित्री सुन्दरता भने बाहिर प्रस्टै देखिने कुरा हो! कुनै युवक वा युवतीमा तपाईं कुन कुराको खोजी गर्नुहुन्छ? तपाईंमा अरूले के देख्छन्? के तपाईंको जीवनमा परिवर्तन आउन सक्छ? कसरी?

निम्नमध्ये कुन-कुन सदगुणहरू तपाईंमा प्रभुको सहायताले विकास हुनु खाँचो छ: शिष्टता (आफूतर्फ नभई प्रभुतर्फ ध्यान आकर्षण गर्ने स्वभाव), आदरणीय पहिरन (सफा-सुग्घर, सभ्य, पवित्र), निष्कपट हँसिलोपना, मिलनसार स्वभाव (जिस्किने खालको होइन), अस्वस्थ कुराबाट अलग हुनु चुरोट, मद्य, लागुपदार्थ आदि), चोखो बोली शुद्ध, सुवचन), अर्काको वास्ता गर्ने, यौन कुरा सम्बन्धी निर्दोष रहनु?

फारस साम्राज्यको राजधानीमा एउटा यहूदी कसरी आइपुगे थिए? यहूदीहरूको भूमि त प्यालेस्टाइन हो। मोर्दकै किन शूशनमा थिए (एस्तर २:५-६; २ राजा २४:१०-१६)? मोर्दकैले आफ्नो काकाकी छोरीलाई आफ्नो धर्मपुत्रीको रूपमा पालेका थिए। उक्त स्त्रीको यहूदी नाम ह____________ (एस्तर २:७) थियो र फारसी नाम ए____________ (तारा) थियो। एस्तरका बाबु को थिए? (एस्तर २:१५) ________________। उनका माता-पिता ______________ (एस्तर २:७)। एस्तर __________ र ____________ थिइन् र यसकारण राजाको सुन्दरी प्रतियोगीतामा उम्मेद्वार बन्न सकिन्। परमेश्वरको आशिषद्वारा तुरून्तै एस्तरले स्त्रीहरूको जिम्मेवाल नपुंसकको निगाह पाइन्। कुनचाहिँ कुरा एस्तरले मोर्दकैको आज्ञा बमोजिम नबताईकन लुकाईराखिन्? (एस्तर २:१०) ____________________________________________________। के विश्वासीहरूले आफू जिउँदो परमेश्वरको हुँ भन्ने कुरा लुकाउनु हुन्छ र? रोमी १:१६; योना १:८-९ हेर्नुहोस्; तुलना गर्नुहोस् एस्तर ७:३-४)।

कुनै पनि युवती राजाकहाँ जानु अघि ____________ महिना (एस्तर २:१२) को तयारी हुने अवधि पूरा गर्नैपर्थ्यो। विभिन्न तेल र अत्तर दल्ने समय थियो त्यो। यसरी राजाको सामु एकछिन देखा परेर राजालाई खुशी पार्नलाई तयारी हुन एक वर्ष पूरै लगाइन्थ्यो।

एक विश्वासी जन एक दिन राजाहरूका राजाको सामु खडा हुनेछ (रोमी १४:१०-१२; २ कोरिन्थी ५:१०), र उनको जाँच बाहिरी मात्र नभई भित्री हुनेछ (१ कोरिन्थी ४:४-५; हिब्रू ४:१३ सित तुलना गर्नुहोस्)। त्यो दिन राजाको सामु मनपर्दो हुनलाई तयार गर्ने समय अहिले नै हो (२ कोरिन्थी ५:९; एफेसी ५:१०)।

राजालाई भेट्ने आफ्नो पालो आउँदा, हरेक युवतीले आफूले चाहेजस्तो गरी राजाको सामु देखापर्न पाऊन् भनी उसले चाहेजत्तिको गहनाहरू र रत्नहरूले सिंगारिन पाउँथ्यो। एस्तरको पालो आउँदा उनले नपुंसक हेगेले सल्लाह दिएका कुराबाहेक __________ __________ ________________ (एस्तर २:१५, अक्षरशः ( “उनले कुनै कुरा खोजिनन् वा मागिनन्।” बाहिरी श्रृङ्गार र रत्नहरूभन्दा महत्त्वपूर्ण कुरा पनि त्यहाँ छ भनेर एस्तर बुझ्दथिन् ( हेर्नुहोस् १ पत्रुस ३:३-४; १ तिमोथी २:९-१०। कलस्सी ३:१२-१४ अनुसार विश्वासीहरूले कस्तो पोशाक पहिरनुपर्छ?)

जर्कसीजको राज्यकालको __________ वर्षमा एस्तरको पालो आयो। उनको राज्यकालको ____________ वर्षमा वश्तीलाई हटाइएको थियो। चार वर्षको लामो अन्तरालमा के-के भए? इतिहासअनुसार यो समयमा जर्कसीजले ग्रीसको विरुद्ध लडाईं गरे तर तिनी पूर्णरूपमा असफल भए। परास्त भएका राजाले आफ्नो नयाँ महारानीबाट केही मात्रामा हौसला पाउने आशा गर्नु स्वभाविक थियो। अरू सबलाई भन्दा तिनले एस्तरलाई मन पराए र उनैलाई रोजे। एस्तरले राजकीय मुकुट प्राप्त गरिन् र उनी वश्तीको सट्टामा __________ भइन्। परमेश्वरको रोजाइलाई नै रोजियो! परमेश्वरले नै रानीहरू हटाउनुहुन्छ र स्थापित गर्नुहुन्छ (दानिएल २:२१ सित तुलना गर्नुहोस्)।

के तपाईं आफ्नो निम्ति परमेश्वरको रोजाइ चाहनुहुन्छ? यदि चाहनुहुन्छ भने उहाँलाई सो पूरा गर्न दिनुहोस्। सबै घटनाक्रम तथा परिस्थितिलाई नियन्त्रण गर्नुहुनेले गल्ती गर्नु असम्भव छ! हृदयलाई प्रभुसित ठिक राख्नुहोस् अनि उहाँलाई खुशी पार्नु नै आफ्नो सबभन्दा ठूलो फिक्री सम्झनुहोस् (१ कोरिन्थी ७:३२)।

राजाले नयाँ रानीको नाममा राष्ट्रव्यापी विदाको घोषणा गरे र एउटा विशेष भोज लाए। त्यसबेला, आफ्नी धर्मपुत्रीको भलाइ खोज्ने मोर्दकैले एस्तरसित बारम्बार भेटघाट गर्न सक्थे। आफू यहूदी भएको कुरा नखुलाउनू भन्ने मोर्दकैको आज्ञालाई यस समयावधिभरि एस्तरले पालना गरिन्। उनी आफ्नो अविभावकको अधीनतामा रहने आज्ञाकारी युवती थिइन् जसरी उनी पहिलेदेखिनै उनलाई पालनपोषन गर्दै हुर्काउने अविभावक मोर्दकैका आज्ञाकारी थिइन्।

वश्ती आफ्नो विद्रोहको खातिर चिनियो। एस्तर भने आफ्नो आज्ञाकारीता र अधीनताको निम्ति (एस्तर २:२०, “अधीनता” भनेको “परमेश्वरको र उहाँको व्यवस्थापनको मुनि आफैलाई सुम्पनु हो”)। तपाईं के को निम्ति चिनिनुहुन्छ? घरमा, मण्डलीमा, स्कूलमा के तपाईं आफूमाथिका व्यक्तिहरूको अधीनतामा रहनुहुन्छ? यदि तपाईं परमेश्वरको डर मान्नुहुन्छ भने तपाईंले के गर्नुहुनेछ? __________________________ ______________________________________________ (एफेसी ५:२१)।

अधीनातामा जिउनुहुने हाम्रो सिद्ध नमूना को हुनुहुन्छ (लूका २:५१)? __________। राजाका दुई नपुंसकहरू राजासित रिसले चूर भए र राजालाई मार्ने निधो गरे। परमेश्वरले मोर्दकैलाई यस षड्यन्त्रको बारेमा थाहा पाउन दिनुभयो। उसले ____________लाई बताइदिए र उनले ________________ बताइदिइन् (२:२२)। जाँचबुझ गरेपछि, राजाले मोर्दकैको कुरा साँचो भएको पाए। अपराधीहरूलाई फाँसी दिइयो अनि यस कुराको विवरण राष्ट्रको राजकीय रेजिस्टरमा रेकर्ड गरियो। परमेश्वरको रहस्यमय योजनामा (अदृश्य सक्रियतामा), राजाले उक्त घटना छिट्टै बिर्सिहाले अनि मोर्दकैलाई राजाको ज्यान जोगाएकोमा कुनै इनाम दिइएन। पछि, परमेश्वरको समयमा, यस कार्यको सम्झना हुनेवाला थियो जब एक सिङ्गो जाति बचाइनेथ्यो! राजाको रिसको कारण एस्तर रानी बनीन्। अनि दुईजनाको रिसको कारण यहुदी जाति नष्ट हुनबाट बचाइयो। निश्चय, ____________को ________ले परमेश्वरलाई प्रशंसा ल्याउँदछ (भजनसङ्ग्रह ७६:१०)!

हामीले अघिल्ला दुई अध्यायहरूमा परमेश्वरको हातले सक्रियरूपमा काम गरिरहेको देख्यौं — वश्तीलाई पदच्युत गर्नुमा र एस्तरलाई पदस्थापन गर्नुमा। अब अर्को पाठमा हामी शैतानको हातले सक्रियरूपमा आफ्नो हतियार हामानद्वारा काम गर्न थालेको देख्नेछौं! के शैतान परमेश्वरभन्दा शक्तिशाली छ त? एस्तरको पुस्तकको अन्त्यमा पुग्दासम्म हामी यसको निष्कर्ष पत्ता लगाउनेछौं!